GENESIS 10 - Edisana ñwed Abasi Ibom

Nditɔ Noah Etɔt Enyuŋ Esuana ke Ofuri Ererimbot

¹ MME mmɔ emi edi emana nditɔ-iren Noah; Shem, Ham, ye Japhet: ndito-iren enyuŋ emana enɔ mmɔ ke ukwɔ ama ekebe:

² Nditɔ-iren Japhet: Gomer, ye Magog, ye Madai, ye Javan, ye Tubal, ye Meshech, ye Tiras.

³ Ndien nditɔ Gomer, Ashkenaz, ye Riphath, ye Togarmah.

⁴ Ndito Javan ŋko; Elisha, ye Tarshish, ye Kittim, ye Dodanim.

⁵ Mme mmɔ emi ebahare isuo mme idut ke isɔŋ mmɔ; kpukpru ke usem mmɔ, ye ke oruk mmɔ, ye ke idut mmɔ.

⁶ Nditɔ Ham ŋko; Cush ye Mizraim, ye Phut, ye Canaan.

⁷ Ndien nditɔ Cush; Seba, ye Havilah, ye Sabtah, ye Raamah, ye Sabteca: ndien nditɔ Raamah;

⁸ Sheba ye Dedan. Ndien Cush obon Nimrod: enye ɔtɔŋɔ ndikabare ɔkpɔsɔŋ owo ke ererimbot.

⁹ Enye edi ata-utop ke iso Jehovah; mmɔdo edɔhɔde ete, Nte Nimrod ata-utop ke iso Jehovah.

¹⁰ Ndien editɔŋɔ ubɔŋ esie ekedi Babel, ye Erech, ye Accad, ye Calneh, ke isɔŋ Shinar.

¹¹ Enye oto ke isɔŋ oro aka Assyria, onyuŋ ɔbɔp Nineveh, ye Rehoboth-Ir, ye Calah, ye Resen ke ufɔt Nimeveh

¹² ye Calah: oro edi akamba obio.

¹³ Ndien Mizraim obon mme Ludim, ye mme Anamim, ye mme Lehabim, ye mme Naphtuhim,

¹⁴ ye mme Pathrusim, ye mme Casluhim (emi mme Philistine etode ke esit,) ye mme Caphtorim.

¹⁵ Ndien Canaan obon Zidon

¹⁶ akpan esie, ye Heth, ye mme Jehusite, ye mme Amorite, ye mme Girgashite,

¹⁷ ye mme Hivite,

¹⁸ ye mme Arkite, ye mme Sinite, ye mme Arvadite, ye mme Zemarite, ye mme Hamathite: ndien edikem mme oruk mme

¹⁹ Canaanite esiaha. Ndien adaŋa mme Canaanite ɔtɔŋɔ ke Zidon aka ke Gerar, osim Gaza; aka Sodom ye Gomorrah, ye Admah,

²⁰ ye Zeboim, osim Lasha. Mme mmɔ emi edi nditɔ-iren Ham, ke oruk mmɔ, ke usem mmɔ, ke isɔŋ mmɔ ke idut mmɔ.

²¹ Nditɔ enyuŋ emana enɔ Shem, ete kpukpru nditɔ Eber, akpa eyen-ete Japhet.

²² Nditɔ-iren Shem; Elam, ye Asshur, ye Arpachshad, ye Lud, ye Aram.

²³ Nditɔ-iren Aram ŋko; Uz, ye

²⁴ Hul, ye Gether, ye Mash. Arpachshad onyuŋ obon Shelah; Shelah onyuŋ obon Eber.

²⁵ Ndien nditɔ-iren iba emana enɔ Eber; enyiŋ kiet ekere Peleg; koro ererimbot abaharede ke eyo esie; enyiŋ eyen eka esie onyuŋ ekere Joktan.

²⁶ Ndien Joktan obon Almodad, ye Sheleph, ye Harzarmaveth,

²⁷ ye Jerah; ye Hadoram, ye Uzal,

²⁸ ye Diklah; ye Obal, ye Abimael, ye Sheba; ye Ophir, ye Havilah,

²⁹ ye Jobab: kpukpru mme mmɔ emi edi nditɔ Joktan.

³⁰ Edem iduŋ mmɔ ɔtɔŋɔ ke Mesha, aka Sephar, osim akamba obot ke edem usiaha utin.

³¹ Mme mmɔ emi edi nditɔ-iren Shem, ke oruk mmɔ ye ke usem mmɔ, ye ke isɔŋ mmɔ, ye ke idut mmɔ.

³² Mme mmɔ emi edi mme oruk nditɔ-iren Noah, ke emana mmɔ ye ke idut mmɔ: ndien mme mmɔ emi ebahare mme idut ke ererimbot ke mmɔŋ ukwɔ ama ekekebe.