JOSHUA 21 - Edisana ñwed Abasi Ibom

Mme Obio Emi Enɔde Mme Levites

¹ EKEM mme etubom mme Levite esaŋa ekpere Eleazar oku, ye Joshua eyen Nun, ye mme etubom mme ete mme esien nditɔ Israel;

² enyuŋ edɔhɔ mmɔ ke Shiloh ke isɔŋ Cannan, ete, Jehovah ama owuk ke ubɔk Moses, ete enɔ nnyin obio iduŋ, ye mben-isɔŋ mmɔ ke eke ufene nnyin.

³ Ndien nditɔ Israel esio mme obio emi ye mben-isɔŋ ke udeme mmɔ, enɔ Levite, ke uyo Jehovah.

⁴ Ndien afia ɔwɔrɔ ɔnɔ ubon mme Kohathite: ndien nditɔ Aaron oku, emi etode ke mme Levite, eda obio duopeta ke afia, ke esien Judah, ye ke esien Simeon, ye ke esien Benjamin.

⁵ Ndien nditɔ Kohath eken eda obio duop ke afia, ke otu mme ubon esien Ephraim, ye ke esien Dan, ye ke ubak esien Manasseh.

⁶ Ndien nditɔ Gershon eda obio duopeta ke afia ke otu mme ubon esien Issachar, ye ke esien Asher, ye ke esien Naphtali, ye ke ubak esien Manasseh ke Bashan.

⁷ Ndien nditɔ Merari, ke ubon ke ubon, eda obio duopeba ke afia ke esien Reuben, ye ke esien Gad, ye ke esien Zebulun.

⁸ Ntem ke nditɔ Israel emen mme obio emi ye mben-isɔŋ mmɔ, enɔ mme Levite ke afia, kpa nte Jehovah eketemede ke ubɔk Moses.

⁹ Ndien mmɔ esio obio emi ekotde enyiŋ mmɔ emi ke esien nditɔ Judah, ye ke esien nditɔ Simeon, enɔ;

¹⁰ ndien nditɔ Aaron emi etode ke mme ubon mme Kohathite, ke otu nditɔ Levi, eda ntem: koro akpa afia ɔwɔrɔde ɔnɔ mmɔ.

¹¹ Ndien mmɔ eda Kiriath-arba, obio ete Anak, enye edi Hebron, ke ikpɔ obot Judah, ye mben-isɔŋ esie emi akande enye okuk enɔ mmɔ.

¹² Edi emen iŋwaŋ obio oro, ye mme obio iŋwaŋ esie, enɔ Caleb eyen Jephunnah ada enyene.

¹³ Ntre ke mmɔ emen Hebron ye mben-isɔŋ esie enɔ nditɔ Aaron oku, enim ke obio-ubɔhɔ owot-owo; ye Libnah ye mben-isɔŋ esie,

¹⁴ ye Jattir ye mben-isɔŋ esie, ye Eshtemoa ye mben-isɔŋ esie,

¹⁵ ye Holon ye mben-isɔŋ esie, ye

¹⁶ Debir ye mben-isɔŋ esie, ye Ain ye mben-isɔŋ esie, ye Juttah ye mben isɔŋ esie, ye Beth-shemesh ye mben-isɔŋ esie; obio usukkiet ke otu esien iba emi.

¹⁷ Mmɔ enyuŋ esio Gibeon ye mben-isɔŋ esie, ye Geba ye mben-isɔŋ esie ke esien Benjamin,

¹⁸ enɔ ye Anathoth ye mben-isɔŋ esie, ye Almon ye mben-isɔŋ esie; obio inaŋ.

¹⁹ Kpukpru obio nditɔ Aaron, mme oku, edi obio duopeta ye mben isɔŋ mmɔ.

²⁰ Ndien mme ubon nditɔ Kohath, mme Levite emi esuhɔde ke nditɔ Kohath, eda obio afia mmɔ ke esien Ephraim.

²¹ Ndien enɔ mmɔ Shechem ye mben-isɔŋ esie ke obot Ephraim, ndidi obio-ubɔhɔ owot-owo; ye Gezer ye mben-isɔŋ esie,

²² Ye Kibzaim ye mben-isɔŋ esie, ye Beth-horon ye mben isoŋ esie; obio inaŋ.

²³ Elteke ye mben-isɔŋ esie ke esien Dan ŋko, ye Gibbethon ye mben-isɔŋ esie,

²⁴ Ye Aijalon ye mben-isɔŋ esie ye Gath-rimmon ye mben isɔŋ esie; obio inaŋ.

²⁵ Ye Taanach ye mben-isɔŋ esie, ye Gathrimmon ye mben-isɔŋ esie; obio iba, ke ubak esien Manasseh.

²⁶ Kpukpru obio emi enɔde mme ubon nditɔ Kohath emi esuhɔde, edi obio duop ye mben isɔŋ mmɔ.

²⁷ Ndien mmɔ eda Golan ke Bashan ye mben-isɔŋ esie ke ubak esien Manasseh, enɔ nditɔ Gershon emi etode ke ubon mme Levite, ke eke obio-ubɔhɔ owot-owo; ye Be-eshterah ye mben isɔŋ esie; obio iba.

²⁸ Ndien ke esien Issachar mmɔ enɔ Kishion ye mben-isɔŋ esie, ye Daberath ye mben-isɔŋ esie,

²⁹ ye Jarmuth ye mben-isɔŋ esie; ye En-gannim ye mben-isɔŋ esie; obio inaŋ.

³⁰ Ke esien Asher ŋko, Mishal ye mben-isɔŋ esie; ye Abdon ye mben-isɔŋ esie,

³¹ Ye Helkath ye mben isɔŋ esie, ye Rehobye mben-isɔŋ esie obio inaŋ.

³² Ye Kedesh ke Galilee ye mben-isɔŋ esie, ke eke obio-ubɔhɔ owot-owo, ke esien Naphtali; ye Hammothdor ye mben-isɔŋ esie, ye Kartan ye mben-isɔŋ esie: obio ita.

³³ Kpukpru obio mme Gershonite, ke ubon, ke ubon, edi obio duopeta ye mben-isɔŋ mmɔ.

³⁴ Ndien mmɔ eda Jokneam ye mben-isɔŋ esie ke esien Zebulun, enɔ mme ubon nditɔ Merari, mme Levite emi esuhɔde, ye Kartah ye mben-isɔŋ esie,

³⁵ Ye Dimnah ye mben-isɔŋ esie, ye Nahalal ye mben-isɔŋ esie; obio inaŋ.

³⁶ Ye Bezer ye mben-isɔŋ esie ke esien Reuben, ye Jahaz ye mben-isɔŋ esie,

³⁷ ye Kedemoth ye mben-isɔŋ esie, ye Mephaath ye mben-isɔŋ esie; obio inaŋ.

³⁸ Ye Ramoth ke Gilead ye mben-isɔŋ esie ke esien Gad, ke eke obio-ubɔhɔ owot-owo, ye Mahanaim ye mben-isɔŋ esie,

³⁹ Ye Heshbon ye mben-isɔŋ esie, ye Jazer ye mben-isɔŋ esie; kpukpru obio edi inaŋ.

⁴⁰ Kpukpru obio nditɔ Merari ke ubon, ke ubon, emi esuhɔde ke otu ubon mme Levite, edi obio duopeba ke afia mmɔ.

⁴¹ Kpukpru obio mme Levite ke ufɔt udeme nditɔ Israel, edi obio aba ye itiaita ye mben-isɔŋ mmɔ.

⁴² Mme obio emi edi obio ye mben-isɔŋ, obio ye mben-isɔŋ akan okuk: ntem ke kpukpru obio oro etie.

⁴³ Ntem Jehovah ɔnɔ Israel ofuri isɔŋ oro enye ɔkɔŋwɔŋɔde, ete iyenɔ mme ete mmɔ; eda enye enyene, enyuŋ eduŋ ke esit.

⁴⁴ Jehovah onyuŋ ɔnɔ mmɔ nduɔk odudu akan okuk, nte enye ɔkɔŋwɔŋɔde kpukpru ɔnɔ mme ete mmɔ baba owo mme asua mmɔ kiet ikemeke ndida ke iso mmɔ; Jehovah emen kpukpru mme asua mmɔ esin mmɔ ke ubɔk.

⁴⁵ Baba ikɔ kiet ke kpukpru nti ikɔ oro Jehovah ɔkɔdɔhɔde ye ufɔk Israel ikpuho; kpukpru esu.