DEUTERONOMY 22 - Edisana ñwed Abasi Ibom

Mme Ibet Efen

¹ AFO ama okut enaŋ eyen usɔ, mme erɔŋ esie nte ediyode esaŋa, kuwɔŋɔre ukpɔŋ mmɔ: kutetre ndida mmɔ mfiak nsɔk eyen-usɔ.

² Edi edieke eyen-usɔ mikpereke fi, afo munyuŋ ufiɔkke enye, da unam nim ke esit ufɔk fo, ndien yak enye nɔ enye.

³ Nam kpa ntre ŋko ye ass esie; nyuŋ nam kpa ntre ye ɔfɔŋ-idem esie; nyuŋ nam kpa ntre ŋko ye kpukpru ŋkpɔ eyen-usɔ eke esopde, eke ebɔhɔde enye, eke afo onyuŋ okutde: kuwɔŋɔre ukpɔŋ enye.

⁴ Ama okut ass eyen-usɔ mme enaŋ esie, nte eduɔŋɔde ena ke ɔkpɔ-usuŋ, kuwɔŋɔre ukpɔŋ mmɔ: kutre nditiene enye mmen mmɔ.

⁵ Ŋwan okusine ŋkpɔ eren-owo ke idem, eren-owo okunyuŋ esine ɔfɔŋidem aŋwan ke idem: koro Jehovah Abasi fo esede kpukpru mmɔ eke enamde ntem ke ŋkpɔ mbubiam.

⁶ Ke ini afo edide edikut efɔk inuen ke usuŋ, mme ke eto ekededi, mme ke isɔŋ, edide nditɔ, enyuŋ edide nsen, ndien eka ama ɔkubɔ ke nditɔ, mme ke nsen oro, kuda eka ukɔrɔ ye nditɔ: kutre ndisana eka yak,

⁷ ndien da nditɔ ke idem fo; kpaŋ ɔkpɔfɔn fi, mme usen fo ekpenyuŋ ebigi.

⁸ Ke adaŋemi afo edibɔpde obufa ufɔk, nam ɔkɔ ke ɔkɔm fo kanade kuk, mbak afo edida iyip odori ufɔk fo, ke owo ekededi editode ke esit ɔduɔ ke isɔŋ.

⁹ Kuda mkpasip oruk nsio-nsio utɔ ke iŋwaŋ vine fo: mbak afo edida kpukpru se mkpasip eke ɔtɔde, ye se iŋwaŋ vine oŋwumde onim ke edisana ŋkpɔ.

¹⁰ Kubɔp enaŋ ye ass ɔtɔ kiet ufuŋ isɔŋ.

¹¹ Kusine mbuaha ɔfɔŋidem, nte idet erɔŋ eke abuahade ye linen.

¹² Nam nyeriye ke idem fo sin ke mben ufuhɔ-ŋkpɔ fo mbinaŋ eke afo ɔfuhɔde.

¹³ Ke adaŋemi owo ɔdɔde ŋwan, onyuŋ ɔfiɔkde enye, ndien akabare asua enye,

¹⁴ onyuŋ odori enye ɔburɔbut ikɔ, onyuŋ osio enye idiɔk etop, onyuŋ ɔdɔhɔ ete, Mma ndɔ ŋwan emi, edi adaŋemi ndaŋde ye enye, ŋkut nte enye midige eyenɔwɔŋ:

¹⁵ ndien yak ete eyen-aŋwan ye eka esie eda mme idiɔŋɔ itie eyenɔwɔŋ esie, ewɔrɔ esɔk mbiowo obio ke inua otop:

¹⁶ ndien ete eyen-aŋwan ɔdɔhɔ mbiowo, ete, Ŋkada eyen mi aŋwan nnɔ owo emi ɔdɔ, edi enye amakabare asua enye;

¹⁷ ndien, sese, enye ama odori enye ɔburɔbut ikɔ ete, Ŋkut nte eyen fo aŋwan idige eyenɔwɔŋ: ndien mme mmɔ emi edi mme idiɔŋɔ itie eyenɔwɔŋ eyen mi aŋwan. Ndien yak mmɔ ebri ɔfɔŋ oro ke iso mbiowo obio.

¹⁸ Ndien yak mbiowo obio oro emum owo oro emiŋa;

¹⁹ enyuŋ ebɔ enye silver ikie, eda enɔ ete eyen-aŋwan oro, koro enye osiode eyen-aŋwan Israel idiɔk enyiŋ: ndien enye eyesuk edi ŋwan esie; enye (ebe) idikemeke ndisio enye ke ofuri uwem esie.

²⁰ Edi ikɔ emi ama edi akpanikɔ, mmɔ minyuŋ ikwe mme idiɔŋɔ itie eyenɔwɔŋ eyen-aŋwan oro:

²¹ ndien yak mmɔ eda eyen-aŋwan ewɔŋɔ ke enyin-usuŋ ufɔk ete esie, mbio-obio mmɔ enyuŋ etɔŋɔ enye ke itiat ewot: koro enye ama anam ɔburɔbut ido ke Israel, ke erika owo ke ufɔk ete esie: ntre ke afo edisio idiɔk ido ke otu fo efep.

²² Ke adaŋemi ekutde owo nte okotde ŋwan eke enyenede ebe, mmɔ mbiba enyene ndikpa, eren eke okotde ŋwan oro, ye ŋwan ŋko ke ntre ke afo edisio idiɔk ido ke Israel efep.

²³ Ke adaŋemi ekedade eyen-aŋwan, eyenɔwɔŋ, enɔ owo, ndien owo okut enye ke obio, onyuŋ okot enye;

²⁴ mbufo emum mmɔ mbiba ewɔŋɔ ke inua-otop obio oro eketɔŋɔ mmɔ ke itiat ewot; eyen-aŋwan, koro enye mifiorike ke obio; ye eren oro, koro enye asabarede ŋwan mbɔhiduŋ esie: ntem ke afo edisio idiɔk ido ke otu fo efep.

²⁵ Edi edieke owo odude ke ikɔt okut eyen-aŋwan eke ekedade enɔ owo, ndien owo oro akan enye, onyuŋ ɔfiɔk enye: yak edi eren oro ɔkɔfiɔkde enye ikpɔŋ akpa:

²⁶ edi kunam eyen-aŋwan oro baba ŋkpɔ kiet; isop mkpa idianake enye: koro kpa nte emi owo adahade ke enyɔŋ etiene mbɔhɔiduŋ esie owot, kpa ntre ke ikɔ emi etie:

²⁷ koro enye okokutde enye ke ikɔt, eyen-aŋwan oro ekedade enɔ owo, ama onyuŋ ofiori, ndien baba owo kiet eke anyaŋade enye iduhe.

²⁸ Ke adaŋemi owo okutde eyen-aŋwan eke edide eyenɔwɔŋ, eke minyeneke owo ndien omum enye, onyuŋ ɔfiɔk enye, ndien eyarare mmɔ;

²⁹ yak owo emi ɔfiɔkde enye ɔnɔ ete eyen-aŋwan oro shekel silver aba ye duop, ndien eyen edi ŋwan esie: koro enye asabarede enye, enye ikemeke ndisio enye ke ofuri uwem esie.

³⁰ Owo okuda ŋwan ete esie, okunyuŋ ɔfuhɔre ufuhɔ-ŋkpɔ ete esie.