EZRA 2 - Edisana ñwed Abasi Ibom

Ibat Mmɔ Emi Ekenyɔŋɔde Edi ke Ntaŋ Mfep ke Babylon

¹ NDIEN mme mmɔ emi edi nditɔ province emi etode ke mbon ntaŋ-mfep oro Nebuchadnezzar edidem Babylon akataŋde ɔnyɔŋ ke Babylon, edɔk edi, ndien efiak ke Jerusalem ye Judah, kpukpru owo ke obio mmɔ;

² emi esaŋade ye Zerubbabel edi: Jeshua, Nehemiah, Seraiah, Reelaiah, Mordecai, Bilshan, Mispar, Bigvia, Rehum, Baanah.

³ Ibat irenowo mbio Israel: nditɔ Parosh tɔsin iba, ye ikie ye ata ye duopeba.

⁴ Nditɔ Shephatiah, ikie ita ye ata ye duopeba.

⁵ Nditɔ Arah, ikie itiaba ye ata ye efut.

⁶ Nditɔ Pahath-moab, emi etode ke nditɔ Jeshua ye Joab, tɔsin iba, ye ikie itiaita ye duopeba.

⁷ Nditɔ Elam, tɔsin, ye ikie iba ye aba ye duopenaŋ.

⁸ Nditɔ Zattu, ikie usukkiet ye aba ye ition.

⁹ Nditɔ Zaccai, ikie itiaba ye ata.

¹⁰ Nditɔ Bani, ikie itiokiet ye aba ye iba.

¹¹ Nditɔ Bebai, ikie itiokiet ye edip ye ita.

¹² Nditɔ Azgad, tɔsin, ye ikie iba ye edip ye iba.

¹³ Nditɔ Adonikam, ikie itiokiet ye ata ye itiokiet.

¹⁴ Nditɔ Bigvai, tɔsin iba, ye aba ye efurekiet.

¹⁵ Nditɔ Adin, ikie inaŋ ye aba ye duopenaŋ.

¹⁶ Nditɔ Ater Hezekiah, anaŋ ye efureta.

¹⁷ Nditɔ Bezai, ikie ita ye edip ye ita.

¹⁸ Nditɔ Jorah ikie ye duopeba.

¹⁹ Nditɔ Hashum, ikie iba ye edip ye ita.

²⁰ Nditɔ Gibbar, anaŋ ye efut.

²¹ Nditɔ Bethlehem, ikie ye edip ye ita.

²² Mbio Neto-phah, aba ye efurekiet.

²³ Mbio Anathoth, ikie ye edip ye itiaita.

²⁴ Nditɔ Azmaveth, aba ye iba.

²⁵ Nditɔ Kiriathi-arim, ye eke Chephirah, ye eke Beeroth, ikie itiaba ye aba ye ita.

²⁶ Nditɔ Ramah ye eke Gaba, ikie itiokiet ye edip ye kiet.

²⁷ Mbio Michmas, ikie ye edip ye iba.

²⁸ Mbio Bethel ye Ai, ikie iba ye edip ye ita.

²⁹ Nditɔ Nebo, aba ye duopeba.

³⁰ Nditɔ Magbish, ikie ye aba ye efurekiet.

³¹ Nditɔ Elam eken, tɔsin, ye ikie iba ye aba ye duopenaŋ.

³² Nditɔ Harim, ikie ita ye edip.

³³ Nditɔ Lod, ye eke Hadid, ye eke Ono,

³⁴ ikie itiaba ye edip ye ition. Nditɔ Jericho, ikie ita ye aba ye ition.

³⁵ Nditɔ Senaah, tɔsin ita, ye ikie itiokiet ye edip ye duop.

³⁶ Mme oku: nditɔ Jedaiah, eke ufɔk Jeshua, ikie usukkiet ye ata ye duopeta.

³⁷ Nditɔ Immer, tɔsin, ye aba ye duopeba.

³⁸ Nditɔ Pashhur, tɔsin, ye ikie iba ye aba ye itiaba.

³⁹ Nditɔ Harim, tɔsin, ye efureba.

⁴⁰ Mme Levite: nditɔ Jeshua, ye eke Kadmiel, eke nditɔ Hodaviah, ata ye duopenaŋ.

⁴¹ Mme ɔkwɔ-ikwɔ: nditɔ Asaph, ikie ye edip ye itiaita.

⁴² Nditɔ mme etie-usuŋ: nditɔ Shallum, nditɔ Ater, nditɔ Talmon, nditɔ Akkub, nditɔ Hatita, nditɔ Shobai, kpukpru edi ikie ye edip ye efuranaŋ.

⁴³ Mme Nethinim: nditɔ Ziha, nditɔ Hasupha nditɔ Tabbaoth.

⁴⁴ Nditɔ Keros, nditɔ Siaha nditɔ Padon, nditɔ Lebanah,

⁴⁵ nditɔ Hagabah, nditɔ Akkub,

⁴⁶ nditɔ Hagab, nditɔ Shalmai, nditɔ Hanan,

⁴⁷ nditɔ Giddel, nditɔ Gahar, nditɔ Reaiah,

⁴⁸ nditɔ Rezin, nditɔ Nekoda, nditɔ Gazzam,

⁴⁹ nditɔ Uzza, nditɔ Paseah, nditɔ Besai,

⁵⁰ nditɔ Asnah, nditɔ Mehunim, nditɔ Nephusim,

⁵¹ nditɔ Bakbuk, nditɔ Hakupha, nditɔ Harhur,

⁵² nditɔ Bazluth, nditɔ Mehida, nditɔ Harsha,

⁵³ nditɔ Barkos, nditɔ Sisera, nditɔ Temah,

⁵⁴ nditɔ Neziah, nditɔ Hatipha.

⁵⁵ Nditɔ ikɔt Solomon: nditɔ Sotai, nditɔ Hassophereth, nditɔ Peruda;

⁵⁶ nditɔ Jaalah, nditɔ Darkon, nditɔ Giddel,

⁵⁷ nditɔ Shephatiah, nditɔ Hattil, nditɔ Pochereth-hazzebaim, nditɔ Ami.

⁵⁸ Kpukpru mme Nethinim, ye nditɔ ikɔt Solomon edi ikie ita ye anaŋ ye duopeba.

⁵⁹ Ndien mme mmɔ emi edi mmɔ oro eketode ke Tel-melah, ye Tel-harsha, ye Cherub, ye Addan, ye Immer edɔk: edi mmɔ ikemeke ndiwut ufɔk mme ete mmɔ ye oruk mmɔ, mme mmɔ edi Israel:

⁶⁰ nditɔ Delaiah, nditɔ Tobiah, nditɔ Nekoda, ikie itiokiet ye aba ye duopeba.

⁶¹ Ndien nditɔ mme oku: nditɔ Habaiah, nditɔ Hakkoz, nditɔ Barzillai, emi ekedade eyen Barzillai a Gilead aŋwan kiet ɔdɔ, onyuŋ ekere enyiŋ mmɔ:

⁶² mmɔ emi eyom ŋwed ubon mmɔ edi ikwe: ndien esio mmɔ ke itie oku nte mme andidehe.

⁶³ Ndien Tirshatha ɔdɔhɔ mmɔ, ete ekudia ata edisana ŋkpɔ tutu oku ada Urim ye Thummim adaha ada.

⁶⁴ Ofuri esop ɔtɔ kiet osim tɔsin owo aba ye iba, ye owo ikie ita ye ata,

⁶⁵ ekɔrɔ ye ifin iren mmɔ ye ifin iban mmɔ, emi esimde tɔsin itiaba, ye ikie ita ye edip ye efureba: ndien mme ɔkwɔ-ikwɔ iren ye iban ikie iba enyuŋ edu ke otu mmɔ.

⁶⁶ Mme horse mmɔ edi ikie itiaba ye edip ye efurekiet; mme mule mmɔ, ikie iba ye aba ye duop;

⁶⁷ mme camel mmɔ, ikie inaŋ ye edip ye efut; mme ass mmɔ tɔsin itiokiet, ye ikie itiaba ye edip.

⁶⁸ Ndien adaŋemi ndusuk mme etubom mme ete esimde ufɔk Jehovah emi odude ke Jerusalem, mmɔ etat ubɔk enɔ ufɔk Abasi, man ediɔŋ enye ewuk ke itie esie.

⁶⁹ Mmɔ enɔ inyene utom ke ukeme mmɔ, tɔsin dram gold ata ye kiet, ye tɔsin pound silver ition, ye ɔfɔŋidem oku ikie.

⁷⁰ Ndien mme oku, ye mme Levite, ye ndusuk mbio-obio, ye mme ɔkwɔ-ikwɔ, ye mme etie-usuŋ, ye mme Nethinim, eduŋ ke mme obio mmɔ, ofuri Israel enyuŋ eduŋ ke mme obio mmɔ.