ŊWED ESEME 3 - Edisana ñwed Abasi Ibom

Ima Abasi Obuhi ke Nsinsi

¹ AMI ndi owo eke okutde ukut eke otode ke eto iyaresit esie.

² Enye ada mi usuŋ, onyuŋ anam mi nsaŋa ke ekim, idige ke uŋwana.

³ Ŋkɔm enye ɔtɔŋɔ ntak akabare ubɔk esie anam mi ofuri usen.

⁴ Enye osobo obuk mi ye ikpɔk-idem mi; obuŋ mi ɔkpɔ.

⁵ Enye ɔbɔp (ufɔk) man aŋwana ekɔŋ ye ami, onyuŋ ada etidot ye ndutuhɔ akan mi okuk.

⁶ Enye anam mi ntie ke ebiet emi okimde, nte mme akpa mkpa ke eyo oko.

⁷ Enye esin ɔkɔ akan mi okuk, ndien ŋkemeke ndiwɔrɔ: anam ŋkpɔkɔbi mi odobi mi ke idem.

⁸ Ke ini nsemede ŋko nnyuŋ mfioride, enye ɔbiɔŋɔ mkpeubɔk mi.

⁹ Enye ada ndisɔi itiat akan usuŋ mi okuk, anam ɔkpɔ-usuŋ mi akwaŋa.

¹⁰ Enye ebiet bear udibe ye ami, ebiet lion ke ndibe ebiet.

¹¹ Enye akabare usuŋ mi onyuŋ awai mi mbak-mbak; anam mi ntie ke ndobo.

¹² Oduri utiga esie, onyuŋ onim mi ke se idaŋ eketde.

¹³ Enye anam nditɔ odibe-idaŋ esie oduk mi ke isin.

¹⁴ Ŋkedi se ofuri oruk mi esakde, enyuŋ ekwɔde ofuri usen.

¹⁵ Enye ɔnɔ mi ndot-ndot ŋkpɔ nyuhɔ, onyuŋ anam mi ŋŋwɔŋ etidot ŋkpa.

¹⁶ Enye ada ŋkpri itiat obuŋ mi edet; ada ntan ofuk mi.

¹⁷ Afo onyuŋ osio ukpɔŋ mi ke emem ɔduɔk: mmefre eti ŋkpɔ.

¹⁸ Ndien ndɔhɔ nte ke emesobo mbuɔtidem mi ye idorienyin mi efep ke iso Jehovah.

¹⁹ Ti ukut mi ye ndutuhɔ mi, ndot-ndot ikɔŋ ye etidot.

²⁰ Tim ti mmɔ: koro ukpɔŋ ɔnuhɔde mi ke idem.

²¹ Nda emi ndian ke esit, oro esin ami nnyene idori-enyin.

²² Ima Jehovah esin nnyin ikutak, koro mbom esie mikureke.

²³ Mmɔ edi mbufa kpukpru usenubɔk: akpanikɔ fo omokpon.

²⁴ Ukpɔŋ mi ɔdɔhɔ ete, Jehovah edi udeme mi: mmɔdo nyedori enyin ye enye.

²⁵ Jehovah ɔmɔfɔn ye mmɔ eke ebetde enye, ɔfɔn ye ukpɔŋ eke oyomde enye.

²⁶ Ɔfɔn ndidori enyin, nnyuŋ ntie ndop mbet erinyaŋa Jehovah.

²⁷ Ɔfɔn ye owo nte enye obiomde ɔkpɔnɔ ke uyen esie.

²⁸ Enye etie ikpɔŋ ke idem esie onyuŋ odop, koro Enye adade enye odori enye ke idem.

²⁹ Enye okubi inua esie ke ntan, ete mme idori-enyin odu.

³⁰ Ayak mfuk esie ɔnɔ owo eke amiade enye: esuene ɔyɔhɔ enye ke idem.

³¹ Koro Ɔbɔŋ mididuɔkke owo ke nsinsi:

³² koro enye ama otuk owo, enye eyenyuŋ atua owo mbɔm nte ekemde ye ediwak ima esie.

³³ Koro enye minamke ŋkpɔ abiak owo minyuŋ itukke nditɔ owo ke ima esit esie.

³⁴ Ndinuak kpukpru mbon ŋkpɔkɔbi ke ererimbot ke idak ukot esie,

³⁵ ndikwaŋ ikpe owo ke iso Ata Andikoŋ,

³⁶ ndiyut owo ke ikɔ esie, Ɔbɔŋ imaŋa.

³⁷ Anie owo ɔdɔhɔ ndien odu, ke Ɔbɔŋ miwukke?

³⁸ Nte idiɔk ye eti itoho Ata Andikoŋ ke inua?

³⁹ Owo uwem edinam didie eseme, owo anam didie eseme (ufen) idiɔk ido esie?

⁴⁰ Yak nnyin iduŋɔre inyuŋ idomo usen nnyin, inyuŋ ifiak edem itiene Jehovah.

⁴¹ Yak nnyin imenere esit nnyin ikɔrɔ ye ubɔk nnyin inɔ Abasi ke enyɔŋ.

⁴² Nnyin imanam idiɔk inyuŋ isɔŋ ibuot: afo udahakedo unɔ.

⁴³ Afo amada iyaresit ofuk (nnyin), onyuŋ ebine nnyin: omowot, utuaha owo mbɔm.

⁴⁴ Afo ada obubit enyɔŋ ofuk idem, ndien mkpeubɔk ikemeke ndibe.

⁴⁵ Afo onim nnyin ke ifum ye ŋkpɔ ndek ke otu mme idut.

⁴⁶ Kpukpru mme asua nnyin eŋwaŋade inua mmɔ ese nnyin.

⁴⁷ Ndik ye afia emesim nnyin, nsobo ye ŋwure.

⁴⁸ Akpa mmɔŋ eto mi ke enyin esuhɔre ebaŋa ŋwure adiaha ikɔt mi.

⁴⁹ Enyin mi eyet, inyuŋ idopke, inyuŋ itreke,

⁵⁰ tutu Jehovah etie ke enyɔŋ otuk iso esie onyuŋ okut.

⁵¹ Enyin mi otuk mi ukpɔŋ abaŋa kpukpru nditɔ-iban obio mi.

⁵² Mmɔ eke esuade mi ke ikpikpu ebine mi nte ekpri inuen.

⁵³ Mmɔ esobo uwem mi ke obube, enyuŋ etɔ mi ke itiat.

⁵⁴ Mmɔŋ ɔtɔ ofuk mi ibuot; ŋkɔdɔhɔ nte emesibe mi efep.

⁵⁵ Ntie ke edituŋɔ obube mfiori ŋkot enyiŋ fo, O Jehovah.

⁵⁶ Afo okokop uyo mi: kufak utɔŋ fo ke eseme mi, ye ntuaŋa mi.

⁵⁷ Afo asaŋa ekpere ke usen eke mfioride ŋkot fi: afo ɔdɔhɔ, ete, Kufehe.

⁵⁸ O Ɔbɔŋ, afo emekpe ikɔ ukpɔŋ mi;

⁵⁹ amafak uwem mi. Jehovah afo okokut nte etukde mi: kpe ikpe mi.

⁶⁰ Afo omokut ofuri usiene emi mmɔ esiode, kpukpru se mmɔ eduakde ebaŋa mi.

⁶¹ O Jehovah, afo omokop esuene emi mmɔ esuenede, ye kpukpru se mmɔ eduakde ebaŋa mi;

⁶² omokop uyo mmɔ emi enamde ikɔ ye ami, ye uduak emi mmɔ eduakde ebaŋa mi ofuri usen.

⁶³ Se nte mmɔ esuhɔrede etie ke isɔŋ, enyuŋ edahade ke enyɔŋ: ami ndi ikwɔ mmɔ.

⁶⁴ O Jehovah, nɔ mmɔ utip ekem ye utom ubɔk mmɔ.

⁶⁵ Nɔ mmɔ ubiak esit, nɔ mmɔ isuŋi fo.

⁶⁶ Bine mmɔ ke iyaresit, nyuŋ sobo mmɔ fep ke idak ikpa enyɔŋ Jehovah.