NEHEMIAH 7 - Edisana ñwed Abasi Ibom

Nehemiah Emek Mme Andikara ke Jerusalem

¹ EDIKEM adaŋemi ema ekediɔŋ ibibene ema, ami mma nnyuŋ ŋkɔŋ itim, ema enyuŋ etim ŋka mme itie-usuŋ, ye eke mme ɔkwɔ-ikwɔ ye eke mme Levite.

² Ndien ami ndɔhɔ Hanani eyenete mi, ye Hananiah etubom akwa ufɔk, nte ekara Jerusalem; (koro enye edide owo akpanikɔ, onyuŋ abakde Abasi akan ediwak owo):

³ ndien ndɔhɔ mmɔ, nte ekuberere usuŋ Jerusalem tutu eyo ɔsɔŋ; ndien adaŋemi mmɔ esuk edade do, yak eberi itim, enyuŋ ekɔbi: mmɔ enyuŋ enim ndusuk mbio Jerusalem, ete ekpeme, kpukpru owo ke itie ukpeme mmɔ, ye kpukpru owo ke iso esien mmɔ.

⁴ Ndien obio enyene ubom, onyuŋ okpon, edi mbio-obio iwakke ke esit, mmɔ ika-inyuŋ ibɔpke ufɔk.

⁵ Ndien Abasi mi esin mi ekikere ke esit, ndien nsop mbɔŋ, ye mme ebierikpe, ye kpukpru owo, man ewet oruk mmɔ. Ndien ŋkut ŋwed oruk mme mmɔ oro ekebemde iso edɔk, nnyuŋ ŋkut nte ewetde ke esit.

⁶ Mme mmɔ emi edi nditɔ province oro eketode ke itie mbuot-ekɔŋ, kpa mmɔ oro eketaŋde efep, emi Nebuchadnezzar edidem Babylon, akataŋde efep, ndien mmɔ enyɔŋɔ, ke Jerusalem, ye ke Judah, kpukpru owo ke obio mmɔ;

⁷ mmɔ oro ekesaŋade ye Zerubbabel edi, Jeshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, Baanah.

⁸ Ibat irenowo nditɔ Israel: nditɔ Parosh, tɔsin iba, ye ikie ye ata ye duopeba.

⁹ Nditɔ Shephatiah, ikie ita ye ata ye duopeba.

¹⁰ Nditɔ Arah, ikie itiokiet ye aba ye duopeba.

¹¹ Nditɔ Pahath-moab, ke nditɔ Jeshua ye eke Joab, tɔsin iba, ye ikie itiaita ye efureta.

¹² Nditɔ Elam, tɔsin ye ikie iba ye aba ye duopenaŋ.

¹³ Nditɔ Zattu, ikie itiaita ye aba ye ition.

¹⁴ Nditɔ Zaccai ikie itiaba ye ata.

¹⁵ Nditɔ Binnui, ikie itiokiet ye aba ye itiaita.

¹⁶ Nditɔ Bebai, ikie itiokiet ye edip ye itiaita.

¹⁷ Nditɔ Azgad, tɔsin iba, ye ikie ita ye edip ye iba.

¹⁸ Nditɔ Adonikam, ikie itio-kiet ye ata ye itiaba.

¹⁹ Nditɔ Bigvai, tɔsin iba, ye ata ye itiaba.

²⁰ Nditɔ Adin, ikie itiokiet ye aba ye efut.

²¹ Nditɔ Ater Hezekiah, anaŋ ye efureta.

²² Nditɔ Hashum, ikie ita ye edip ye itiaita.

²³ Nditɔ Bezai, ikie ita ye edip ye inaŋ.

²⁴ Nditɔ Hariph, ikie ye duopeba.

²⁵ Nditɔ Gibeon, anaŋ ye efut.

²⁶ Mbio Bethlehem ye Netophah, ikie ye anaŋ ye itiaita.

²⁷ Mbio Anathoth, ikie ye edip ye itiaita.

²⁸ Mbio Beth-Azmaveth, aba ye iba.

²⁹ Mbio Kiriath-jearim, Chephirah, ye Beeroth, ikie itiaba ye aba ye ita.

³⁰ Mbio Ramah ye eke Geba, ikie itiokiet ye edip ye kiet.

³¹ Mbio Michmas, ikie ye edip ye iba.

³² Mbio Beth-el ye Ai, ikie ye edip ye ita.

³³ Mbio Nebo eken, aba ye duopeba.

³⁴ Nditɔ Elam eken, tɔsin, ye ikie iba ye aba ye duopenaŋ.

³⁵ Nditɔ Harim, ikie ita ye edip.

³⁶ Nditɔ Jericho, ikie ita ye aba ye ition.

³⁷ Nditɔ Lod, Hadid ye Ono, ikie itiaba ye edip ye kiet.

³⁸ Nditɔ Senaah, tɔsin iba, ye ikie usukkiet ye edip ye duop.

³⁹ Mme oku: nditɔ Jedaiah, eke ufɔk Jeshua, ikie usukkiet ye ata ye duopeta.

⁴⁰ Nditɔ Immer, tɔsin, ye aba ye duopeba.

⁴¹ Nditɔ Pashhur, tɔsin, ye ikie iba ye aba ye itiaita.

⁴² Nditɔ Harim, tɔsin, ye efureba.

⁴³ Mme Levite: nditɔ Jeshua, ye Kadmiel, eke nditɔ Hodevah, ata ye duopenaŋ.

⁴⁴ Mme ɔkwɔ-ikwɔ: nditɔ Asaph, ikie ye aba ye itiaita.

⁴⁵ Mme etie-usuŋ: nditɔ Shal-lum, nditɔ Ater, nditɔ Talmon, nditɔ Akkub, nditɔ Hatita, nditɔ Shobai, ikie ye edip ye efureta.

⁴⁶ Mme Nethinim: nditɔ Ziha, nditɔ Hasupha, nditɔ Tabbaoth,

⁴⁷ nditɔ Keros, nditɔ Sia, nditɔ Padon,

⁴⁸ nditɔ Lebana, nditɔ Ha-gaba, nditɔ Salmai, nditɔ Hanan,

⁴⁹ nditɔ Giddel, nditɔ Gahar, nditɔ Reaiah,

⁵⁰ nditɔ Rezin, nditɔ Neko-da,

⁵¹ nditɔ Gazzam, nditɔ Uzza, nditɔ Paseah, nditɔ Besai, nditɔ Meunim,

⁵² nditɔ Nephushesim, nditɔ Bakbuk,

⁵³ nditɔ Hakupha, nditɔ Harhur, nditɔ Bazlith,

⁵⁴ nditɔ Mehida, nditɔ Harsha,

⁵⁵ nditɔ Barkos, nditɔ Sisera, nditɔ Temah,

⁵⁶ nditɔ Neziah, nditɔ Hatipha.

⁵⁷ Nditɔ ikɔt Solomon: nditɔ Sotai, nditɔ Sophereth,

⁵⁸ nditɔ Perida, nditɔ Jaala, nditɔ Darkon,

⁵⁹ nditɔ Giddel, nditɔ Shephatiah, nditɔ Hattil, nditɔ Pochereth-hazzebaim, nditɔ Amon.

⁶⁰ Kpukpru mme Nethinim, ye nditɔ ikɔt Solomon, edi ikie ita ye anaŋ ye duopeba.

⁶¹ Ndien mme mmɔ emi edi mmɔ oro eketode ke Tel-melah, ye Tel-harsha, ye Cherub, ye Addon, ye Immer: edi mmɔ ikwe nte esiakde ufɔk mme ete mmɔ, ye oruk mmɔ, mme mmɔ eto ke Israel.

⁶² Nditɔ Delaiah, nditɔ Tobiah, nditɔ Nekoda, owo ikie itiokiet ye aba ye iba.

⁶³ Ndien eke mme oku: nditɔ Hobaiah, nditɔ Hakkoz, nditɔ Barzillai, emi akadade eyen Bar-zillai a-Gilead aŋwan ɔdɔ, ndien ekere enyiŋ mmɔ.

⁶⁴ Mme mmɔ emi ekeyom ŋwed emana mmɔ, edi ikwe; ndien esio mmɔ ke itie oku efep, nte edidehe owo.

⁶⁵ Ndien Tirshatha ɔdɔhɔ mmɔ, ete ekudia ata edisana ŋkpɔ, tutu oku adaha ada akama Urim ye Thummin.

⁶⁶ Ofuri esop ɔtɔ kiet esim tɔsin owo aba ye iba, ye ikie ita ye ata.

⁶⁷ Ɔkɔrɔ ye ifin-iren mmɔ, ye ifin-iban mmɔ, emi esimde tɔsin itiaba, ye ikie ita, ye edip ye efureba: ndien mme ɔkwɔ-ikwɔ iren ye iban ikie iba ye aba ye ition edu ke otu mmɔ.

⁶⁸ Mme horse mmɔ edi ikie itiaba ye edip ye efurekiet: mme mule, ikie iba ye aba ye ition;

⁶⁹ mme camel mmɔ, ikie inaŋ ye edip ye efut: ye mme ass, tɔsin itiokiet ye ikie itiaba ye edip.

⁷⁰ Ndien ndusuk mme etubom mme ete eda ŋkpɔ enɔ ke utom. Tirshatha ada tɔsin dram o-gold, ye bason aba ye duop, ye edisine-ŋkpɔ oku ikie ition ye edip ye duop, esin ke ebiet-unim-ŋkpɔ.

⁷¹ Ndusuk mme etubom mme ete enyuŋ eda tɔsin dram o-gold edip, ye tɔsin pound silver iba, ye ikie iba, esin ke ebiet unim-ŋkpɔ utom.

⁷² Ndien se mbio-obio efen enɔde edi tɔsin dram o-gold edip, ye tɔsin pound silver iba, ye ɔfɔŋ idem oku ata ye itiaba.

⁷³ Ntre mme oku, ye mme Levite, ye mme etie-usuŋ, ye mme ɔkwɔ-ikwɔ, ye ubak mbio-obio, ye mme Nethinim, ye ofuri Israel, eduŋ ke mme obio mmɔ: ndien, ekem ke ɔyɔhɔ ɔfiɔŋ itiaba, nditɔ Israel edu ke mme obio mmɔ.