2 NDIDEM 16 - Edisana ñwed Abasi Ibom

Ahaz Akara ke Judah

¹ KE ɔyɔhɔ isua Pekah eyen Remaliah efureba, Ahaz eyen Jotham edidem Judah ada ubɔŋ.

² Ahaz edi isua edip ke ini enye adade ubɔŋ, onyuŋ edi edidem ke Jerusalem ke isua efurekiet; edi enye inamke se inende ke iso Jehovah Abasi esie, nte David ete esie.

³ Edi enye asaŋa ke usuŋ ndidem Israel, onyuŋ anam eyen esie ŋko ebe oduk ke ikaŋ, ekem ye mbubiam ido mme idut oro Jehovah ekemende efep ke iso nditɔ Israel ɔduɔk.

⁴ Enye onyuŋ awa uwa, onyuŋ ɔfɔp incense ke mme edikoŋ ebiet, ye ke ikpɔ obot, ye ke idak kpukpru awawa eto.

⁵ Ndien Rezin edidem Syria, ye Pekah eyen Remaliah, edidem Israel, edɔk ke Jerusalem, eka ndiŋwana ekɔŋ: ndien mmɔ ekan Ahaz ekuk, edi ikwe nte eŋwanade ekɔŋ.

⁶ Ke ini oro Rezin, edidem Syria, ada Elath ɔnɔ Syria, onyuŋ ebin mme Jew ke Elath efep: ekem nditɔ Syria eka ke Elath ekeduŋ do tutu osim mfin emi.

⁷ Ekem Ahaz ɔdɔŋ mme isuŋ-utom etiene Tiglath-pileser edidem Assyria, ete, Ami ndi owo fo, ye eyen fo: dɔk di nyaŋa mi sio ke ubɔk edidem Syria, ye ke ubɔk edidem Israel, emi enamde ikɔ ye ami.

⁸ Ndien Ahaz ada silver ye gold oro ekutde ke ufɔk Jehovah, ye ke ebiet unim-ŋkpɔ ufɔk edidem, ɔnɔ esɔk edidem Assyria ke enɔ.

⁹ Ndien edidem Assyria okop uyo esie: edidem Assyria onyuŋ ɔdɔk aka Damascus, akada enye, onyuŋ ataŋ mmɔ ɔnyɔŋ ke Kir, onyuŋ owot Rezin.

¹⁰ Ekem Ahaz edidem aka okosobo ye Tiglath-pileser, edidem Assyria, ke Damascus, ndien enye okut itie-uwa kiet emi odude ke Damascus: ndien edidem Ahaz ɔnɔ mbiet itie-uwa oro ye oruk esie, kpa nte ekenamde enye kpukpru, esɔk Urijah oku.

¹¹ Ndien Urijah oku anam itie-uwa, etie kpa nte eke kpukpru se edidem Ahaz eketiede ke Damascus otobo enye: ntem ke Urijah oku anam, ke edidem Ahaz mika-itoho ke Damascus idi.

¹² Ekem edidem oto ke Damascus edi, edidem onyuŋ okut itie-uwa oro: edidem onyuŋ asaŋa ekpere itie-uwa oro, onyuŋ awa uwa ke esit.

¹³ Enye onyuŋ ɔfɔp edifɔp uwa esie, ye inuak-udia esie, onyuŋ ɔtɔhɔ ediŋwɔŋ uwa esie, onyuŋ osime iyip uwa ekɔm esie ke itie-uwa oro.

¹⁴ Ndien enye emen itie-uwa okpoho oro odude ke iso Jehovah, efep ke iso ufɔk, ke ufɔt (obufa) itie-uwa ye ufɔk Jehovah, ada enye onim ke edem edere itie-uwa oro.

¹⁵ Edikem Ahaz onyuŋ eteme oku Urijah, ete, Fɔp edifɔp uwa usenbɔk ke akwa itie-uwa, ye inuak-udia mbubreyo, ye edifɔp uwa edidem, ye inuak-udia esie, ye edifɔp uwa kpukpru mbio-obio, ye inuak-udia mmɔ, ye ediŋwɔŋ uwa mmɔ; nyuŋ da ofuri iyip edifɔp uwa, ye ofuri iyip uwa efen sime ke esit: ndien itie-uwa okpoho eyedi se ami ndikerede mbaŋa.

¹⁶ Ndien Urijah oku anam kpukpru se edidem Ahaz eketemede.

¹⁷ Edidem Ahaz onyuŋ okpok mme panel mme udiɔhɔ-akpaŋkpaŋ efep, onyuŋ odorore mkpɔdiɔhɔ-mmɔŋ ke edem enaŋ okpoho oro edade enye ke idak, ɔsuhɔre ɔdiɔk enye ke pavement itiat.

¹⁸ Ndien ama edi usuŋ sabbath oro enyenede ɔkɔm, emi mmɔ ebɔpde ke ufɔk, ye inua-otop esa oro edidem akam odukde, enye osio mmɔ efep ke ufɔk Jehovah abaŋa edidem Assyria.

¹⁹ Ndien ama edi ikɔ Ahaz emi esuhɔde, emi enye akanamde, nte ikewetke mmɔ isin ke ŋwed ikɔ eyo ndidem Judah?

²⁰ Ekem Ahaz ɔsuhɔre ana ye mme ete esie ede, onyuŋ ɔbuhɔ ye mme ete esie ke obio David: ndien Hezekiah eyen esie ada ubɔŋ ke itie esie.