GENESIS 37 - Edisana ñwed Abasi Ibom

Joseph ye Nditɔ Eka Esie

¹ NDIEN Jacob etie ke isɔŋ oro ete esie akadaŋde ke

² esit, ke isɔŋ Canaan. Mme mmɔ emi edi ubon Jacob. Ke adaŋemi Joseph osimde isua efureba, enye etiene nditɔ-ete esie ɔbɔk ufene; enye onyuŋ edi eyenɔwɔŋ asaŋa ye nditɔ Bilhah, ye nditɔ Zilpah, iban ete esie; Joseph onyuŋ emen idiɔk ido

³ mmɔ eketiŋ ɔnɔ ete mmɔ. Israel onyuŋ ama Joseph akan kpukpru nditɔ esie, koro edide eyen usɔŋ esie: ndien anam ewura ɔnɔ

⁴ enye. Ndien adaŋemi nditɔ-ete esie ekutde nte ete mmɔ amade enye akan kpukpru nditɔ-ete esie, mmɔ esua enye, inyuŋ ikwe nte edɔhɔde enye ikɔ emem.

⁵ Ekem, Joseph adaba ndap, emen etiŋ ɔnɔ nditɔ-ete esie: ndien mmɔ edediɔŋ esua enye.

⁶ Enye onyuŋ ɔdɔhɔ mmɔ ete, Mbɔk, mbufo ekop ndap emi

⁷ ŋkadabade: Sese, ŋkɔm nnyin ikɔbɔp ebek ke iŋwaŋ, ndien, sese, ebek mi adaha ke enyɔŋ, onyuŋ atuak ada ŋko, ndien, sese, ebek mbufo ekan ekuk, enyuŋ

⁸ enuhɔ enɔ ebek mi. Ndien nditɔ-ete esie edɔhɔ enye, ete, Nte afo edidi edidem nnyin? Nte afo edikan nnyin? Ndien mmɔ edediɔŋ esua enye ebaŋa ndap esie, ye ikɔ esie.

⁹ Ndien enye ɔtɔŋɔ ntak adaba ndap efen, emen enye etiŋ ɔnɔ nditɔ-ete esie, ete, Sese, mma ndaba ndap efen; ndien, sese, utin ye ɔfiɔŋ, ye ntantafiɔŋ duop-

¹⁰ ekiet enuhɔ enɔ mi. Enye onyuŋ etiŋ ɔnɔ ete esie ye nditɔ-ete esie: ndien ete esie asua ɔnɔ enye, ete enye, Nso ndap edi emi afo akadabade? Nte ami, ye uka, ye nditɔ-usɔ iyedi idinuhɔ ke isɔŋ

¹¹ inɔ fi? Ndien nditɔ-ete esie efibe enye ufip; edi ete esie etiŋ enyin ke ikɔ oro.

¹² Edikem, nditɔ-ete esie eka ekebɔk ufene ete mmɔ ke Shechem.

¹³ Ndien Israel ɔdɔhɔ Joseph ete, Nte nditɔ usɔ ibɔkke ufene ke Shechem? di, nyedɔŋ fi utom ke ebiet mmɔ. Ndien enye ɔdɔhɔ

¹⁴ ete, ete, Ami mi. Ndien Jacob ɔdɔhɔ enye, ete, Mbɔk ka kese mme nditɔ-usɔ etie nte ɔfɔnde, mme ufene onyuŋ etie nte ɔfɔnde; ndien fiak di dɔhɔ mi. Ndien enye etie ke una-isɔŋ Hebron ɔdɔŋ Joseph utom; ndien enye aka ke Shechem.

¹⁵ Ekem, owo kiet okut enye, ndien, sese, enye asaŋa ediyo ke ebiet oro: owo oro onyuŋ obup

¹⁶ enye, ete, Afo oyom nso? Ndien enye ete, Mmɔŋ nyom nditɔ-ete mi: mbɔk wut mi ebiet emi mmɔ

¹⁷ ebɔkde ufene. Ndien owo oro ete, Mmɔ ema edaŋa ke ebiet emi; koro ŋkokopde nte edɔhɔde ete, Iyeka ke Dothan. Ndien Joseph adaha ebine nditɔ-ete esie, aka okosim mmɔ ke Dothan.

¹⁸ Mmɔ enyuŋ ekut enye ke anyan ebiet, ndien ke enye mika-ikpereke mmɔ kaŋa, mmɔ ediomi ebaŋa

¹⁹ enye ete iwot enye. Mmɔ enyuŋ edɔhɔ kiet ye eken ete, Sese, abia

²⁰ ndap oro ɔmɔŋ edi. Ekam, eyak nnyin iwot enye, inyuŋ iduɔk enye ke obube kiet, inyuŋ idɔhɔ ite, ke idiɔk unam ama ata enye: iyekut ndien nte ndap esie ediwɔrɔde.

²¹ Ndien Reuben okop, onyuŋ osio enye ke ubɔk mmɔ efep; ete,

²² Nnyin ikuwot enye. Reuben onyuŋ ɔdɔhɔ mmɔ ete, Mbufo ekuduɔk iyip, etop enye esin ke obube emi odude ke ikɔt, edi ekunyan ubɔk etuk enye; kpaŋ okposio enye ke ubɔk mmɔ efep, man ada enye afiak ɔsɔk ete esie.

²³ Edikem, ke ini Joseph okosimde nditɔ-ete esie, mmɔ esio Joseph ɔfɔŋidem esie, ekura oro enye

²⁴ esinede: ndien mmɔ emen enye, eduɔk ke obube oro: obube onyuŋ edi ukpɔk, mmɔŋ iduhe ke esit.

²⁵ Ndien mmɔ esuhɔre etie, ete idia ŋkpɔ: ndien emenere enyin mmɔ ese, ndien, sese, udim Ishmaelite, emi etode ke Gilead, ke edi ye mme camel mmɔ, ke ebiom ufuɔŋ-ŋkpɔ, ye balm, ye myrrh, ke esaŋa ete isuhɔre ika

²⁶ Egypt. Ndien Judah ɔdɔhɔ nditɔ-ete esie ete, Nso ididoro ke nnyin ima iwot eyen-ete nnyin ndien

²⁷ idip iyip esie? Nnyin ikam inyam enye inɔ mme Ishmaelite, ubɔk nnyin okunyuŋ otuk enye; koro enye edide eyen-ete nnyin, obuk-idem nnyin. Nditɔ-ete esie enyuŋ

²⁸ enyime. Ekem, mme Midianite, mbon mbubine, edibe, ndien mmɔ ekot Joseph esio ke obube oro, eda Joseph, enyam enɔ mme Ishmaelite, ke mbak silver edip: ndien mmɔ eda Joseph edi ke Egypt.

²⁹ Ekem, Reuben afiak aka ke obube oro; edi, sese, Joseph iduhe ke obube; ndien enye

³⁰ awai ɔfɔŋidem esiemɔ. Ndien enye afiak etiene nditɔ-ete esie, ete, Eyen oro iduhe; ndien ama edi ami, ami ndika mmɔŋ?

³¹ Ndien mmɔ emen ɔfɔŋidem Joseph, enyuŋ ewot eyen ebot,

³² edebi ɔfɔŋidem ke iyip; ndien mmɔ edɔŋ ekeda ekura oro esɔk ete mmɔ, enyuŋ edɔhɔ, ete, Nnyin ikɔfiɔhɔ emi: diɔŋɔ mbɔk, mme edi ɔfɔŋidem eyen fo mme

³³ idige. Ndien Jacob ɔdiɔŋɔ enye onyuŋ ɔdɔhɔ, ete, Ɔfɔŋidem eyen mi; idiɔk unam amata enye; Joseph amawaha mbak-mbak.

³⁴ Ndien Jacob awak edisine-ŋkpɔ esie, onyuŋ esine ɔfɔŋ-ikpo ke idem, onyuŋ atua eyen esie anyan ini.

³⁵ Ndien kpukpru nditɔ-iren esie, ye kpukpru nditɔ-iban esie edaha ke enyɔŋ ete idɔŋ enye esit, edi enye esin ndikop ndɔŋesit; ete, Nsuhɔre ŋka ke udi ntiene eyen mi ke mfuhɔ. Ntem ke ete esie atua enye eyet.

³⁶ Ndien mme Midianite oro enyam enye ke Egypt enɔ Potiphar adidaha owo Pharaoh, etubom mme andikpeme enye.