ŊWED MME PSALM 1 - Edisana ñwed Abasi Ibom

Owo Eke Misaŋake ke Item Mme Idiɔk Owo

¹ ƆFƆFƆN ɔnɔ owo eke misaŋake ke item mme idiɔk owo, minyuŋ idaha ke usuŋ mme anam idiɔk minyuŋ itiehe ke itie mbon nsahi;

² Edi mbet Jehovah adat enye esit; enye onyuŋ osuk ekere mbet esie ke uwemeyo ye ke okoneyo.

³ Ndien enye ebiet eto eke etɔde ke mben akpa mmɔŋ, eke osioŋode mfri esie ke ekem ini; ikɔŋ esie inyuŋ ikeŋeke; ndien kpukpru se enye anamde ɔwɔrɔ usuŋ.

⁴ Mme idiɔk owo itiehe ntem; edi mmɔ ebiet mbio eke ofum asuande.

⁵ Mmɔdo mme idiɔk owo mididaha ke ikpe, mme anam-idiɔk idinyuŋ idaha ke esop nti owo.

⁶ Koro Jehovah ɔfiɔkde usuŋ nti owo: edi usuŋ mme idiɔk owo eyebiara.