JOSHUA 12 - Edisana ñwed Abasi Ibom

Mme Mbɔŋ Emi Moses Akakande ke Ekɔŋ

¹ NDIEN mme mmɔ emi edi mbɔŋ edem oro nditɔ Israel ekekande, enyuŋ eda isɔŋ mmɔ, ke edem Jordan oko ke usiaha-utin, ɔtɔŋɔde ke itihere Arnon tutu osim ke Hermon, ye ofuri itihere Jordan ese edem usiaha-utin:

² Sihon ɔbɔŋ mme Amorite, emi okoduŋde ke Heshbon emi akadade ubɔŋ ke Aroer emi odude ke mben itihere Arnon, ye ke ufɔt itihere oro, ye ubak Gilead, tutu osim ke itihere Jabbok emi edide adaŋa nditɔ Ammon;

³ ye itihere Jordan tutu osim Inyaŋ Una-isɔŋ, kpa Inyaŋ Inuŋ ŋko, ke edem usiaha-utin, ke usuŋ Beth-jeshimoth, ye ke usuk-usuk, ke ukot usuhɔre pisgah;

⁴ ye adaŋa Og ɔbɔŋ Bashan, emi okotode ke mme Rephaim emi esuhɔde, emi oduŋde ke Ashtaroth ye ke Edrei,

⁵ onyuŋ adade ubɔŋ ke obot Hermon, ye ke Salecah, ye ke ofuri Bashan, tutu osim adaŋa mme Geshurite, ye eke mme Maacathite, ye ubak Gilead, emi edide adaŋa Sihon ɔbɔŋ Heshbon.

⁶ Moses owo Jehovah, ye nditɔ Israel esuan mmɔ oro: ndien Moses owo Jehovah ada enye ɔnɔ mme Reubenite, ye mme Gadite, ye ibio esien Manasseh, ete eda enyene.

⁷ Mme mmɔ emi ŋko edi mbɔŋ edem oro Joshua ye nditɔ Israel esuande ke edem Jordan emi ke edem usop-utin, ɔtɔŋɔde ke Baalgad ke itihere Lebanon, tutu osim obot Halak (Ibɔ) emi ɔdɔkde aka Seir; ndien Joshua ada enye ɔnɔ mme esien Israel, ete mmɔ eda enyene, nte mbak mmɔ edide;

⁸ ke ikpɔ obot, ye ke una-isɔŋ edem inyaŋ, ye ke itihere Jordan, ye ke mme usuhɔre, ye ke wilderness, ye ke edem usuk-usuk; mme Hittite, ye mme Amorite, ye mme Canaanite, ye mme Perizzite, ye mme Hivite, ye mme Jebusite:

⁹ ɔbɔŋ Jericho, kiet; ɔbɔŋ Ai, emi ekperede Beth-el,

¹⁰ kiet; ɔbɔŋ Jerusalem, kiet; ɔbɔŋ Hebron, kiet;

¹¹ ɔbɔŋ Jarmuth, kiet; ɔbɔŋ Lachish;

¹² kiet; ɔbɔŋ Eglon, kiet; ɔbɔŋ Gezer, kiet;

¹³ ɔbɔŋ Debir, ɔbɔŋ Geder, kiet;

¹⁴ ɔbɔŋ Hormah, kiet; ɔbɔŋ Arad, kiet;

¹⁵ ɔbɔŋ Libnah, kiet; ɔbɔŋ Adullam, kiet;

¹⁶ ɔbɔŋ Makkedah, kiet; ɔbɔŋ Beth-el, kiet;

¹⁷ ɔbɔŋ Tappuah, kiet;

¹⁸ ɔbɔŋ Hepher, kiet; ɔbɔŋ Aphek, kiet; ɔbɔŋ Lassharon, kiet;

¹⁹ ɔbɔŋ Megiddo, kiet; ɔbɔŋ Hazor, kiet;

²⁰ ɔbɔŋ Shimron-meron, kiet; ɔbɔŋ Achshaph, kiet;

²¹ ɔbɔŋ Taanach, kiet; ɔbɔŋ Megiddo, kiet;

²² ɔbɔŋ Kedesh, kiet; ɔbɔŋ Jokneam a Carmel, kiet;

²³ ɔbɔŋ Dor, ke obot Dor, kiet; ɔbɔŋ Goiim a Gilgal, kiet;

²⁴ ɔbɔŋ Tirzah, kiet; kpukpru mbɔŋ oro edi edip ye duopekiet.