IKWƆ SOLOMON 3 - Edisana ñwed Abasi Ibom

Ŋwan Ndɔ Etiŋ Ikɔ: Ŋkukut Ima

¹ ŊKANA ke bed mi ke okon-eyo, nyom enye emi ukpɔŋ mi amade: nyom enye, edi ŋkwe.

² Yak ndaha ke enyɔŋ, ndien, nnyuŋ ŋkanare obio; nyeyom enye emi ukpɔŋ mi amade ke efak, ye ke aŋwa: ŋkoyom enye, edi ŋkwe.

³ Mbon-ukpeme emi ekanarede obio ekut mi. (Ndɔhɔ) nte “Mme mbufo ema ekut enye emi ukpɔŋ mi amade?”

⁴ Ke ŋkpɔŋde mmɔ esisit, ŋkut enye emi ukpɔŋ mi amade: mmum enye, nnyun nnyimeke enye ndiyak, tutu nda enye nduk ke ufɔk eka mi, nduk ke ubet enye emi akamande mi.

⁵ O nditɔ-iban Jerusalem, mmowuk mbufo, ma edop ye ebet ikɔt, nte mbufo ekudemere, ekudedemere ama mi tutu enye ama.

⁶ Anie owo edi emi otode ke wilderness ɔdɔk, ebiet adaha nsuŋikaŋ, ososio ufuɔŋ myrrh ye frankincense, ke kpukpru ufuɔ-ŋkpɔ mbon urua?

⁷ Sese, ke edi palanquin Solomon; mbon-uko ata emi etode ke mbon-uko Israel, ke ekan enye ekuk.

⁸ Kpukpru mmɔ ke ekama ofut, ke etim efiɔk ekɔŋ: kpukpru mmɔ ebɔbɔ ofut mmɔ ke ifuhi ebaŋa ndik ke okoneyo.

⁹ Edidem Solomon akanam palanquin idem esie ke eto Lebanon.

¹⁰ Anam mme adaha esie ke silver, anam uberedem esie ke gold, se ifukde enye edi purple, eda ima nditɔ-iban Jerusalem ebri isɔŋ esie.

¹¹ Mbufo nditɔ-iban Zion ewɔŋɔ ese edidem Solomon ayarade anyanya emi eka esie akayarade enye ke usen ndɔ esie, ye ke usen idaresit esie.