Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

1 CHRONICLES 2 - Edisana ñwed Abasi Ibom


Mme Nditɔ Israel ye Judah

1 MME mmɔ emi edi nditɔ Israel: Reuben, ye Simeon, ye Levi, ye Judah, ye Issachar, ye Zebulum; ye Dan,

2 ye Joseph, ye Benjamin, Naphtali, Gad, ye Asher.

3 Nditɔ Judah; Er, ye Onan, ye Shelah: eyen Shua eyen-aŋwan a Canaan aman mmɔ mbita ɔnɔ enye. Ndien Er, akpan Judah, ɔdiɔk ke iso Jehovah; ndien Enye owot enye.

4 Ekem Tamar ukot esie aman Perez ye Zerah ɔnɔ enye. Kpukpru nditɔ-iren Judah edi ition.

5 Nditɔ Perez; Hezron, ye Hamul.

6 Nditɔ Zerah ŋko; Zimri, ye Ethan, ye Heman, ye Calcol, ye Dara: kpukpru mmɔ ewɔrɔ ition.

7 Nditɔ Carmi ŋko; Achar, emi ɔkɔtuhɔde Israel, enye oro akanamde idiɔk ke ikɔ nsobo oro.

8 Nditɔ Ethan ŋko; Azariah.

9 Ndien nditɔ Hezron emi ekemanade enɔ enye; Jerahmeel, ye Ram, ye Chelubai.

10 Ndien Ram obon Amminadab; Amminadab onyuŋ obon Nashon, etubom nditɔ Judah;

11 Nahshon onyuŋ obon Salmah, Salmah onyuŋ obon Boaz;

12 ndien Boaz obon Obed, Obed onyuŋ obon Jesse;

13 Jesse onyuŋ obon akpan esie Eliab, ye Abinadab udɔ esie, ye Shimea ududɔ;

14 ye Nethanel ke ɔyɔhɔ inaŋ, ye Raddai ke ɔyɔhɔ ition;

15 Ozem ke ɔyɔhɔ itiokiet, ye David ke ɔyɔhɔ itiaba.

16 Ndien nditɔ-ete mmɔ iban edi Zeruiah ye Abigail. Nditɔ Zeruiah ŋko; Abishai, ye Joab, ye Asahel, mmɔ owo ita.

17 Abigail onyuŋ aman Amasa: ndien ete Amasa edi Jether eyen mme Ishmaelite kiet.

18 Ndien Caleb eyen Hezron obon nditɔ ke Azubah ŋwan esie, ye ke Jerioth: ndien mme mmɔ emi edi nditɔ ŋwan oro; Jesher, ye Shobab, ye Ardon.

19 Ekem Azubah akpa: ndien Caleb ada Ephrath ɔdɔ, ndien enye aman Hur ɔnɔ enye.

20 Ndien Hur obon Uri, Uri onyuŋ obon Bezalel.

21 Ndien ke ini oro ama ekebe, Hezron etiene eyen Machir, ete Gilead aŋwan, onyuŋ ɔdɔ enye ke ini enye (Hezron) osimde isua ata, ndien enye aman Segub ɔnɔ enye.

22 Ndien Segub obon Jair, emi enyenede obio edip ye ita ke idut Gilead.

23 Ekem Geshur ye Aram ebɔ mmɔ mme obio Jair, ye Kenath, ye mme obio iŋwaŋ esie, obio ata. Kpukpru mmɔ edi nditɔ Machir ete Gilead.

24 Ekem adaŋemi Hezron akpade ke Caleb-ephrathah, Abijah ŋwan Hezron aman Ashhur ete Tekoa ɔnɔ enye.

25 Ndien nditɔ Jerahmeel, akpan Hezron, edi Ram akpan, ye Bunah, ye Oren, ye Ozem, ye Ahijah.

26 Jerahmeel onyuŋ enyene ŋwan efen, emi ekerede Atarah; enye edi eka Onam.

27 Ndien nditɔ Ram, akpan Jerahmeel, edi Maaz, ye Jamin, ye Eker.

28 Ndien nditɔ Onam edi Shammai, ye Jada; nditɔ Shammai enyuŋ edi Nadab ye Abishur.

29 Enyuŋ aŋwan Abishur edi Abihail, enye onyuŋ aman Ahban, ye Molid ɔnɔ enye.

30 Nditɔ-iren Nadab ŋko; Seled, ye Appaim; edi Seled akpa, inyuŋ ibonke eyen.

31 Ndien nditɔ Appaim edi Ishi. Nditɔ Ishi ŋko; Sheshan. Nditɔ Sheshan ŋko; Ahlai.

32 Nditɔ Jada eyen eka Shammai ŋko; Jether ye Jonathan: edi Jether akpa, ndien ibonke nditɔ.

33 Ndien nditɔ Jonathan; Peleth, ye Zaza. Mme mmɔ emi edi nditɔ-iren Jerahmeel.

34 Ndien Sheshan inyeneke nditɔ-iren, edi enyene nditɔ-iban. Sheshan onyuŋ enyene owo kiet emi okotode ke Egypt, ekere Jarha.

35 Ekem Sheshan ada eyen esie aŋwan ɔnɔ Jarha owo esie ɔdɔ; ndien enye aman Attai ɔnɔ enye.

36 Ndien Attai obon Nathan, Nathan onyuŋ obon Zabad, Zabad onyuŋ obon Ephlal,

37 Ephlal onyuŋ obon Obed;

38 Obed onyuŋ obon Jehu,

39 Jehu onyuŋ obon Azariah; Azariah onyuŋ obon Helez, Helez onyuŋ obon Eleasah;

40 ndien Eleasah obon Sismai, Sismai onyuŋ obon

41 Shallum; Shallum onyuŋ obon Jekamiah, ndien Jekamiah obon Elishama.

42 Ndien nditɔ Caleb, eyen eka Jerahmeel, edi Mesha akpan esie, emi edide ete Ziph; ye nditɔ Mareshah, ete Hebron.

43 Ndien nditɔ Hebron; Korah, ye Tappuah, ye Rekem, ye Shema.

44 Ndien Shema obon Raham, ete Jorkeam; ndien Rekem obon Shammai.

45 Ndien eyen Shammai edi Maon; Maon enyuŋ edi ete Beth-zur.

46 Ndien Ephah, ŋwan esa Caleb, aman Haran, ye Moza, ye Gazez: Haran onyuŋ obon Gazez.

47 Nditɔ Jahdai ŋko; Regem, ye Jotham, ye Geshan, ye Pelet, ye Ephah, ye Shaaph.

48 Maacah, ŋwan esa Caleb, aman Sheber ye Tirhanah.

49 Enye onyuŋ aman Shaaph ete Madmannah ŋko, ye Sheva ete Machbena, ye ete Gibeah: ndien Achsah edi eyen Caleb aŋwan.

50 Mme mmɔ emi edi nditɔ Caleb eyen Hur, akpan Ephrathah, Shobal ete kiriath-jearim;

51 ye Salma ete Beth-lehem, ye Hareph ete Beth-gader.

52 Ndien Shobal ete Kiriath-jearim obon nditɔ-iren; Haroeh, ye ubak mme Menuboth.

53 Ubon Kiriath-jearim ŋko; mme Ithrite, ye mme Puthite, ye mme Shumathite, ye mme Mishraite; mme Zorathite, ye mme Eshtaolite, eketo ke otu mmɔ.

54 Nditɔ iren Salma; Beth-lehem, ye mme Netophathite, ye Atroth-beth-Joab, ye ubak mme Manahathite, ye mme Zorite.

55 Ndien ubon mme ewet-ŋwed emi eduŋde ke Jabez; mme Tirathite, ye mme Shimeathite, ye mme Sucathite; mme mmɔ emi edi mme Kenite emi eketode ke Hammath, ete-ufɔk Rechab.

Efik Old Bible With Sectional Headings © Bible Society of Nigeria, 2013, 2019.

Bible Society of Nigeria
ကြှနျုပျတို့နောကျလိုကျပါ:



ကြော်ငြာတွေ