GENESIS 29 - Edisana ñwed Abasi Ibom

Jacob Anam Utom Ɔnɔ Laban man Enye Ayak Rachel Ye Leah Ɔnɔ Enye Ɔdɔ

¹ NDIEN Jacob ada isaŋ, aka ke idut nditɔ edem usiaha utin.

² Enye onyuŋ ese, ndien, sese, obube mmɔŋ odu ke ɔtɔ oro, ndien, sese, otu erɔŋ ita ena do ekpere enye; koro ekotde mmɔŋ ke obube oro enɔ erɔŋ eŋwɔŋ: akamba itiat onyuŋ ɔkubɔ ke inua obube oro.

³ Ndien adaŋemi kpukpru otu erɔŋ ebonode do, mmɔ ekpat itiat oro ke inua obube efep, enɔ erɔŋ mmɔŋ eŋwɔŋ, ndien ekpat itiat efiak ke inua obube ke itie esie.

⁴ Ndien Jacob ɔdɔhɔ mmɔ ete, Nditɔ-ete mi, mbufo eto mmɔŋ? Ndien mmɔ ete, Nnyin

⁵ ito ke Haran. Ndien enye obup mmɔ ete, Nte mbufo emɔfiɔk Laban eyen Nahor? Mmɔ ete,

⁶ ke imɔfiɔk. Ndien enye ete mmɔ, nte idem ɔsɔŋ enye? Mmɔ ete, ke ɔsɔŋ; se Rachel eyen esie aŋwan ko ke edi ŋko ye ufene

⁷ esie. Ndien enye ete, Sese, nte uwemeyo odude kaŋa, ikemke ke ini eke ufene ebonode: mbufo enɔ erɔŋ mmɔŋ eŋwɔŋ, ndien eka

⁸ ekebɔk mmɔ. Ndien mmɔ ete, Nnyin ikemeke tutu kpukpru otu erɔŋ edibono, ndien ekpat itiat ke inua obube efep; ndien nnyin inɔ ufene mmɔŋ eŋwɔŋ.

⁹ Ke ini enye okosuk ɔdɔhɔde ye mmɔ, Rachel edi ye erɔŋ ete esie; koro enye edide andikpeme mmɔ.

¹⁰ Edikem ndien ke ini Jacob okutde Rachel eyen Laban aŋwan, eyen-eka eka esie, ye ufene Laban eyen-eka eka esie, ndien Jacob asaŋa ekpere, akakpat itiat ke inua obube efep, ndien ɔnɔ ufene Laban eyen-

¹¹ eka eka esie mmɔŋ eŋwɔŋ. Ndien Jacob otim Rachel inua, onyuŋ

¹² emen uyo esie atua eyet. Ndien Jacob ɔdɔhɔ Rachel ete, Ke imɔ idi eyen-ete usɔ, imɔ inyuŋ idi eyen Rebekah; ndien Rachel efehe eketiŋ ɔnɔ ete esie.

¹³ Edikem ke adaŋoro Laban okopde mbuk Jacob eyen eyen-eka esie aŋwan, enye efehe okosobo ye enye, onyuŋ afat enye, onyuŋ otim enye inua, onyuŋ ada enye aka ke ufɔk esie. Ndien enye etiŋ kpukpru ŋkpɔ oro ɔnɔ

¹⁴ Laban. Ndien Laban ɔdɔhɔ enye ete, Afo edi kpasuk ɔkpɔ mi, ye obuk mi. Ndien Jacob etie ye enye adaŋa ɔfiɔŋ kiet.

¹⁵ Ndien Laban ɔdɔhɔ Jacob ete, Ŋkɔm afo edi eyen-eka mi, ndien anam ŋkpɔ ɔnɔ mi ke ikpikpu?

¹⁶ siak utip fo nɔ mi. Ndien Laban enyene nditɔ-iban iba: enyiŋ adiaha ekere Leah, enyiŋ uduŋwan

¹⁷ onyuŋ ekere Rachel. Ndien enyin Leah emem; edi Rachel

¹⁸ eye idem onyuŋ eye ndise. Ndien Jacob ama Rachel; onyuŋ ɔdɔhɔ ete, Nyenam ŋkpɔ nnɔ fi ke isua itiaba ke Rachel uduŋwan fo.

¹⁹ Ndien Laban ɔdɔhɔ ete, Ɔfɔn mi ndida enye nnɔ fi utu ke nda enye

²⁰ nnɔ owo efen: tie ye ami. Ndien Jacob anam ŋkpɔ ke Rachel ke isua itiaba; enye onyuŋ ese mmɔ ke ekpri ini, koro amade enye.

²¹ Ekem Jacob ɔdɔhɔ Laban ete, Nɔ mi ŋwan mi, koro ini mi

²² ekemde man ndɔ enye. Ndien Laban obon kpukpru mbio-obio,

²³ onyuŋ anam akwa udia. Edikem ke mbubreyo, ndien enye emen Leah adiaha esie ada ɔsɔk enye;

²⁴ ndien enye ɔdɔ Leah. Laban onyuŋ ada Zilpah ofin aŋwan esie kiet ɔnɔ Leah eyen esie ke ofin aŋwan esie.

²⁵ Edikem ke usenubɔk ndien, sese, edi Leah: ndien enye ɔdɔhɔ Laban, ete, Nso ke afo anam emi ye ami? nte nnamke ŋkpɔ nnɔ fi ke Rachel? ke nso ndien ke

²⁶ abiaŋa mi ntem? Ndien Laban ɔdɔhɔ, ete, Isinamke ntre ke edem nnyin, ndibem iso nnɔ uduŋwan ŋkpɔŋ adiaha.

²⁷ Nam urua esie emi ɔyɔhɔ, ndien nnyin iyenɔ fi emi ŋko, ke utom emi edinamde ɔnɔ mi kaŋa ke isua itiaba eŋwen.

²⁸ Ndien Jacob anam ntre, onyuŋ ɔyɔhɔ urua esie emi: ndien Laban ɔnɔ enye Rachel eyen esie

²⁹ ɔdɔ. Laban onyuŋ ada Bilhah ofin aŋwan esie kiet, ɔnɔ Rachel eyen esie ke ofin aŋwan esie.

³⁰ Ndien enye ɔdɔ Rachel ŋko, onyuŋ ama Rachel ŋko akan Leah, onyuŋ anam ŋkpɔ ɔnɔ Laban kaŋa ke isua itiaba efen.

³¹ Ndien adaŋemi Jehovah okutde ete esua Leah, Enye aŋwaŋa Leah idibi, edi Rachel

³² edi ada. Ndien Leah oyomo onyuŋ aman eyen-eren; ndien osio enye enyiŋ Reuben; koro enye ɔdɔhɔde ete, Jehovah emese ukut mi; oto oro ebe mi eyema

³³ mi ke emi. Ndien enye ɔtɔŋɔ ntak oyomo, onyuŋ aman eyen-eren; onyuŋ ɔdɔhɔ ete, Koro Jehovah okopde ete esua mi, Enye ɔnɔ mi eyen emi ŋko: ndien osio enye

³⁴ enyiŋ Simeon. Ndien enye ɔtɔŋɔ ntak oyomo, onyuŋ aman eyen-eren; ndien ɔdɔhɔ ete, ke ini emi ebe mi eyediana ye ami, koro mma nnim nditɔ-iren ita nnɔ enye; mmɔdo osiode enye enyiŋ Levi.

³⁵ Ndien enye ɔtɔŋɔ ntak oyomo, onyuŋ aman eyen-eren; ndien ɔdɔhɔ ete, Ke ini emi nyetoro Jehovah: mmɔdo esiode enye enyiŋ Judah; ndien enye etre uman.