GENESIS 21 - Edisana ñwed Abasi Ibom

Sarah Aman Isaac

¹ NDIEN Jehovah ese Sarah nte emi enye ɔkɔdɔhɔde, Jehovah onyuŋ anam ye Sarah

² nte emi enye eketiŋde. Ndien Sarah oyomo, onyuŋ aman eyeneren ɔnɔ Abraham ke ini usɔŋ esie, ke ini oro Abasi asiakde ɔnɔ enye.

³ Ndien Abraham ada enyiŋ Isaac osio eyen esie emi amanade

⁴ ɔnɔ enye. Abraham onyuŋ onim Isaac eyen esie mbobi, ke ini eyen osimde usen itiaita, nte emi

⁵ Abasi eketemede enye. Ndien Abraham osim isua ikie ke ini Isaac eyen esie amanade ɔnɔ enye.

⁶ Ndien Sarah ɔdɔhɔ, ete, Abasi amanam mi nsak imam; kpukpru mmɔ eke ekopde eyesak imam ye

⁷ ami. Enye onyuŋ ɔdɔhɔ, ete, Anie ekpetiŋ ɔnɔ Abraham ete, ke Sarah eyenɔ nditɔ eba? koro mmaman eyen-eren ke ini usɔŋ

⁸ esie. Ekem eyen oro okpon, ndien enam enye adaha ke eba: Abraham onyuŋ anam akamba usɔrɔ ke usen oro Isaac adahade ke eba.

⁹ Ndien Sarah okut nte eyen Hagar ŋwan Egypt, emi enye akamande ɔnɔ Abraham, asakde.

¹⁰ Ndien enye ɔdɔhɔ Abraham, ete, Bin ofin-aŋwan emi fep ye eyen esie: koro eyen ofin-aŋwan emi midinyeneke udeme ye eyen mi,

¹¹ kpa Isaac. Edi ŋkpɔ oro ɔdiɔk Abraham ke enyin eti-eti, ke ikɔ

¹² eyen esie. Ndien Abasi ɔdɔhɔ Abraham, ete, Kuyak ɔdiɔk fi ke enyin ubaŋa eyen oro, ye ofin-aŋwan fo; kpukpru se Sarah ɔdɔhɔde fi, kop uyo esie oro; koro ke Isaac ke edikot ubon fo.

¹³ Nyenyuŋ nnam eyen ofin-aŋwan oro akabare edi obio, koro enye

¹⁴ edide eyen fo. Ekem, Abraham abak adaha ke enyɔŋ ke usenubɔk, ndien ada uyo ye mmɔŋ ke ikpa, ɔnɔ Hagar, odori enye ke afara, ye eyenɔwɔŋ, ndien anam enye ɔnyɔŋ: ndien enye asaŋa ediyo ke

¹⁵ ikɔt Beer-sheba. Ekem, mmɔŋ ke ikpa okure, ndien enye onim eyen oro ke isɔŋ ke idak ekpri eto kiet.

¹⁶ Ndien enye aka eketie ke idem esie ke edem oko ke ufaŋ nte ata utiga otopde; koro enye ɔdɔhɔde, ete, Ndikwe mkpa eyenɔwɔŋ. Ndien enye etie ke edem oko, onyuŋ emen uyo esie atua eyet.

¹⁷ Ndien Abasi okop uyo eyen oro, angel Abasi ke enyɔŋ onyuŋ okot Hagar, ete enye, Nsinam fi Hagar? kufehe, koro Abasi omokop uyo eyen oro ke ɔtɔ emi enye odude.

¹⁸ Daha ke enyɔŋ, men eyen oro, nyuŋ kama enye ke ubɔk fo koro nyenam enye edi akamba obio.

¹⁹ Ndien Abasi atat enye enyin, ndien enye okut obube mmɔŋ: ndien aka ekesin mmɔŋ ke ikpa ɔyɔhɔ, ada ɔnɔ eyenɔwɔŋ.

²⁰ Ndien Abasi odu ye eyen oro; enye onyuŋ ɔkɔri, onyuŋ oduŋ ke ikɔt, ndien akabare edi otop

²¹ utiga. Enye onyuŋ oduŋ ke ikɔt Paran: ndien eka esie ada ŋwan ke idut Egypt ɔnɔ enye.

²² Edikem ke ini oro ndien, Abimelech, ye Phicol etubom mbon ekɔŋ esie, edidɔhɔ Abraham, ete, Abasi odudu ye afo ke kpukpru se afo anamde.

²³ Tomo ndien Abasi nɔ mi mi, ete ke afo udubiaŋake mi, ye nditɔ mi, ye ubon mi: ke eyeda mfɔn emi ŋkɔfɔnde ye afo ɔfɔn ye ami, ye idut emi afo oduŋde ke esit ŋko.

²⁴ Ndien Abraham ɔdɔhɔ, ete, Ami nyetomo.

²⁵ Ndien Abraham asua ɔnɔ Abimelech abaŋa obube mmɔŋ, emi ikɔt Abimelech ema ekeda ke ŋwo.

²⁶ Ndien Abimelech ɔdɔhɔ, ete, Mfiɔkke owo eke akanamde ŋkpɔ emi; afo ukonyuŋ utiŋke unɔ mi, ami ŋkonyuŋ ŋkopke ŋko ibɔhɔke mfin emi.

²⁷ Ndien Abraham ada erɔŋ, ye enaŋ ɔnɔ Abimelech: mmɔ mbiba

²⁸ enyuŋ enam ediomi ufan. Ndien Abraham onim uman nditɔ erɔŋ

²⁹ itiaba ke edem kiet. Ndien Abimelech obup Abraham, ete, Nsidi uman nditɔ erɔŋ itiaba emi

³⁰ afo onimde ke edem kiet? Ndien enye ɔdɔhɔ ete, Ke uman nditɔ erɔŋ itiaba emi ke afo edibɔ mi ke ubɔk, kpaŋ mmɔ ekpedi ntiense enɔ mi, ete ke ami ŋketibi

³¹ obube emi. Mmɔdo enye osiode ebiet oro enyiŋ Beer-sheba; koro

³² mmɔ mbiba eŋwɔŋɔde do. Ntem ke mmɔ ediomi ediomi ke Beersheba: ndien Abimelech adaha ke enyɔŋ, ye Phicol etubom mbon ekɔŋ esie, ndien mmɔ enyɔŋ ke idut mme Philistine.

³³ Ndien Abraham ɔtɔ eto ke Beer-sheba onyuŋ okot enyiŋ

³⁴ Jehovah, Nsinsi Abasi, do. Ndien Abraham adaŋ ke idut mme Philistine ediwak usen.