Esra 2 - Eipomek

Yuk pera mutuku bobinuka deiamika ani, tamubuka boyayik nang ati, sik si sekik yupu

¹ Minop talak ara, Babel mutuku talibuka ulamuka deiyoknye, el si Raja Nebukadnesar ap, el yin talin nang ap arye, Yehuda mutuku noutam weik asik dobuka ulamik ninye obuka malye kibukabikce, Yehuda tam nang weik tonun bobinuka, sik mutuku wenen aik dongobuka deiamikba, sik daulamik. Babel mutuku uk daulamikani, sik Israel nang arye mapu deiamikba, dadeipdanin yangalamika ani, keting tamun weik akunum ubukopura, anang arye deiamik nang ton, Babel mutuku batakuka, Yehuda tam tamubuka yayik. Winibikopura, sik mutuku koproba Yerusalem ap, Yehuda mutuku noutam bukni, yuk-yuk asik ton yanuka ulamik. Ara, sik apu yapu yuk-yuk asik dobuka ulamikak uk, tamubuka yana wekik.

² Sik anang ap neika yayika deiyok nang ara ani. Ara, Zerubabel ap, Yesua ap, Nehemia ap, Seraya ap, Reelaya ap, Mordekai ap, Bilsan ap, Mispar ap, Bigwai ap, Rehum ap, Baana ap neika yayik. Tonda, ayayik nang, Israel yala nang nirya, sik si sekika ara ani.

³ Tonoknye, el si Paros, elce deiamukba, dadeipdanin yangalamika ani, sikce deiamik yala nang ara, dua ribu seratus tujuhpuluh dua, (2.172.000) nang ulamik.

⁴ Atonun, tonye Sefaca, elce deiamukba, dadeipdanin yangalamika ani, sikce deiamik yala nang ara, tiga ratus tujuhpuluh dua (372) nang ulamik.

⁵ Tonda, Arah elce deiamukba, dadeipdanin yangalamika ani, sikce deiamik nang, el yala nang ara, tujuh ratus tujuhpuluh lima (775) nang ulamik.

⁶ Tonda, Pahat-Moab tam nang, ara Yesua ap, Yosua ap arye, deiamdikba, dadeipdanin yangalamika ani, sikce deiamik nang, sik bitinye yala nang ara, dua ribu delapan ratus dua belas (2.812) nang ulamik.

⁷ Tonda, Elam elce deiamukba, dadeipdanin yangalamika ani, sikce deiamik nang, el yala nang ara, seribu dua ratus lima puluh empat (1.254) nang ulamik.

⁸ Tonda, Zatu elce deiamukba, dadeipdanin yangalamika ani, sikce deiamik nang, el yala nang ara, sembilan ratus empat puluh lima (945) nang ulamik.

⁹ Tonda, Zakai elce deiamukba, dadeipdanin yangalamika ani, sikce deiamik nang, el yala nang ara, tujuh ratus enam puluh (760) nang ulamik.

¹⁰ Tonda, Bani elce deiamukba, dadeipdanin yangalamika ani, sikce deiamik nang, el yala nang ara, enam ratus empat puluh dua (642) nang ulamik.

¹¹ Tonda, Bebai elce deiamukba, dadeipdanin yangalamika ani, sikce deiamik nang, el yala nang ara, enam ratus dua puluh tiga (623) nang ulamik.

¹² Tonda, Asgad elce deiamukba, dadeipdanin yangalamika ani, sikce deiamik nang, el yala nang ara, seribu dua ratus dua puluh (1.220) nang ulamik.

¹³ Tonda, Adonikam elce deiamukba, dadeipdanin yangalamika ani, sikce deiamik nang, el yala nang ara, enam ratus enam puluh enam (666) nang ulamik.

¹⁴ Bigwai, elce deiamukba, dadeipdanin yangalamika ani, sikce deiamik nang, el yala nang ara, dua ribu lima puluh enam (2.056) nang ulamik.

¹⁵ Adin elce deiamukba, dadeipdanin yangalamika ani, sikce deiamik nang, el yala nang ara, empat ratus lima puluh empat (454) nang ulamik.

¹⁶ Ater birye, el mi Hizkia deiamukba, dadeipdanin yangalamika ani, el yala nang arye deiamik nang ara, sembilan puluh delapan (98) nang ulamik.

¹⁷ Tonda, Besai elce deiamukba, dadeipdanin yangalamika ani, sikce deiamik nang, el yala nang ara, tiga ratus dua puluh tiga (323) nang ulamik.

¹⁸ Tonda, Yora elce deiamukba, dadeipdanin yangalamika ani, sikce deiamik nang, el yala nang ara, seratus dua belas (112) nang ulamik.

¹⁹ Hasum elce deiamukba, dadeipdanin yangalamika ani, sikce deiamik nang, el yala nang ara, dua ratus dua puluh tiga (223) nang ulamik.

²⁰ Gibar elce deiamukba, dadeipdanin yangalamika ani, sikce deiamik nang, el yala nang ara, sembilan puluh lima (95) nang ulamik.

²¹ Tonda, sik apu yapu Betlehem mutuku ulamik nang arye deiamikba, dadeipdanin yangalamik nang ara, seratus dua puluh tiga (123) nang yanuka ulamik.

²² Tonda, sik apu yapu Netofa mutuku ulamik nang arye deiamikba, dadeipdanin yangalamik nang ara, lima puluh enam (56) nang yanuka ulamik.

²³ Tonda, sik apu yapu Anantot mutuku ulamik nang arye deiamikba, dadeipdanin yangalamik nang ara, seratus dua puluh delapan (128) nang yayik.

²⁴ Tonda, anggun apu yapu Asmawet mutuku ulamik nang arye deiamikba, dadeipdanin yangalamik nang ara, empat puluh dua (42) nang yayik.

²⁵ Tonda, sik apu yapu Kiryat-Arim mutuku ulamik nang ap, Kepira mutuku ulamik nang ap, tonda Beerot mutuku ulamik nang ap nirya ara, sikce deiamikba, dadeipdanin yangalamik nang ara, tujuh ratus empat puluh tiga (743) nang yayik.

²⁶ Rama mutuku ap, Gaba mutuku ap ulamik nang nirya ara, sikce deiamikba, dadeipdanin yangalamik nang ara, enam ratus dua puluh satu (621) nang yayik.

²⁷ Tonda, Sik apu yapu Mikmas mutuku ulamik nang arye deiamikba, dadeipdanin yangalamik nang ara, seratus dua puluh dua (122) nang yayik.

²⁸ Sik apu yapu Betel mutuku nang ap, Ai mutuku nang ap ulamik nang, sikce deiamikba, dadeipdanin yangalamik nang ara, dua ratus dua puluh tiga (223) nang yayik.

²⁹ Sik apu yapu Nebo mutuku ulamik nang, sikce deiamikba, dadeipdanin yangalamik nang ara, lima puluh dua (52) nang yayik.

³⁰ Sik apu koproba Magbish, elce deiamukba, dadeipdanin yangalamik nang, el yala nang ara, seratus lima puluh enam (156) nang yayik.

³¹ Sik apu koproba, el si ton Elam, elce deiamukba, dadeipdanin yangalamik nang, el yala nang ara, seribu dua ratus lima puluh empat (1.254) nang yayik.

³² Sik apu koproba, el si Harim, elce deiamukba, dadeipdanin yangalamik nang, el yala nang ara, tiga ratus dua puluh (320) nang yayik.

³³ Tonda, Lod mutuku ulamik nang ap, Hadid mutuku ulamik nang ap, Ono mutuku ulamik nang ap ara, sikce deiamikba, dadeipdanin yangalamik nang ara, tujuh ratus dua puluh lima (725) nang yayik.

³⁴ Yeriko mutuku ulamik nang ara, sikce deiamikba, dadeipdanin yangalamik nang ara, tiga ratus empat puluh lima (345) nang yayik.

³⁵ Tonda, sik apu koproba Sena, elce deiamukba, dadeipdanin yangalamik nang, el yala nang ara, tiga ribu enam ratus tiga puluh (3.630) nang yayik.

³⁶ Ara, Babel mutuku arye tamubuka, Yehuda tam yangalamik imam-imam nang ara, ani. Sik apu koproba Yedaya, elce deiamuknye bira, Yesua birye deiamukba, dadeipdanin yangalamik nang, el tam nang ara, sembilan ratus tujuhpuluh tiga (973) nang yayik.

³⁷ Tonda Imer elce deiamukba, dadeipdanin yangalamik nang, el yala nang ara, seribu lima puluh dua (1.052) nang yayik.

³⁸ Tonda, Pasyur elce deiamukba, dadeipdanin yangalamik nang, el yala nang ara, seribu dua ratus empat puluh tujuh (1.247) nang yayik.

³⁹ Tonda, Harim elce deiamukba, dadeipdanin yangalamik nang, el yala nang ara, seribu tujuhbelas (1.017) nang yayik.

⁴⁰ Ara, Allah si eren aik pum tam pil dona deiyok nang, sik Lewi yala nang, Babel mutuku arye tamubuka yayik nang ara, sik apu koproba Hodawya, elce deiamuk nang bitinye, Yesua ap, Kadmiel ap, sikce deiamdikba, dadeipdanin yangalamik nang ara, tujuhpuluh empat (74) nang yayik.

⁴¹ Lewi yala nang bukni, sik mot nyana deiyok nang ara, ani. Ara, sik apu koproba Asaf, elce deiamukba, dadeipdanin yangalamik nang, el yala nang ara, seratus dua puluh delapan (128) nang yayik.

⁴² Tonda, Allah si eren aik wekena ati bisik bublan dam kalikin nang ara, Salum yala nang ap, Ater yala nang ap, Talmon yala nang ap, Akub yala nang ap, Hatita yala nang ap, Sobai yala nang ap, sik ayala nang arye deiamikba, dadeipdanin yangalamik nang nirya ara, seratus tiga puluh sembilan (139) nang yayik.

⁴³ Tonda, Allah si eren aik pil melina ati domik nang, Babel mutuku noutam arye, sikce deiamikba, dadeipdanin yangalamik nang, Babel mutuku batakuka, tamubikce, yayik nang sik si sekik nang ara, ani. Ara, Israel nang, sik apu yapu Ziha yala nang ap, Hasufa yala nang ap, Tabaot yala nang ap, sik nirya arye deiamikba, dadeipdanin yangalamik nang, sik yala nang ton, Yehuda tam tamubuka yayik.

⁴⁴ Aning atonun ton, anyaik pil dona ati melin nang ton, Keros yala nang ap, Kiaha yala nang ap, Padon yala nang ap,

⁴⁵ Lebana yala nang ap, Hagaba yala nang ap, Akub yala nang ap,

⁴⁶ Hagab yala nang ap, Samlai yala nang ap, Hanan yala nang ap,

⁴⁷ Gidel yala nang ap, Gahar yala nang ap, Reaya yala nang ap, tamubuka yayik.

⁴⁸ Tonda, Resim yala nang ap, Nekoda yala nang ap, Gazam yala nang ap,

⁴⁹ Uza yala nang ap, Paseah yala nang ap, Besai yala nang ap,

⁵⁰ Asna yala nang ap, Meunim yala nang ap, Nefusim yala nang ap,

⁵¹ Bakbuk yala nang ap, Hakufa yala nang ap, Harhur yala nang ap, tamubuka yayik.

⁵² Tonda, Bazlut yala nang ap, Mehida yala nang ap, Harsa yala nang ap,

⁵³ Barkos yala nang ap, Sisera yala nang ap, Temah yala nang ap,

⁵⁴ Neziah yala nang ap, Hatifa yala nang ap, Babel mutuku arye batakikce, tamubuka Yehuda tam yanuka ulamik.

⁵⁵ Tonda, minop talak ara, ninye deiyoknye Raja Salomo biti, melilamik nang ton, Babel mutuku bobinamikba, daulamik bukni, sikce deiamikba, dadeipdanin yangalamik nang, sik yala nang ton, Babel mutuku arye batakikce, tamubuka Yehuda tam yanuka ulamik. Sik ayayik nang ara ani. Ara, Sotai yala nang ap, Soferet yala nang ap, Peruda yala nang ap,

⁵⁶ Yaala yala nang ap, Darkon yala nang ap, Gidel yala nang ap, tamubuka yayik.

⁵⁷ Tonda, Sefaca yala nang ap, Hatil yala nang ap, Pokheret-Hazebaim yala nang ap, Ami yala nang ap, sik nirya tamubuka, Yehuda tam yanuka ulamik.

⁵⁸ Ara, Allah si eren aik pil dona ati, melilamik nang arye deiamik nang ap, tonda, minop talak ninye deiyoknye Raja Salomo, el aik pil melibuka dolamik ninye arye, deiamik nang ap, sik deiyok dukdongobuka nukika yupa nirya ara, tiga ratus sembilan puluh dua (392) nang tamubuka Yehuda tam yanuka ulamik.

⁵⁹ Ara, yuk nang ara, Tel-Mela mutuku ap, Tel-Harsa mutuku ap, Kerub mutuku ap, Adan mutuku ap, Imer mutuku ap, sik amutuku-amutuku nang ton tamubuka Yehuda tam yayik. Sik ayayik nang nirya ara, ‘Nun apu yapu ara, dipkoprob Israel yala nang ulamika ati, sikce deiamsika ati, nun babye Israel yala nang unyabe,’ nyabik bukni, Israel yala nang arye deipkirikdanin yangalamik nang, sik si nirya seklamik buku noutam ara, ayala nang ton, sik si kum sekik. Sik apu yapu ap, sik yala si ap ara, kum sekika ati, moubuka laka nyapmanto kum ubik.

⁶⁰ Atonun ton, Delaya yala nang ap, Tobia yala nang ap, Nekoda yala nang ap, sik tamubuka yayika yupa nirya ara, enam ratus lima puluh dua (652) nang yayik. Bukni, sik ayayik nang nirya babye, Israel yala nang tenena ati, sik yala ap, sik delina deiyok nang ap nirya ara, moubuka laka nyapmanto kum kibik.

⁶¹ Tonda, sik imam yala nang bukni, sik apu yapu si ara, Habaya yala nang ap, Hakos yala nang ap, Bersilai yala nang ap yayik. (Anye Barsilai bira, Gilead mutuku ulamuknye, el si ton Barsilai, elce deiamuk kilmu uk dobuk. Dobukopura, el si ap, el yala ap ara, el kil yalauk si dobuk.)

⁶² Sik ayala nang nirya arye, ‘Nunda Israel yala nang arye deiamsika ati, nun si ara, Lewi tam yala nang ati, si sekuka delinyakak ara, nun si ton aupsuk do?’ tenen, moubuka dipdeyik bukni, sik anang si ton kum uamuka ati, kum eibik. Ati ara, Israel ninye deiyok nang arye, “Kume, sik ayala nang ara, imam kina ara, pia kum kiptinge. Ara, sikda Lewi tam nang kume. Talye yala nang unyaka ati, dipkoprob Allah el kanye ara, ‘Sikda, na si eren aik melin pil, pia kum doptinge,’ tenelule,” nyapdeibik.

⁶³ Nyabikopura, Yehuda mutuku noutam taleamuka deiyoknye, Gubenur birye, Lewi yala kum nang nirya ara, sik imam-imam nang arye, Allah ati aren ning ara, ton bokikirye dobuka dilamak ning ara, anang ton pia kum diptinge. Ara meme. Ati, talye daulamikca ani, aminyan talak yuk imamnye ton, mambul keil, el si Urim ap, Tumim ap, darabikirye, ‘Allah Yahweh arye, winipnalume, aning ton kum winipnalume, nyabuka laka nyasulul deiyok ning deice, dipdelirye, ‘Deiyok, anang babye, imam pil doptinge,’ nyabuka laka nyapsutopura, aminyan talak imam pil ton dopting bukni, kumopura, kume,” nyapdeibuk.

⁶⁴ Dipkoprop Israel yala nang, Babel mutuku arye tamubuka, Yehuda tam yanuka ulamik nang, sik yupa nirya ara, yupa pia weik, empat puluh dua ribu, tiga ratus enam puluh (42.360) nang yayik.

⁶⁵ Tonda, anang, sik pil melin nang ap neika yanuka ulamik. Ara, sal ap, kilapu ap, pil dona ati melibuka yayik nang nirya ara, sik yupa ara, pia weik, tujuh ribu tiga ratus tiga puluh tujuh (7.337) nang yayik. Tonda, mot nyana kel weik nang ara, sal ap, kilapu ap nirya ara, dua ratus (200) nang ton neika yayik.

⁶⁶ Ara, yuk ning ton, sik Yehuda mutuku tamubuka yayik nang ara, sikce talibuka weilamik kam ning ton boyayik ning ara, ani. Ara, kuda basam tujuh ratus tiga puluh enam (736) ap, keledai basam dua ratus empat puluh lima (245) ap,

⁶⁷ unta basam empat ratus tiga puluh lima (435) ap, tonda keledai basam mitik ning ara, enam ribu tujuh ratus dua puluh (6.720) ap nirya bobuka yayik.

⁶⁸ Sik anang nirya, Yudea tam noutam bukni, weik asik Yerusalem mutuku boyayik. Boyayikopura, ninye yate barye yala nang, sik deiyok-deiyok nang arye, ‘Se, Allah si eren aik uluplobika ati, tuba tonap lipsisikuka dopnamak’ tenen, sik kanye aryuk, Allah Yahweh ati, dengna teleb aren ning dobuka, Yerusalem mutuku boyanuka arebik. Aboyayikce, arebik ning deiyok ara, Allah si eren aik, mince domikakuk, tamubuka dona ati, talye kanye deibuka arelyayik.

⁶⁹ Ara, Yehuda tam tamubuka boyayik nang arye, sik dam aubuk ninguk, aupmok touk dobuka, Allah arena ati, memepdeiamikak yanuka deibik. Sikce kanye deibuka yanuka arebik ning ara, pia weik, enam puluh satu ribu (61.000) kat uang emas, el si dirham ap, tonda lima puluh ribu (50.000) keil uang perak ap, tonda, imam nang ongon ning cang baju aling, el si ara juba panjang, seratus (100) ap, boyanuka arebik.

⁷⁰ Winibikce atalak ara, sik imam nang ap, sik Lewi yala nang ap, tonda yuk Israel yala nang ap, weik asik domikce, Yerusalem mutuku noutam ap, anyaik bukni, dana-dana tam ap, sik aik dobuka daulamik. Bukni, sik mot nyana deiyok nang ap, cang keil poka bublan weken bisik dam kalikin nang ap, tonda, Allah Yahweh si eren aik pil melin nang ap ara, sik apu yapu minop ulamik mutuku uk, tamubukabikce binuka daulamik. Aning atonun ton, yuk Israel yala nang, talye nang nirya babye, sik apu yapu minop ulamik mutuku, sik mutuku koproba yuk-yuk ulamikakuk binuka, aik dobuka, asukumuk pia talibuka ulamik.