ISAIAH 12 - Edisana ñwed Abasi Ibom

Ikwɔ Itoro ye Ekɔm

¹ NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

² Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

³ Ndien mbufo eyekot mmɔŋ ke idaresit ke mme obube mmɔŋ erinyaŋa.

⁴ Ndien mbufo eyedɔhɔ ke usen oro, ete, Mbufo ekɔm Jehovah, eseme ekot enyiŋ esie, emen se enye anamde etaŋa enɔ mme idut, eti owo ete ke enyiŋ esie okoŋ.

⁵ Ebre enɔ Jehovah, koro enye anamde ikpɔ ŋkpɔ: emefiɔk emi ke ofuri ererimbot.

⁶ Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.