1 Tawarikh 2 - Eipomek

Yakub birye deiamuk nang ap, elce deiamuknye, Yehuda birye deiamukba, dadeipdanin yangalamik nang ap ati, nyabuk yupu

^1-2 Israel bira, el mapu ara, obarye nang (12) deiamuk. Anang sik si ara, ani. Ruben ap, Simeon ap, Lewi ap, Yehuda ap, Isakar ap, Zebulon ap, Dan ap, Yusuf ap, Benyamin ap, Naftali ap, Gad ap, tonda Asyer ap, sik winibuka nang 12 deiamuk.

³ Yehuda bira, mapu winilye deiamuk. Ara, Yehuda birye, Kanaan mutuku kil, el si ara, Batsyua dobukce, deiamuk mapu ara, ani. El ap, Onan ap, tonda Sela ap, deiamuk. Bukni, Yehuda el mi dunye, el si ara El, anye birye, pia malye winin ning weik winibukba, Allah arye, anye el si Elda, oplobuk.

⁴ Tonda, Yehuda birye, el yamal kil Tamar dobukce, mapu bitinye deibuk. Amapu sik si ara, ani. Peres ap, Zerah ap deibukba, daulamdik. Aning ati ara, Yehuda el sal mapu ara, pamubarye deiamuk.

⁵ Yehuda elce deiamuknye, Peres bira, mapu bitinye ton deibuk. Sik si ara, ani. Hesron ap, tonda Hamul ap, deiamukak ulamdik.

⁶ Tonda, Yehuda el mi Zerah birye mapu ara, pamubarye deiamuk. Sik si ara ani. Zimri ap, Etan ap, Heman ap, Kalkol ap, tonda Dara ap deiamuk. Elce deiamuk mapu ara, pamubarye ulamik.

⁷ Tonda, Zerah birye tonoknye ton deibuk mi el si ara, Karmi deiamukba, elce, Akan deibuk. Sik adeipdanin yayik nang noutamak ara, Akan ulamuk. Anye Akan birye, Allah ati kintinibuka arelyangalamik ning, Allah el tenen ning uamuk bukni, Akan birye, aning upula doprobuk deice arye, malye ulamukba, Allah arye Israel nang, sik dam weik kanye imun ning areamukba, ikin weik ulamik.

⁸ Etan birye, sal mi ton deiamuk. El si ara, Asyarya nyamuk.

⁹ Peres elce deiamuknye, Hesron bira, sal mapu winilye deiamuk. Anang sik si ara, ani. Yeramel ap, Ram ap, Kalep ap, ulamik.

¹⁰ Hesron el mi Ram birye, Aminab deibuk. Aminadab birye deiamuknye, el si ara, Nahason. Nahason bira, Yehuda birye deiamuk nang nirya, sik deiyoknye ulamukce, yupu nyalamuk.

¹¹ Ura, Nahason birye, el mi Salma debukura, ulamuk. Daulamuka ani, aminyan talak ara, Salma birye, Boas deibuk.

¹² Boas birye, Obed deibuk. Deibukura, daulamuka ani, Obed birye, Isai deibuk.

^13-15 Isai bira, mapu tekbarye nang deiamuk. Sik si ara, ani. Min deiamuknye, el si ara Eliab, bitinye anye, el si ara, Aminadad, winilye anye el si ara, Simei, dumbarye anye el si ara, Netaniel, pamubarye anye el si ara, Radai, nakubnye el si ara, Osem, teknye el si ara, Daud deibuk. Ati, winibuka nang deiamuk.

¹⁶ Isai el kilmapu ton deiamuk. Arup sekmapu nang, sik makal kilapu ara, bitinye deiamuk. Akilapu sik si ara, ani. Zeruya ap, Abigail ap, deiamuk. Ati, tonok kil Zeruya bira, sal mapu winilye deiamuk. Awenilye nang, sik si ara, ani. Abisai ap, Yoab ap, tonda Asael ap deiamuk.

¹⁷ Isai birye deiamuk kilmu, el si ara, Abigail, elda Ismael birye deiamuknye, Yeter domuk. Dopdarikura, sikce mi tonok ton deiamdik. Ami el si ara, Amasa nyabuka si domdik.

Hesron birye deibukba, deipdanin yangalamik nang ati, sekik yupu

¹⁸ Hesron el mi Kalep bira, Asuba domuk. Dobukura, sik bitinye arye, mapu winilye deipdik. Anang sik si ara, ani. Yezer ap, Sobab ap, Ardon ap deipdik. Tonda, tonok kil ton el si ara Yeriot dobuk.

¹⁹ Ura, Kalep el kil Asuba akunum dibukopura, Kalep birye kil tonok ton, el si Efrat dobuk. Kalep birye, akil dobuk ning ara, sal mi ton deibuk. Anye el si ara, Hur nyabuk.

²⁰ Hur deibukba, daulamuka ani, aminyan talak ara, Hur birye sal mi ton deibuk. Adeibuk mi el si ara, Uri nyabuk. Aminyan talak ara, Ur babye, sal mi tonok deibuk. Ami el si ara, Bezaleel nyabuk.

²¹ Hesron bira, daulamuka ani, akunum umur enam puluh tahun (60) kibuk talak ara, wel kil Makhir ton dobuk. Makhir el li koproba ara, Gilead mutukunye ulamuk. Akil Makhir akunum dobukopura, sik mi tonok ton deipdik. Ami el si ara, Zegub nyapdik.

²² Zegub bira, mi tonok ton deibuk. Ami el si ara, Yair nyabuk. Yair bira, Gilead mutuku noutamak ara, mitik mutuku asik dua puluh tiga (23) asik ulamik nang ton taleamuk.

²³ Bukni, Gezur mutuku taleamuknye ap, Aram mutuku taleamuknye ap, sik bitinye nang ap, sik yin talin nang ap, yayikce, Gilead mutuku noutam uamuk mutuku, Yair birye taleamuk mutuku noutamak ara, mitik-mitik asik dolamikak ara, enam puluh (60) kampung ton yanuka, malye kibukabikce, amutuku nirya dalubuka doprobik. Ara Hafot-Yair mutuku ap, tonda Kenat mutuku ap, tonda amutuku dam yuk-yuk mitik asik, 60 dolamik ning ap nirya ara, yana dalubuka doprobik. Sik amutuku asik dobuka ulamik nang ara, Gilead birye deiamuknye, Makhir elce deiamukba, dadeipdanin yangalamik nanguk, amutuku noutamak ulamik.

²⁴ Ezron birye domuk kil ara, el si Abija mi bomuk. Winibuka daulamuka ani, aminyan talak ara, Ezron bira mutuku si, Kaleb-Efrata noutam dibuk. Akunum dibukopura, el mi Kalep birye, el li koproba arye, min domuk kil, el si Efrata bira, youwak kiluk dobuk. Efrata arye, tonok mi deibukce, el si ara, Asyur nyapdik. Aminyan talak ara, Asyur birye Tekoa deibuk.

Yerameel birye deibukba, dadeipdanin yangalamik nang ati, sekeibik yupu

²⁵ Ezron el min yuma deibuk mi, dunye el si ara, Yerameel deiamuk. Yerameel daulamuka ani, aminyan talak ara, elce mapu pamubarye ton deibuk. Dunye el si ara Ram, anyapce ubuka bitinye anye el si ara, Buna. Aning ara, Orem ap, Ozem ap, tonda Ahia ap, deiamukak ulamik.

²⁶ Yerameel birye, yuk kil el si Atam dobuka dobukopura, mi tonok ton deipdik. Adeipdik mi el si ara, Onam nyapdik.

²⁷ Yerameel birye min yuma deiamuknye, Ram birye, mapu winilye ton deiamuk. Anang sik si ara, ani. Maas ap, Yaamin ap, Eker ap deiamuk.

²⁸ Yerameel el mi Onam birye, mapu bitinye ton deiamuk. Amapu sik si ara, ani. Samai ap, Yada ap, nyapdik. Samai babye, mapu bitinye deibuk. Amapu sik si ara, Nadab ap, Abisur ap, nyabuka deipdik.

²⁹ Samai el deiamuknye Abisur birye, tonok kil el si Abigail dobuk. Dobukopura, sikce sal mapu bitinye deipdik. Amapu sik si ara, ani. Aban ap, Molib ap deipdik.

³⁰ Samai el deiamuknye, Nadab birye, mapu ton bitinye deibuk. Amapu sik si ara, ani. Selet ap, Apahim ap, nyapdik. Bukni, Selet bira, daulamuka ani, mapu ton pia kum deibuk diparyuk dibuk.

³¹ Bukni, Nadab elce deiamuknye, Apahim birye, el mi tonok deibuk. El si ara, Yisei ulamuk. Yisei birye, el mi tonok, Sesan deibuk. Daulamuka ani, aminyan talak ara, Sesan birye, el mi Alai deibuk.

³² Samai el kwet Yada, elda, mapu bitinye deiamuk. Anang sik si ara, Yeter ap, Yonatan ap nyabuka deiamuk. Bukni, Yeter bira, mapu ton kum deibuk diparyuk dibuk.

³³ Yada elce deiamuknye, Yonatan babye, mapu bitinye deiamuk. Sik si ara, Pelet ap, Zeza ap, nyabuka si domuk. Sik asukum sekupu nang nirya ara, Yerameel birye deiamukba, dadeipdananen yangalamik nang ulamik.

³⁴ Yisei birye deiamuknye, Sesan bira, mapu ton pia kum deiamuk. Elda kilmapu uk deiamuk bukni, Sesan el asik pil melinanye Yarah, elda Mesir mutukunye tonok ulamuk.

³⁵ Ati, Sesan el kil mi tonok ton dobuka, el asik pil donanye, Yarah arebukba dobuk. Dopdadikce, sal mi tonok deipdik. Adeipdik mi el si ara, Atai nyapdik.

³⁶ Aminyan talak ara, Atai bira, tonok mi el si Natan deibuk. Aminyan talak ara, Natan birye, el mi Zabad deibuk.

³⁷ Zabad birye, Eflat deibuk. Eflat birye, Obed deibuk.

³⁸ Obed birye, Yehu deibuk. Yehu Asarya deibuk.

³⁹ Asarya birye, Heles deibuk. Heles birye, Elasa deibuk.

⁴⁰ Elasa birye, Salum deibuk. Salum birye, Yekamnya deibuk.

⁴¹ Yekamnya birye, Elisama deibuk.

Kalep birye deibukba, dadeipdanin yangalamik nang ati, sekeibik yupu

⁴² Yerameel el weit koproba, Kalep birye deiamuk mi, el si ara, Mesa nyamuk. Mesa bira, Kalep el mi dunye deiamuk. Mesa birye, el mi Zif deibuka ati, Zif el li koproba ara, Mesa ulamuk. Zif bira, el mi Meresa deibuka ati, Meresa el li koproba ara, Zif ulamuk. Aminyan talak ara, Meresa birye, el mi Hebron deibuka ati, Hebron el li koproba ara, Meresa ulamuk.

⁴³ Hebron nepnin balamuka ani, aminyan talak ara, elce mapu ara, dumbarye deiamuk. Amapu sik si ara, ani. Korah ap, Tapuah ap, Rekem ap, tonda Shema ap deiamuk.

⁴⁴ Shema nepnin balamuka ani, aminyan talak ara, el sal mi Raham deibuka ati, Raham el li koproba ara, Shema ulamuk. Raham birye deiamuk mi ara, Yorekeam nyamuk. Shema el du koproba ara, Rekem ulamuk. Rekem birye Shamai deibuk.

⁴⁵ Maon el li koproba ara, Shamai ulamuk. Bet-Zur el li koproba ara, Maon ulamuk.

⁴⁶ Kalep bira, bitinye kil ton dobuka dobuk. Akil el si ara Efa. Akil ap dopdadikce, sal mapu winilye deipdik. Amapu sik si ara, ani. Haran ap, Moza ap, tonda Gases ap deipdikba ulamik. Haran birye, sal mi tonok ton deibuk. Ami babye, el si Gases nyabuk.

⁴⁷ Yodai birye sal mapu ara, nakub barye deibuk. Anang sik si ara, ani. Regem ap, Yotam ap, Gesan ap, Pelet ap, Efa ap, tonda Saaf ap, nyabuka deibuk.

⁴⁸ Kalep bira, tamubuka yuk kil ton, tabakuka dobuk. Akil el si ara, Maakha ulamuk. Akil ap dopdadikopura, sal mapu bitinye ton deipdik. Anang sik si ara, ani. Tonye Seber nyapdik. Tonye bira, Tirhana nyapdik.

⁴⁹ Kalep el kil Maakha birye, mapu yuk ton bitinye deibuk. Anang si ara, ani. Saaf ap, Sewa ap nyapdik. Saaf birye bulubuka, el mi Madmana deibuk. Tonda, Sewa birye bulubuka, Makbena ap, tonda Gibea ap deibuk. Tonda, Kalep birye, kilmu ton deibuk. Akil el si ara, Akhsa nyabuk.

⁵⁰ Tonda, Kalep birye deibukba, dadeipdanin yangalamik nang ton ani. Kalep el adiparyuk, tonok kil ton dobuka dobuk. Akil si ara, Efrata. Efrata arye minop deiamuk mi, el si ara, Hur ulamuk. Hur birye deiamuk mapu ara, winilye ulamik. Sik si ara, ani. Hur el mi ara, Syobal ap, Salma ap, Haref ap deiamuk. Ura, Syobal birye bulubuka, Kiryat-Yearim mutuku asik dolamuk.

⁵¹ Kalep el mi bitinye anye el si ara, Salma ulamuk. Salma birye bulubuka, Betlehem mutuku asik dolamuk. Tonda, el mi winilinye, el si ara, Haref ulamuk. Elce bulubuka, Bet-Gader mutuku asik dolamuk.

⁵² Tonda, Syobal birye bulubuka, Kiryat-Yearim mutuku asik domuk. Syobal birye deibukba, dadeipdanin yangalamik nang ton, Haroe ap, tonda Menukot yala nang, sik deipkirikropnye ulamuk.

⁵³ Syobal ulamuk. Elda Yetri yala ulamik nang, sik deipkirikropnye ulamuk. Tonda, kurun yala ulamik nang ap, Sumati yala nang ap, Misrai ulamik nang ap, ayala-ayala nang babye, sik deipkirikropnye ulamuk. Tonda, Zora yala ulamik nang ap, Esytoal yala ulamik nang ap, sik deipkirikropnye bira, Misrai ulamuk.

⁵⁴ Betlehem mutuku bulubuka, asik domuknye Salma bira, Netofa yala nang ap, Atorot yala nang ap, Bet-Yoab yala nang ap, tonda Zori yala nang ap, Manati yala nang ap, sik noutam arye wilibulika ulamik nang ap, ayala-ayala nang ara, sik deipkirikropnye ulamuk.

⁵⁵ Tirati yala nang ap, Simati yala nang ap, Sukati yala nang ap, sikda, Yabesh mutuku asik dobuka ulamik. Amutuku ulamik nang ara, mambul surat sekna ap, yuk nang arye sekman surat sekekuka dolona ap ara, weik arye kel kiamik nang ulamik. Sik anang-anang nirya ara, Keni mutuku nang arye deibikura, dadeipdanin yangalamik nang ulamik. Sik Keni mutuku nang arye, Rekhab mutuku kilapu dobuka yana ulamik. Keni yala nang ara, sik deipkirikropnye bira, Hamat ulamuk.