HOSEA 3 - Edisana ñwed Abasi Ibom

Hosea ye Ŋwan Efibe oro Owut Nte Ima Abasi Okponde ye Ikɔt Esie

¹ NDIEN Jehovah ɔdɔhɔ mi, ete, Tɔŋɔ ntak ka kama ŋwan emi ufan amade, emi onyuŋ esinde efibe, kpa nte Jehovah amade nditɔ Israel, ndien mmɔ ekabare etiene abasi eŋwen, enyuŋ ema ebok edisat grape.

² Ndien ndep enye ke idem mi ke shekel silver efut, ye homer barley kiet, ye ubak homer barley.

³ Ndien ndɔhɔ enye, nte, Afo eyetie ebet mi ediwak usen; kunam use, kunyuŋ uka owo: ndien ami ŋko nyedi okuo.

⁴ Koro nditɔ Israel eyebigi ediwak usen, ndien idinyeneke edidem, idinyuŋ inyeneke ɔbɔŋ, ye uwa, ye owo eto, ye ephod, ye terephim.

⁵ Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.