1 Tawarikh 3 - Eipomek

Raja Daud birye deiamuk mapu ati, nyabuk yupu

¹ Raja Daud Hebron mutuku ulamuk talak arye, minop deiamuk mi el si ara, Amnon ulamuk. Ara, Daud birye Yisreel mutuku kil, el si Ahinoam dobukce, Amnon deipdik. Tonda, Daud birye deiamuk mi ton, el si Daniel, el lin bira, Karmel mutuku kil el si Abigail. Daud birye, akil Abigail dobukce Daniel deipdik.

² Tonda, Daud birye, Gesur mutuku Raja kibuka taleamuknye Talmai, el kilmu el si ara, Maakha dobukopura, mi ton el si ara, Absalom deipdik. Aminyan talak ara, dumunye deibuk mi, el si ara, Adonia. Ara, Daud birye, yuk kil ton el si Hagit dobukopura, Adonia deipdik.

³ Aning ara, pamunye deibuk mi, el si ara Sefaca. Ara Daud birye, yuk kil ton, el si Abital dobukopura, ami Sefaca deipdik. Tonda, nakubnye deibuk mi, el si ara, Yitream. Ara Daud birye, yuk kil ton, el si Egla dobukopura, ami Yitream deipdik.

⁴ Ati ara, Daud el mapu tekbarye nang ara, Hebron mutuku ulamuk talak arye deiamuk. Daud Hebron mutuku ulamuk arye, ninye deiyoknye kibuka taleamuk keting tamun ara, lima setengah tahun deice arye, amutuku talibuka ulamuk. Tonda, Daud birye, ninye deiyoknye kibuka, Yerusalem mutuku taleamuk keting tamun nirya ara, tiga puluh tiga (33) tahun deice arye, amutuku talibuka ulamuk.

⁵ Daud bira, Yerusalem mutuku ulamuk talak arye, mapu weik deiamuk. Atalak ara, Daud birye, Amiel el kilmu Batsyeba doprobukce dobuk. Akil dobukopura, mapu dumbarye deiamuk. Anang si ara, Simea ap, Sobab ap, Natan ap, tonda Salomo ap deibuk.

^6-8 Tonda, Raja Daud ulamuk talak noutam arye, yuk mapu weik tonun ton, toupne barye mapu deiamuk. Anang sik si ara, ani. Yibhar ap, Elisua ap, Elefelet ap, Nogah ap, Nefeg ap, Yapia ap, Elisama ap, Elyada ap, tonda Elefelet ap, deiamuk.

⁹ Eitam sekmapu nang nirya ara, Daud birye deiamuk. Sik ananguk, min deiamuk bukni, Daud birye, yuk kilapu ton domukce mapu ton deiamuk. Akilapu ara, Daud birye dipkoprob, pia dona kum kilapu bukni, talye tia akilapu ap malamika arye, mapu yuk nang ton delilamik. Tonda, Daud birye, el kilmu tonok deiamuk. Akilmu el si ara, Tamar nyabuka si domuk.

¹⁰ Israel nang ati, ninye deiyok kibuka, talebnin yangalamik nang ara, sik si ani. Daud birye deiamuk mi Salomo, elce bulubuka yanamika ani, Raja Yosia kiamuk talak ulamik ninye deiyok nang nirya ara, sik si asekuka deibupu. Anang ara, ani. Salomo birye, ninye deiyok talibuka, Raja kibuka ulamuka ani, el mi Rebeam deibuk. Salomo Raja kin ning sirya dakukopura, el mi Rebeam birye, ninye deiyok talibuka, Raja kibuka ulamuka ani, el mi Abia deibuk. Daulamuka ani, Rebeam birye, Raja kin ning sirya dakukopura, el mi Abia birye, ninye deiyok Raja kiamuk ani, el mi Aca deibuk. Abia birye, Raja kin ning sirya dakukopura, el mi Aca birye, ninye deiyok Raja kibuka ulamuka ani, el mi Yosafat deibuk.

¹¹ Aca birye, Raja kin ning sirya dakukopura, el mi Yosafat birye, ninye deiyok talibuka, Raja kibuka daulamuka ani, el mi Yoram deibuk. Yesofat birye, Raja kin ning sirya dakukopura, el mi Yoram birye,, ninye deiyok talibuka, Raja kibuka daulamuka ani, el mi Ahasia deibuk. Ahasia birye ninye deiyok talibuka, Raja kibuka daulamuka ani, el mi Yoas deibuk.

¹² Ahasia birye, Raja kin sirya dakukopura, el mi Yoas birye, ninye deiyok talibuka, Raja kibuka daulamuka ani, el mi Amazia deibuk. Ahasia birye, Raja kin sirya dakukopura, el mi Amazia birye, ninye deiyok talibuka, Raja kibuka daulamuka ani, el mi Asarya deibuk. Amazia birye, Raja kin sirya dakukopura, el mi Amazia birye, ninye deiyok talibuka, Raja kibuka daulamuka ani, el mi Yotam deibuk.

¹³ Amazia birye, Raja kin ning sirya dakukopura, el mi Yotam birye, ninye deiyoknye talibuka, Raja kibuka daulamuka ani, el mi Ahas deibuk. Yotam birye, Raja kin ning sirya dakukopura, el mi Ahas birye, ninye deiyok talibuka, Raja kibuka daulamuka ani, el mi Hizkia deibuk. Hizkia birye, Raja kibuka daulamuka ani, el mi Manasye deibuk.

¹⁴ Hizikia birye, Raja kin ning sirya dakukopura, el mi Manasye birye, ninye deiyok talibuka, Raja kibuka daulamuka ani, el mi Amon deibuk. Manasye birye, Raja kin ning sirya dakukopura, el mi Amon birye, ninye deiyok talibuka, Raja kibuka daulamuka ani, el mi Yosia deibuk.

¹⁵ Amon birye, Raja kin ning sirya dakukopura, el mi Yosia birye, ninye deiyok talibuka, Raja kibuka daulamuka ani, el mi du mi, el si ara, Yohanan deibuk. Raja Yosia birye, deiamuk mapu ara, dumbarye deiamuk. Sik si ara, ani. Yohanan ap, Yoyakim ap, Zedekia ap, tonda Yoahas ap deiamuk.

¹⁶ Yosia el mi Yoyakim bira, mapu bitinye deiamuk. Sik si ara, Yoyakhin ap, Zedekia ap, sik bitinye deiamukak daulamdik.

Raja Yoyakhin birye deibukba, deipdanin yayik nang ati, nyabuk yupu

^17-18 Ura, Raja Yoyakhin birye, Raja ulamuka ani, atalak noutamak arye, sik Babel tam yin talin nang arye, yana Yoyakhin taleamuk nang nirya malye kibikce, Raja Yoyakhin ap, elce taleamuk nang weik tonun ap, tomobuka bobukce, tapu koubuka, sik pia karin mutuku tamubuka bobiyik. Bukni, Yoyakhin birye deiamuk mapu ara, tekbarye nang ulamik. Anang sik si ara, ani. Sealtiel ap, Malkhiram ap, Pedaya ap, Senyazar ap, Yekamnya ap, Hozama ap, tonda Nedaya ap ulamik.

¹⁹ Ura, Yoyakhin birye deiamuknye, Pedaya bira, elce sal mapu bitinye deiamuk. Sik si ara, Zerubabel ap, Simei ap, winibuka ulamdik. Utouk, Yoyakhin el mi Zerubabel birye, sal mapu bitinye deiamuk. Sik si ara, Mesulam ap, Hanaya ap, deiamuk. Anang sik makal kil ara, tonok deiamuk. Akil el si ara, Selomit nyamuk.

²⁰ Tonda, Zerubabel babye, el mapu ton, pamubarye nang ton deiamuk. Sik si ara, ani. Hasuba ap, Ohel ap, Berekhya ap, Hasaya ap, tonda Yusab-Hesed ap deiamuk.

²¹ Tonda, Zerubabel birye, mapu bitinye deiamuknye bira, el si Hananya ulamuk. Hananya birye, deiamuk mapu bitinye uk deiamuk. Sik si ara, Pela ap, Yesaya ap, deiamuk. Yesaya bira, aminyan talak, el mi Refaya deibuk. Refaya bira, aminyan talak, el mi Arnan deibuk. Arnan bira, aminyan talak, el mi Obaya deibuk. Obaya bira, aminyan talak, el mi Sekhanya deibuk.

²² Sekhanya bira, mi tonok deiamuk. Ami el si ara, Semaya nyalamuk. Semaya elda, mapu pamubarye nang deiamuk. Sik si ara, ani. Hutus ap, Yigal ap, Baria ap, Nearya ap, tonda Safat ap deiamuk.

²³ Semaya el mi Nearya bira, aminyan talak, sal mapu winilye deiamuk. Sik si ara, Elyonai ap, Hizkia ap, Asrikam ap deiamuk.

²⁴ Nearya elce deiamuknye, Elyonai bira, sal mapu tekbarye deiamuk. Sik si ara, ani. Hodawya ap, Elyasib ap, Pelaya ap, Akub ap, Yohanan ap, Delaya ap, tonda An na ni ap, winibuka nanguk deiamukak ulamik.