ŊWED MME PSALM 101 - Edisana ñwed Abasi Ibom

Eŋwɔŋɔ Ndidu Edinen Uwem

Psalm David.

¹ NYEKWƆ ima ye ikpe: nyebre nnɔ fi, O Jehovah. Nyetim nsaŋa ke usuŋ eke ɔfɔnde ama.

² Ini ewe ke afo edidi ke ɔtɔ mi? Nyesaŋa ke ufɔk mi ke esit ekeɔfɔnde ama.

³ Ndinimke oburobut ŋkpɔ ke enyin mi: mmasua se mmɔ emi ewahade enamde; enye ididianake mi.

⁴ Ukwaŋ esit eyekpɔŋ mi: ndifiɔkke idiɔk.

⁵ Nyesibe owo eke oyuride mbɔhiduŋ esie, mfep; ndikemeke ndiyɔ owo usɔŋenyin ye eke esit iseri.

⁶ Ntiŋ enyin ke mbon akpanikɔ ke isɔŋ, man mmɔ eduŋ ye ami: owo eke asaŋade ke usuŋ emi ɔfɔnde ama, eyenam ŋkpɔ mi.

⁷ Owo eke anamde abiaŋa, osude nsu, ididuŋke ke ufɔk mi; enye idisɔŋɔke ida ke iso mi.

⁸ Ke usenubɔk ke ndisobo kpukpru mme idiɔk mbio-obio; man nsibe kpukpru mme anam idiɔk ke obio Jehovah mfep.