Kejadian 5 - Eipomek

¹ Asukum ara, Adam arye deibukba, dadeipdanin balamika ani, delilamik ninye si ara asirya sekne. Ura, deiyok bikna talak ara, Allah el ulye ning ap, el urasin ap, mitik anun ton ulye touk, ninye ton kwepdeibuk.

² Tukwak ninye bitinye kwepdeiamuk ara, sal ton, kil ton kwepdeibukce, teleb kipdeibuk. Sik bitinye kwepdeiamukba, sik si ati, ‘Tukwak mutuku ninye,’ nyabuk.

³ Ura, sal kwepdeibuknye, el si ara Adam, keting tamun yupa weik, 130 tahun ulamuka ani, el mi deibukce, ‘Ami el si ara, Set,’ nyabuka deibuk. Set ara, el li ulamuk ning ap, el urasin ap atonunuk ulamuk.

⁴ Adam arye, el mi Set akunum deibukopura, anyapce dipdongobuka, keting tamun yupa weik 800 tahun, tonap ulamuk. Atalak noutamak ton yuk mapu ap, yuk kilmapu ap deiamuk.

⁵ Adam el kam ulamuk keting tamun nirya ara, yupa weik 930 tahun ulamuka ani, dibuk.

⁶ Set bira, yupa weik, keting tamun 105 tahun akunum ulamukce, el mi Enos deibuk.

⁷ Enos akunum deibukopura, yupa weik, keting tamun 807 tahun tonap ulamuka ani, el mapu ap, kilmapu ap, yuk nang ton deiamuk.

⁸ Set el kam ulamuk keting tamun nirya ara, yupa weik, 912 tahun ulamuka ani, el babye dibuk.

⁹ Enos bira, yupa weik, keting tamun 90 tahun akunum ulamuka ani, el mi Kenan deibuk.

¹⁰ Kenan akunum deibukopura, yupa weik, keting tamun weik, 815 tahun tonap ulamukce, el mapu ap, kilmapu ap, yuk nang ton deiamuk.

¹¹ Enos el kam ulamuk keting tamun nirya ara, yupa weik, 905 tahun ulamuka ani, el babye dibuk.

¹² Kenan bira, yupa weik, keting tamun 70 tahun akunum ulamuka ani, el mi Mahalalel deibuk.

¹³ Mahalalel akunum deibukopura, yupa weik, keting tamun 840 tahun tonap ulamukce, el mapu ap, kilmapu ap, yuk nang ton deiamuk.

¹⁴ Kenan el kam ulamuk keting tamun nirya ara, yupa weik,910 tahun ulamuka ani, el babye dibuk.

¹⁵ Mahalalel bira, yupa weik, keting tamun 65 tahun akunum ulamuka ani, el mi Yared deibuk.

¹⁶ Yared akunum deibukopura, yupa weik, keting tamun 830 tahun tonap ulamukce, el mapu ap, kilmapu ap, yuk nang ton delilamuk.

¹⁷ Mahalalel el kam ulamuk keting tamun nirya ara, yupa weik, 895 tahun ulamuka ani, el babye dibuk.

¹⁸ Yared bira, yupa weik, keting tamun 162 tahun akunum ulamuka ani, el mi Henok deibuk.

¹⁹ Henok akunum deibukopura, yupa weik keting tamun 800 tahun tonap ulamukce, el mapu ap, kilmapu ap, yuk nang ton delilamuk.

²⁰ Yared el kam ulamuk keting tamun nirya ara, yupa weik, 962 tahun ulamuka ani, el babye dibuk.

²¹ Henok bira, yupa weik keting tamun 65 tahun akunum ulamuka ani, el mi Metusala deibuk.

²² Metusala akunum deibukopura, yupa weik, keting tamun 300 tahun deice arye, teleb ubuka Allah tenelamuk touk pia diksukumuk ulamuk. Allah ap kanye talima dukdongopbuka neika ulamdik. Atalak noutamak ara, el yuk mapu ap, kilmapu ap ton deiamuk.

²³ Henok el kam ulamuk keting tamun nirya ara, yupa weik, 365 tahun ulamuka ani, Allah arye anye doprobuka ati, Hanuk ara, dibina kum bukni, ninye arye elti, tonap pia kum eilamik. Tunim anauk ubuke.

²⁴ Henok bira, Allah ap kanye talima dukdongobuka diksukumuk ulamdika ani, Allah arye, Henok dobuka bobiyukba, talye karin kum dayukba, ninye ton kum eiyamik.

²⁵ Metusala bira, yupa weik, keting tamun 187 tahun akunum ulamuka ani, el mi Lamek deibuk.

²⁶ Lamek akunum deibukopura, yupa weik, keting tamun 782 tahun tonap ulamukce, el mapu ap, kilmapu ap yuk nang ton delilamuk.

²⁷ Metusala el kam ulamuk keting tamun nirya ara, yupa weik, 969 tahun ulamuka ani, el babye dibuk.

²⁸ Lamek bira, yupa weik keting tamun 182 tahun akunum ubukopura, el mi Nuh deibuk.

²⁹ ‘Ami si ara, Nuh,’ nyabukce, ami ati ayupu nyabuk. “Allah el si Yahweh arye, tukwak mutuku nirya, ikin ning akunum deibuka ati ara, pia ikin deice arye, nun taruk aryuk, pil weik dolamab arye, uk disulule. Winisilya noutamak ara, Nuh elce nun kanye talima kwa daknamsile,” nyabuk.

³⁰ Nuh akunum deibukopura, yupa weik keting tamun 595 tahun tonap ulamukce, el mapu ap, kilmapu ap, yuk nang ton delilamuk.

³¹ Lamek el kam ulamuk keting tamun nirya ara, yupa weik, 777 tahun ulamuka ani, el babye dibuk.

³² Nuh bira, yupa weik, keting tamun 500 tahun akunum wisi deibuk talak aryuk, el mapu winilye deiamuk. Ara, Sem ap, Ham ap, Yafet ap deiamuk.