JEREMIAH 45 - Edisana ñwed Abasi Ibom

Abasi Anam Eŋwɔŋɔ Ɔnɔ Baruch

¹ IKƆ emi ke Jeremiah prophet eketiŋ ɔnɔ Baruch eyen Neriah, ke ini enye ɔbɔde Jeremiah ikɔ emi ke inua ewet ke ŋwed, ke ɔyɔhɔ, isua Jehoiakim eyen Josiah, edidem Judah, inaŋ, ete,

² Ntem ke Jehovah Abasi Israel ɔdɔhɔ abaŋa fi, O Baruch.

³ Afo ɔkɔdɔhɔ, ete, Ɔdɔdiɔk ye ami ndien! koro Jehovah ɔmɔkɔrɔ ndutuhɔ ke ubiak mi; mmakpa mba ke eseme mi, ndien ŋkwe nduɔk-odudu.

⁴ Dɔhɔ ntem ye enye, ete, Ntem ke Jehovah ɔdɔhɔ, ete, Sese, ami mmɔŋ ŋwuri se ŋkɔbɔpde, nnyuŋ ndibere se ŋkɔtɔde, kpasuk ofuri isɔŋ oro.

⁵ Ndien afo osuk oyom ikpɔ ŋkpɔ ke idem fo. Kuyom: koro, sese, ami nyeda idiɔk ntiene kpukpru owo, Jehovah ɔdɔhɔ: edi nyenɔ fi uwem fo ke ŋkpɔ mbume, ke kpukpru ebiet eke afo akade do.