MALACHI 4 - Edisana ñwed Abasi Ibom

Akwa Usen Abasi ke Edi

¹ KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

² Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

³ Ndien mbufo eyedigi mme idiɔk owo; koro mmɔ eyebiet ntɔŋ ke idak ikpat ukot mbufo, ke usen eke ami ndinamde, Jehovah mme udim ɔdɔhɔ.

⁴ Mbufo eti mbet Moses owo mi emi ŋketemede enye ke Horeb nnɔ ofuri Israel, kpa mme ewuhɔ ye mme item.

⁵ Sese, ami nyedɔŋ prophet Elijah utom ke ɔtɔ mbufo, ke akwa ye ndik-ndik usen Jehovah mika-idige kaŋa:

⁶ ndien enye eyekabare esit mme ete ɔnɔ nditɔ, eyekabare esit nditɔ ɔnɔ mme ete mmɔ, mbak ndida ata nsobo ndimia idut emi.