ISAIAH 4 - Edisana ñwed Abasi Ibom

Ubɔŋ Emi Anade Ɔnɔ Jerusalem ke Ini Iso

¹ NDIEN ke usen oro iban itiaba eyemum erenowo kiet, ete, Nnyin iyedia udia idem-nnyin, inyuŋ isine edisine-ŋkpɔ idem nnyin, edi yak eda enyiŋ fo ikpɔŋ esio nnyin: men nnyin but ke idem fep.

² Ke usen oro ŋkɔk Jehovah eyekabare edi uyai ye ubɔŋ, mfri isɔŋ eyenyuŋ edi ubom ye mbana nditɔ Israel eke ebɔhɔde.

³ Ndien ama ekem, owo eke ɔsuhɔde ke Zion, eke enyuŋ ekpɔŋde ke Jerusalem, eyekere edisana, kpa kpukpru owo emi ewetde enim enɔ uwem ke Jerusalem.

⁴ Ke ini Ɔbɔŋ edidade spirit ikpe ye spirit ufɔp eyet nditɔ-iban Zion ndek ke idem efep, onyuŋ osio Jerusalem iyip ke esit efep.

⁵ Ndien ke enyɔŋ ofuri iduŋ obot Zion, ye ke enyɔŋ mme esop esie, ke Jehovah edinam obubit enyɔŋ ye nsuŋikaŋ ke uwemeyo, ye edisak edemikaŋ ke okoneyo: koro ŋkpɔ eyefuhɔ ke ofuri ubɔŋ.

⁶ Ndien ataya eyetie nte mfut ke uwemeyo, mbak eyo, ye nte ebiet ubɔhɔ, ye udibe, mbak oyobio ye edim.