EZRA 10 - Edisana ñwed Abasi Ibom

Ebin Mme Iban Esen-idut ye Nditɔ Mmɔ

¹ EKEM adaŋemi Ezra akanamde mkpeubɔk, okonyuŋ ayararede, atua eyet, onyuŋ ɔduɔ ke isɔŋ ke iso ufɔk Abasi, ata akwa otu iren-owo, ye iban, ye nditɔwɔŋ emi etode ke Israel, esop idem ke ɔtɔ esie: koro kpukpru owo etuade eyet eti-eti.

² Ndien Shecaniah eyen Jehiel, eyen Elam kiet, ɔbɔrɔ Ezra, ete, Nnyin ima idue Abasi nnyin, ima inyuŋ idɔ isen iban emi etode ke mbio mme idut: edi ke emi Israel enyene idorenyin ke ŋkpɔ emi.

³ Ke emi, ndien, yak nnyin idiomi ediomi ye Abasi nnyin, ite ke nnyin iyesioŋo kpukpru iban, ye nditɔ emi mmɔ emande, nte ekemde ke item ɔbɔŋ mi, ye ke eke mme mmɔ emi enyekde idem ebaŋa mbet Abasi nnyin; ndien yak enam ke ewuhɔ.

⁴ Daha ke enyɔŋ; koro ŋkpɔ emi enyenede fi; nnyin ŋko iyeda ye afo: sɔŋ esit, nyuŋ nam.

⁵ Ndien Ezra adaha ke enyɔŋ, onyuŋ anam mbɔŋ oku, ye mme Levite, ye ofuri Israel, eŋwɔŋɔ ete ke iyenam ke uyo emi. Ndien mmɔ eŋwɔŋɔ.

⁶ Ekem Ezra adaha ke enyɔŋ ke iso ufɔk Abasi, aka okoduk ke ubet Jehohanan eyen Eliashib: ndien enye aka do, idiaha ŋkpɔ, inyuŋ iŋwɔŋke mmɔŋ: koro enye atuade mme idiɔk ido mbon ntaŋ-mfep.

⁷ Ndien mmɔ etaŋa ewuhɔ ke Judah ye Jerusalem enɔ kpukpru nditɔ ntaŋ-mfep, ete edibono ke Jerusalem;

⁸ ndien iyedia kpukpru inyene owo ekededi eke mididige ke usen ita, ke item mbɔŋ ye eke mbiowo, inyuŋ idianare enye ifep ke esop mbon ntaŋmfep.

⁹ Ekem kpukpru owo Judah ye eke Benjamin esop idem ke Jerusalem ke usen ita. Enye edi ɔyɔhɔ ɔfiɔŋ usukkiet, ye ɔyɔhɔ usen ɔfiɔŋ edip; ndien kpukpru owo etie do ke aŋwa ufɔk Abasi, enyuŋ enyek idem ebaŋa ikɔ emi ye akwa edim.

¹⁰ Ekem Ezra oku adaha ada, onyuŋ ɔdɔhɔ mmɔ ete, Mbufo emedue, emenyuŋ edɔ isen iban, enyuŋ enam isop Israel okpon aka iso.

¹¹ Mbufo enyime ndien enɔ Jehovah Abasi mme ete mbufo, enyuŋ enam se enye amade: enyuŋ edianare idem mbufo ke mbio idut, ye ke isen iban oro efep.

¹² Ndien ofuri esop ebɔrɔ enyuŋ emenere uyo edɔhɔ, ete, Nnyin inyene ndinam kpa uyo fo.

¹³ Edi owo ewewak, emi onyuŋ edi ini ukwɔ, owo inyuŋ ikwe nte adade ke esien, emi inyuŋ idige utom usen kiet mme iba: koro nnyin emi iduede ke ŋkpɔ emi iwakde.

¹⁴ Mbɔk, yak mbɔŋ nnyin eda ke ibuot ofuri esop, ndien yak kpukpru owo emi edɔde isen iban ke mme obio nnyin, etiene mbiowo kpukpru obio, ye mme ebierikpe mmɔ, edi ke ini eke edidoride, tutu ikaŋ iyaresit Abasi nnyin akabare ɔkpɔŋ nnyin, tutu enam ŋkpɔ emi ema.

¹⁵ Jonathan eyen Asahel, ye Jahzeiah eyen Tikvah, ikpɔŋ-ikpɔŋ etiŋ enyin ke ŋkpɔ emi: ndien Meshullam, ye Shabbethai, Levite eŋwam mmɔ.

¹⁶ Ndien nditɔ ntaŋ-mfep enam ntre. Ekem Ezra oku, ye owo eke edide mme etubom mme ete, nte ufɔk mme ete mmɔ edide, ye kpukpru mmɔ ke enyiŋ, ke enyiŋ, edianare idem mmɔ, enyuŋ esuhɔre ebono ke akpa usen ɔyɔhɔ ɔfiɔŋ duop, man etim ese ikɔ emi.

¹⁷ Ndien mmɔ ema ye kpukpru owo eke ekedɔde isen iban, ke mika-ikemke ke akpa usen akpa ɔfiɔŋ.

¹⁸ Ndien mmɔ ekut ete ke ndusuk nditɔ mme oku ema edɔ isen iban: ke otu nditɔ Jeshua eyen Jozadak, ye nditɔ-ete esie; Maa-seiah, ye Eliezer, ye Jarib, ye Gedaliah.

¹⁹ Ndien mmɔ enɔ ubɔk mmɔ, ete ke mmimɔ iyesioŋo iban mmimɔ; ndien koro mmɔ eduede isop, mmɔ ewa okukim erɔŋ ebaŋa isop mmɔ.

²⁰ Ndien ke otu nditɔ Immer; Hanani, ye Zebadiah.

²¹ Ndien ke otu nditɔ Harim; Maaseiah, ye Elijah, ye Shemaiah, Ye Jehiel, ye Uzziah.

²² Ye ke otu nditɔ Pashhur; Elioenai, ye Maaseiah, ye Ishmael, ye Nethaneel, ye Jozabad, ye Elasah.

²³ Ye ke otu mme levite; Josabad, Ye Shimei, ye Kelaiah (enye edi Kelita), Pethahiah, ye Judah, ye Eliezer.

²⁴ Ke otu mme ɔkwɔ-ikwɔ ŋko; Eliashib: ye ke otu mme etie-usuŋ; Shallum, ye Telem, ye Uri.

²⁵ Ndien ke otu Israel ŋko; ke nditɔ Parosh; Ramiah, ye Izziah, ye Malchijah, ye Mijamin, ye Eleazar, ye Malchijah, ye Benaiah.

²⁶ Ndien ke otu nditɔ Elam; Mattaniah, ye Zechariah, ye Jehiel, ye Abdi, ye Jeremoth, ye Elijah.

²⁷ Ye ke otu nditɔ Zattu; Elioenai, ye Eliashib, ye Mattaniah, ye Jeremoth, ye Zabad, ye Aziza.

²⁸ Ke otu nditɔ Bebai ŋko; Jehohanan, Hananiah, zabbai, ye Athlai.

²⁹ Ke otu nditɔ Bani ŋko: Meshullam, Malluch, ye Adaiah, ye Jashub, ye Sheal, ye Jeremoth.

³⁰ Ndien ke otu nditɔ Pahath-moab; Adna, ye Chelal, ye Benaiah, ye Maaseiah, ye Mattaniah, ye Bezalel, ye Binnui, ye Manasseh.

³¹ Ke otu nditɔ Harim nde; Eliezer, Isshijah, ye Malchijah, ye She-maiah, ye Shimeon,

³² ye Benjamin, ye Malluch, ye Shemariah.

³³ Ke otu nditɔ Hashum; Mattenai, ye Mattattah, ye Zabad, ye Eliphelet, ye Jeremai, ye Manasseh, ye Shimei.

³⁴ Ke otu nditɔ Bani; Maadai, ye Amram, ye Uel,

³⁵ ye Benaiah, ye Bedeiah, ye Cheluhi, ye Vaniah, ye Meremoth,

³⁶ ye Eliashib, Mattaniah,

³⁷ ye Mattenai, ye Jaasu, ye Bani,

³⁸ ye Binnui, ye Shimei.

³⁹ Ye Shelemiah, ye Nathan, ye Adaiah,

⁴⁰ ye Machnadebai, ye Shashai, ye Sharai,

⁴¹ ye Azarel, ye Shelemiah, ye Shemariah, ye Shallum,

⁴² ye Amariah, ye Joseph.

⁴³ Ke otu nditɔ Nebo; Jeiel, Ye Mattithiah, ye Zabad, ye Zebina, ye Iddo, ye Joel, ye Benaiah.

⁴⁴ Kpukpru mme mmɔ emi ekedɔ isen iban: ndien ndusuk mmɔ enyene iban eke emande nditɔ enɔ mmɔ.