1 Tawarikh 8 - Eipomek

Benyamin birye deiamukba, dadeipdanin yangalamik nang ati, nyabuk yupu

^1-2 Benyamin birye sal mapu ara, pamubarye deiamuk. Min yuma deibuknye bira, Bela ulamuk. Abukni, yuk mapu si ara ani. Asybel ap, Ahrah ap, Noha ap, tonda Rafa ap deiamuk.

^3-5 Benyamin deiamuknye, Bela birye deiamuk nang ara, toupne barye (9). Sik si ara ani. Adar ap, Gera ap, Abihud ap, Abisua ap, Naaman ap, Ahoah ap, Gera ap, Sefufan ap, tonda Huram ap, sik winibuka nanguk deiamuk.

^6-7 Ura, Gera birye deiamuknye, Ehud birye deiamuk nang ara ani. Naaman ap, Ahia ap, tonda Gera ap deiamuk. Sik anang ara, min talak Geba mutuku ulamikce, sikce deibikura, dadeipdanin yangalamik nang, sik duweit nirya ati, ninye deiyok talibuka, bululin nang ulamik. Bukni, aminyan talak ara, yuk nang arye, sik anang ara, amutuku arye yakuka, yuk mutuku donokamik. Yakuka dobonmikba, Gera birye bulubuka deibukba, amutuku arye batakuka, Manahat mutuku binuka ulamik. Winyamik talak ara, Gera birye mapu bitinye deiamuk. Sik si ara, Uza ap, tonda Ahihut ap nyabuka, sik si dobuk.

⁸ Ura, Benyamin birye deiamukba, dadeipdanin yangalamik nang arye, tonoknye el si ara, Saharahim deibik. Saharahim bira, Moab mutuku noutam ulamukce, domuk kilapu sik si ara, ani. Husim ap, Bara ap ara, domuk bukni, aminyan talak akilapu bitinye batakuk.

^9-10 Winibukopura, elce yuk kil ton dobuk. Akil si ara, Hodes domukakarye, neika ulamdikce mapu tekbarye deiamdik. Amapu sik si ara, Yobab ap, Zibya ap, Mesa ap, Malkam ap, Yeus ap, Sokhya ap, Mirma ap ulamik. Sik anang nirya ara, sik yala nang nirya ati, ninye deiyok talibuka bululin nang ulamik.

¹¹ Tonda, Saharahim bira, el kil Husim ap, neika tuba ulamrik talak ara, sik mapu bitinye deiamdik. Anang sik si ara, Abitub ap, Elpal ap ulamrik.

¹² Elpal birye mapu winilye deibuk. Sik si ara ani. Eber ap, Misam ap, Semed ap ulamik. Semed birye, Ono mutuku weik asik ap, Lod mutuku weik asik ap, dolamukce, amutuku dam bitinye ara, mitik asik dona ati, bulubuka dolamuk.

¹³ Elpal birye deiamuk mapu bitinye ton, Beria ap, Sema ap deiamuk. Sikce bulubuka deiamrik, sik duweit nirya ara, Ayalon mutuku ulamik nang ati, buluna deiyok nang ulamrik. Tonda, anang bitinye adiparyuk bulubuka, Gad mutuku ulamik nang ati, olbinmekce, yakuka donokamik.

^14-16 Elpal birye deiamuknye Beria, elce deiamuk nang ara ani. Ahyo ap, Sasak ap, Yeremot ap, Zebaja ap, Arad ap, Eder ap, Mikhael ap, Yizpa ap, tonda Yoha ap, sik winibuka nang deiamuk.

Benyamin yala nang Yerusalem mutuku ulamik nang ati, nyabuk yupu

^17-18 Elpal birye deiamukba, dadeipdanin yangalamik nang arye deiamik nang ara, sik si ani. Ara, Zebaja ap, Mesulam ap, Hizki ap, Heber ap, Yismerai ap, Yizlia ap, tonda Yobab ap deiamuk.

^19-21 Tonda, Benyamin birye deiamukba, dadeipdanin yangalamik nang arye deiamik nang, tonye el si Simei deibik. Anye Simei birye deiamuk nang, sik si ara ani. Yakim ap, Zikri ap, Zabdi ap, Adaya ap, Beraya ap, tonda Simrat ap deiamuk.

^22-25 Beria birye deiamuknye, el si Sasak, elce deiamuk nang sik si ara ani. Yipan ap, Ebar ap, Eliel ap, Abdon ap, Zikri ap, Hanan ap, Hananya ap, Elam ap, Antotia ap, Yifdeya ap, tonda Penuel ap deiamuk.

^26-27 Tonda, Benyamin birye deiamukba, dadeipdanin yangalamik nang arye deibiknye ton, el si Yeroham deibik. Yeroham birye deiamuk nang, sik si ara ani. Samserai ap, Seharya ap, Atalye ap, Yaaresya ap, Elia ap, tonda Zikri ap deiamuk.

²⁸ Anang nirya ara, sik yala nang, sik duweit yuk-yuk aulamik touk ati, ninye deiyok talibuka, bulun nang ulamik. Anang nirya ara, sik tam nang arye, ninye si buku noutama ara, sik deipkirikdanin, yanamik nang nirya ara, si sekekuka delilamik. Sik anang nirya ara, Yerusalem mutuku ulamik.

Benyamin yala nang, Gibeon mutuku ulamik nang ap, Yerusalem mutuku ulamik nang ap ati, nyabuk yupu

²⁹ Benyamin birye deiamukba, dadeipdanin yangalamik nang arye, tonye el si Yeiel deibik. Yeiel birye bulubuka, Gibeon mutuku asik dobukce, ninye deiyok talibuka amutuku noutam ulamuk. Yeiel el kil si ara, Maaka ulamuk.

^30-31 Wilamdikak arye, sikce mapu ara, takubarye (10) sepuluh deiamdik. Anang sik si ara ani. Abdon elda minyuma deiamdik. El amu tamnye bira, Zur deiamdik. Aminyan deiprik nang ara, Kish ap, Bahal ap, Nar ap, Nadab ap, Gedor ap, Ahyo ap, Zakaria ap, tonda Miklot ap deiamdik.

³² Miklot bira, elce deiamuk mi ara, Simea ulamuk. Ura, anang nirya ara, Yeiel birye deiamuk mapu ulamik. Sik anang arye deipdanin yanamik nang nirya ara, Yerusalem mutuku ulamik. Ara, sik tam nang bukni, ton tam sik yala nang arye deiamik nang ap, sik neika Yerusalem mutuku ulamik.

Raja Saul el mapu silip ap, el yala nang ap ati, nyabuk yupu

³³ Tonoknye el si Nar, elce el mi Kish deibuk. Kish birye, el mi Saul deibuk. Anye Saul bira, aminyan talak ninye deiyok kibuka, Raja Saul ulamuk. El li koproba ara, Kish ulamuk. El apu koproba ara, Nar ulamuk. Saul birye el mapu dumbarye deiamuk. Sik anang sik si ara, ani. Ara, Yonatan ap, Malkisua ap, Aminadab ap, tonda Esybaal ap deiamuk.

³⁴ Saul birye deiamuknye, Yonatan bira, elce mi tonok deiamuk. El si ara, Meri-Bahal nyamuk. Meri-Bahal birye, el mi Mikha deiamuk.

³⁵ Mikha bira, mapu dumbarye deiamuk. Sik si ara, ani. Piton ap, Melek ap, Tarea ap, tonda Ahas ap deiamuk.

³⁶ Mikha birye deiamuknye, Ahas elce mi tonok deiamuk. Anye el si ara, Yoada nyamuk. Yoada birye, mapu winilye deiamuk. Anang sik si ara, Alemet ap, Asmawet ap, tonda Zimri ap deiamuk. Zimri elce deibuknye bira Mosa.

³⁷ Mosa birye, Bina deiamuk. Bina birye, el mi Rafa deiamuk. Rafa birye Elasa deiamuk. Elasa birye, el mi Asel deiamuk.

³⁸ Anye Asel birye, mapu nakub barye (6) deiamuk. Anang sik si ara ani. Asrikam ap, Bokhru ap, Ismael ap, Searya ap, Obaja ap, tonda Hanan ap deiamuk. Anang nirya ara, sik ni koproba ara, Asel ulamuk.

³⁹ Asel el weit koproba ara, Esek birye mapu winilinye ton deiamuk. Anang sik si ara, ani. Ulamda min yuma deiamuknye. Aning ara, Yeus ap, Elefelet ap deiamuk.

⁴⁰ Esek birye deiamuknye Ulamda, elce deiamuk mapu nirya ara, yin talibuka mikip weik nang ulamik. Tonda, mal olan ati ara, kel weik nang ulamik. Sikce deiamikba, dadeipdanin balamik ani, deiamik nang ara, yupa nakub barye seratus lima puluh (150) nang ulamik. Alip tam sekyapu nang nirya, sik apu koproba, Benyamin ulamuk.