GENESIS 20 - Edisana ñwed Abasi Ibom

Abraham ye Abimelech ke Isɔŋ Gerar

¹ NDIEN Abraham adaha ɔkpɔŋ ebiet oro aka ke idut edem usuk, onyuŋ oduŋ ke ufɔt Kadesh ye Shur, ndien adaŋ

² ke Gerar. Ndien Abraham ɔdɔhɔ abaŋa Sarah ŋwan esie, ete, ke enye edi eyen ete imɔ aŋwan: ndien Abimelech ɔbɔŋ Gerar ɔdɔŋ ekada Sarah.

³ Edi Abasi etiene Abimelech ke ndap ke okoneyo kiet, ndien ɔdɔhɔ enye ete, Sese afo amakpa abaŋa ŋwan emi afo adade, koro enye edide ŋwan owo.

⁴ Edi Abimelech iketieneke enye: ndien enye ɔdɔhɔ, ete, Ɔbɔŋ, nte afo eyewot idut emi

⁵ enende ŋko? Nte enye ikɔdɔhɔke mi ite, Enye edi eyen eka imɔ aŋwan? Ŋwan ke idem esie onyuŋ ɔdɔhɔ ete, Enye edi eyen eka imɔ eren: mmanam ŋkpɔ emi ke eti esit, ye ke edisana

⁶ ubɔk. Ndien Abasi ɔdɔhɔ enye ke ndap, ete, Ami ŋko mmɔfiɔk nte afo anam ŋkpɔ emi ke eti esit; Ami ŋkonyuŋ ŋkpan fi ndidue mi: mmɔdo mmeŋkayakke fi otuk enye.

⁷ Yak ŋwan owo oro afiak, ndien; koro owo oro edide prophet, eyenyuŋ anam mkpe-ubɔk ɔnɔ fi, ndien afo eyedu uwem: edi ke muyakke enye afiak, fiɔk ete ke afo ye kpukpru se idide okuo eyekpaŋa.

⁸ Ndien Abimelech abak adaha ke enyɔŋ ke usenubɔk, okot kpukpru nditɔ ufɔk esie, etiŋ kpukpru ikɔ emi ke utɔŋ mmɔ: ndien mbon oro efehe ndik eti-eti.

⁹ Ndien Abimelech okot Abraham onyuŋ ɔdɔhɔ enye ete, Afo anam nso ntem ye nnyin, ami nnyuŋ ndue fi nso, eke esinde fi ada akamba idiɔk-ŋkpɔ adian mi ye obio mi? ŋkpɔ eke misinamke

¹⁰ ke afo amanam ye ami. Abimelech onyuŋ ɔdɔhɔ Abraham, ete, Nso ke afo okokut, eke esinde fi anam ŋkpɔ emi?

¹¹ Ndien Abraham ɔdɔhɔ, ete, Koro ŋkɔdɔhɔde, nte, Baba uteŋe Abasi iduhe ke ebiet emi; ndien eyewot mi ebaŋa

¹² ŋwan mi. Edi ke akpan, enye edi eyen ete mi aŋwan: edi idige eyen eka mi aŋwan; ndien enye

¹³ akabare edi ŋwan mi. Ndien ke adaŋa oro Abasi anamde mi ndiyo ŋkpɔŋ ufɔk ete mi, ndɔhɔ enye ndien, nte, Emi edi mfɔn fo eke afo edifɔnde ye ami: ke kpukpru ebiet eke nnyin idikade do, dɔhɔ baŋa mi, ete, Enye edi eyen eka mi.

¹⁴ Ndien Abimelech ada erɔŋ, ye enaŋ, ye ifin iren, ye ifin iban, ɔnɔ Abraham, onyuŋ ayak Sarah, ŋwan esie ɔnɔ enye.

¹⁵ Abimelech onyuŋ ɔdɔhɔ, ete, Sese isɔŋ mi ana fi ke iso: duŋ ke ebiet eke

¹⁶ enemde fi. Enye onyuŋ ɔdɔhɔ Sarah, ete, Sese, mmɔnɔ eyen-usɔ tɔsin mbak silver: sese oro edi okuo ke eke ufuk-enyin, abaŋa kpukpru se ema ekenam fi, ndien afo emenen ke kpukpru.

¹⁷ Ndien Abraham ekpe Abasi ubɔk: ndien Abasi anam idem ɔsɔŋ Abimelech, ye ŋwan esie, ye nditɔ-iban ufɔk esie; ndien mmɔ

¹⁸ ediman nditɔ. Koro Jehovah ama ekesiri kpukpru iban ufɔk Abimelech idibi, abaŋa Sarah ŋwan Abraham.