१ पट्रुस 2 - पुर्वीय मगरजीबीट पत्थर र पवित्र जाति 1 होटबाटै पट्ट न दुष्ट कुराको लकीङ, पट्ट न छल-कपट, डाहा र अरुकुङ बडनाम जाट्च भर्मीको लकीङ नाखुरीक लोस ङुनी। 2 चाम-चाम डीन्छ बालखै डुढ सोन्न्हाङ लेखा न नाखुरीक र परमेश्वरौ सत्य बचन गाकी मीमन जाट्नी, अनी होसे लकीङ नाखुरीक ल्होङ्ले र जीवाले। 3 हीजैडेनाङ प्रभु डयालु ले डेच कुरौ स्वाड नाखुरीकै ठाहा डीन्न्ह भ्यामने। 4 नाखुरीक प्रभु येशू लेठाङ रान्ही, होसको च जीउँडो पत्थर हो। भर्मीकै काम मालक्डीस्च डेयार इन्कार जाट्च, टर परमेश्वरै चुन्डीच बहुमुल्य ले। 5 नाखुरीक र जीउँडो पत्थरको छानार रान्ही अनी परमेश्वरै नाखुरीककी आत्मीक इम खास्कीयो लागी क्योट्ले। नाखुरीक र येशू ख्रीष्ट लकीङ परमेश्वरकी जाक्ङसेच आत्मीक बलीडान चढडीच पवित्र पुजाहारी छान्नी। 6 हीजैडेनाङ धर्मशास्त्राङ डेमने, “ङोस्नी! ङै चुन्डीच बहुमुल्य सुर ल्हुङ होसकी ङै सीयोनाङ डामने। होसको मीटाक विश्वास जाट्चको सेन्र काराम सेकी मापर्ले।” 7 होटबाटै नाखुरीक विश्वास जाट्चकुङ लागी इसे ल्हुङ बहुमुल्य ले। विश्वास माजाट्चकुङ लागी च इसे ल्हुङ याङ्च हो, “इम खास्च कर्मीकै काम मालग्डीस्ले डेच ल्हुङ सुर ल्हुङ छाना।” 8 धर्मशास्त्रये डेले, “इसे न ल्हुङ भर्मीकोलाक ठेस लग्डीस्च ल्हुङ हो। इसे न ल्हुङै धेरै जनाकी कुरुक्ले। परमेश्वरौ बचनकी होखुरीकै मामन्डीचबाटै ठेस लग्डीस्ले।” परमेश्वरै होखुरीकुङ लागी इसे कुराको पहीला न डेम भ्यामन्या। 9 टर नाखुरीक च चुन्डीच भर्मीको, राजकीय पुजाहारीगीरी, पवित्र जाटी, नाखुरीककी अन्धकार लकीङ अचम्मौ ज्योटीयाङ राक्च परमेश्वरौ लहो न भर्मीको हो। होसकै नाखुरीककी होसकुङ अचम्मौ कामको प्रचार जाट्की भाक्च हो। 10 पहीला च नाखुरीक परमेश्वरौ भर्मी मालेया, टर अब च नाखुरीक परमेश्वरौ भर्मी छान्नने। पहीला नाखुरीकै परमेश्वरौ कृपा माडुप्मन्या, टर अब च नाखुरीकै परमेश्वरौ कृपा डुप्मने। परमेश्वरौ सेवकको 11 ङौ विश्वासी डाजेभाइको र डै बहीनीको, इसे संसाराङ नाखुरीक बीडेसी र पर्बासी ल्याक्च न ले। होटबाटै ङा नाखुरीककी बिन्ती जाट्ले, शरीरौ मास्च अभीलासा पुरा जाट्की पट्टी मालग्डीस्नी। याङ्च अभीलासाको आत्मौ विरुद्धाङ सधैँ लडाइँ जाट्ले। 12 ख्रीष्टकी विश्वास माजाट्च भर्मीकुङ मीघ्याङ नाखुरीकुङ चालचलन सेछ छान्की पर्ले। होखुरीकै नाखुरीककी मासेछ डेयार डोस लैडीनाङ नाखुरीकुङ सेछ कामको चीन्डीकी य्होक्ख्यौ र परमेश्वर न्याय जाट्की राछ डीनाङ होसकुङ महीमा जाट्ख्यौ। 13 प्रभुओ आदरौ लागी पट्ट न भर्मीको र अधिकारीकुङ अधिनाङ ङुनी। राजौ अधिनाङ ङुनी, सुखाटा पट्ट डेनाङ बाड्को अधिकार छान्ने, 14 र अरु सासककुङ अधिनाङ र ङुनी, होसे मासेछ काम जाट्चकोलाक सजाय याखी र सेछ काम जाट्चकोलाक इज्जट जाट्की राजा लकीङ न खटडीच हो। 15 हीजैडेनाङ परमेश्वरौ इच्छा इसे न हो, की सेछ काम जाटार न नाखुरीकै मुर्ख भर्मीकुङ मास्च बोली ठुन्न याखी पर्ले। 16 स्वतन्त्र भर्मीकै लेखा न जीवन बीटडीनी, टर नाको स्वतन्त्र ले डेयार कुसेर दुष्ट काम चहीँ माजाट्नी। बरु नाको परमेश्वरौ डासकै लेखा न जीवानी। 17 पट्ट न भर्मीकोलाक आदर जाट्नी। विश्वासी डाजेभाइको र डै बहीनीकोलाक माया जाट्नी। परमेश्वरखाटा बीर्हीनी, र राजाकी मान जाट्नी। ख्रीष्टौ कष्टाङ उदाहरण 18 नोकरको लहो मालीककुङ अधिनाङ ङुनी, र होखुरीकुङ आदर जाट्नी। नाखुरीक मीटाक भलो र माया जाट्च सेछ मालीककुङ मट्टै होइन, टर कठोर मालीककी र आदर जाट्नी। 19 नाखुरीकै हीर मास्च काम माजाट्न र कष्टको भोग्डीकी पर्ले हीजैडेनाङ इसे परमेश्वरौ इच्छा हो डेम आर्मीटार सहडीया डेनाङ परमेश्वरै आसीस याल्हे। 20 हीजैडेनाङ मासेछ काम जाटार कष्टको भोग्डीकी बाड्को कुरा होइन, टर सेछ काम जाट्च बाटै डुख भोग्डीकी पर्या डेनाङ परमेश्वरै आसीस याल्हे। 21 इच्यौ लागी न परमेश्वरै नाखुरीककी आर्घाच हो। हीजैडेनाङ ख्रीष्टै र नाखुरीकुङ लागी डुख भोग्डीया, अनी नाखुरीकुङ लागी काट उदाहरण छान्न याहा। होट छान्चबाटै नाखुरीक र होसको व्हाच लामाङ व्हाकी पर्ले। 22 होसकै हीर पाप माजाटा, र होसकुङ मेङेरीङ काट र झुटो कुरा ङाक्च मासेया। 23 भर्मीकै होसकोकी अपमान जाट्नाङ होसकै जवाफ माल्हेटा। कष्ट भोग्डीनाङ होसकै ढम्की माय्हा टर ठीकखाटा न्याय जाट्च परमेश्वर मीटाक न होसकै भरोसा डा। 24 ख्रीष्टै काल्हौ पापको लहो शरीराङ बुवार सीङौ क्रूसाङ टङ्गडीसा, होटबाटै कान र पापौ लागी सीया अनी परमेश्वरकी जाक्ङ सेच सेछ कामौ लागी जीवाकी पर्ले। होसकुङ न चोटको लकीङ नाखुरीक गेपा। 25 नाखुरीक बरालीस्न व्हाच भेडाको ल्याक्च न लेया, टर अब नाखुरीकुङ आत्मौ गोठ्ला र सुरक्षा जाट्च लेठाङ ल्हेस्न राम्हने। |
© 2024 (Active), Wycliffe Bible Translators, Inc. All rights reserved.
Wycliffe Bible Translators, Inc.