1 Tawarikh 1 - Eipomek

Adam birye deibukba, dadeipdanin yangalamika ani, Abraham birye, yana deiamuk nang ati, sekeibik yupu

^1-3 Tukwak mutuku nang min yuma nirya, sik deipkirikdop nang ara ani. Allah arye min yuma kwepdeibuknye, Adam birye mapu bitinye deibukce, aminyan talak deibuknye bira, Set deibuk. Set birye deibuknye bira, Enos deibuk. Enos birye deibuknye bira, Kenaan deibukba daulamuk. Daulamuka ani, Kenan birye deibuknye bira, Mahalaheel. Daulamuka ani, Mahalaheel birye deibuknye bira, Yared deibuk. Yared birye deibuknye bira, Henok. Henok daulamuka ani, elce Metusala deibuk. Metusala daulamuka ani, Metusala birye, Lamek deibuk. Aminyan talak ara, Lamek birye, Nuh deibuk.

Nuh birye deibukba, dadeipdanin yangalamik nang, sik yala ati, si sekdeibik yupu

⁴ Nuh birye, mapu winilye nang deiamuk. Sik si ara, ani. Sem ap, Ham ap, tonda Yafet ap, deiamukak ulamik.

⁵ Yafet birye, mapu ton deiamuk. Anang sik si ara, ani. Gomer ap, Magog ap, Madai ap, Yawan ap, Tubal ap, Mesek ap, tonda Tiras ap, sik winibuka nang deiamukak ulamik. Sik anang nirya ara, sik ni koproba si ara, Yafet ulamuk. Ati Yafet birye, anang nirya deiamukba, ulamik.

⁶ Yafet elce deiamuknye, Gomer ulamuk. Gomer birye, deibuk nang sik si ara, ani. Ara, Askenas ap, Rifat ap, tonda Togarma ap, deiamukak daulamik.

⁷ Tonda, Yafet elce deiamuknye Yawan ulamuk. Yawan birye deibuk nang, sik si ara, ani. Elisa ap, Tarsis ap deibuknye bira, (el si ton Spanyol nyalamik). Tonda, Kitim ap, Dodanim ap, deiamukak daulamik.

⁸ Ura, Nuh elce deiamuknye, el si Ham birye, mapu ton deiamuk. Sik si ara, ani. Kus ap, Mesir ap, Libia ap, tonda Kanaan ap, deiamukak ulamik. Sik anang ara, Ham birye deiamukba, dadeipdanin yangalamikce ulamik nang, sik nirya, sik deipkirikdop nang ulamik.

⁹ Aning atouk, Ham birye deiamuknye, el si Kus birye deibuk nang ara, sik si ara, ani. Seba ap, Awila ap, Sabta ap, Raema ap, tonda Sabtekha ap deiamukba, sikda amutuku nang ulamik. Tonda, Kus birye deibuknye Raema. Raema birye, deibuk nang ara, Syeba ap, Dedan ap ulamdik.

¹⁰ Kus birye, sal mi tonok ton deiamuk. Anye el si ara, Nimrod ulamuk. Nimrod elda, mikip weiknye ati, ninye mutuku yuma nirya ulamik nang kel kiamikce, elti, ‘Elda dipkoprob mikip weiknye ulule,’ nyalamikce ulamik.

^11-12 Tonda, Ham birye deiamuknye, el si Mesir, elce deibuk nang, sik si ara, ani. Lidia ap, Anamim ap, Lehabim ap, Nabtuhim ap, tonda Patrusim ap, Kasluhim ap, ulamik. Kasluhim birye deibukba, dadeipdanin yangalamik nang, sik anang ara, Pilistin yala nang ulamik. Pilistin yala nang ara, sik deipkirikdeiyanamik nang ara, Kasluhim yala nang ulamik.

^13-14 Tonda, Ham birye deiamuknye, el si Kanaan, elce deiamuk mapu ara, ani. Sidon ap, Het ap, Yebus ap, Amori ap, Gergasi ap, deiamuk. Sidona ara, dunye ulamuk. Ati, Kanan birye deiamukba, deipdanin yangalamik nang nirya, sik deipkirikdop nang ulamik. Ati, Kanan birye mapu deiamukba, dadeipdanin yangalamik nang ara, sik deipkirikdop nang ulamik. Sik yuk-yuk bukni, sik yala nang ton, deipdanin yangalamikba, sik deipkirikdopnye bira, Kanaan ulamuk.

^15-16 Tonda, Kanaan birye deiamukba, dadeipdanin yangalamik nang ton, ani. Hewi mutuku nang ap, Arki mutuku nang ap, Sini mutuku nang ap, tonda, Arwa birye deiamuk mutuku nang ap, Semari birye deiamuk mutuku nang ap, tonda Hamati birye deiamuk mutuku nang ap, sik nirya, sik deipkirikropnye bira, Kanaan ulamuk.

Sem birye, deibukba dadeipdanin, yangalamika ani, sirya ara, Abraham deibuka ati, sekeibik yupu

¹⁷ Sik deipkirikropnye Nuh, elce deibuknye bira, Sem ulamuk. Sem birye mapu ton deiamuk nang, sik si ara, ani. Elam ap, Asyur ap, Arpaksad ap, Lud ap, Aram ap, Us ap, Hul ap, Geter ap, tonda Mesek ap, deiamukak ulamik. Sik anang ara, Sem birye deiamukba, dadeipdanin yangalamikce, ulamik nang, sik nirya, sik deipkirikrop nang ulamik. Ati ara, Sem birye deiamukba, dadeipdanin yangalamik nang nirya ara, sik deipkirikrop nang si atonok dolamik.

¹⁸ Sem birye deiamuknye, el si Arpaksad ulamukce, el mi Selah deibuk. Selah birye, Eber deibuk.

¹⁹ Eber bira, mapu bitinye deiamuk. El mi dunye, el si ara, Peleg ulamuk. Ura, anye el si Peleg nyamuka deiyok ara, el ulamuk talak ara, tukwak mutuku min yuma nirya ulamik nang ara, bokamika ati, asi nyalamik. Peleg el weit koproba, el si ara, Yoktan ulamuk.

²⁰ Yoktan birye deiamuk nang, sik si ara, ani. Almodad mutuku ulamuknye ap, Selef mutuku ulamuknye ap, Hazar-Mawet mutuku ulamuknye ap, Yera mutuku ulamuknye ap,

²¹ Hadoram ap, Uzal ap, Dikla ap,

²² Ebal ap, Abimael ap, Syeba ap,

²³ tonda Ofir ap, Hawila ap, Yobab ap, Yoktan birye deiamukak ulamika ati, sik deipkirikropnye bira, Yoktan ulamuk.

²⁴ Tonda, Yoktan birye deiamuk nang ton, sik si ani. Shem ap, Arpaksad ap, Selah ap,

²⁵ Eber ap, Peleg ap, Rehu ap,

²⁶ Serug ap, Nahor ap, Terah ap,

²⁷ Abram ap deibuk. Abram aminyan talak ara, Allah arye, el si ton ‘Abraham,’ nyabuka si domuk. Sik anang nirya ara, sik deipkirikropnye bira, Yoktan ulamuk.

Abraham birye deibukba, dadeipdanin yangalamika ani, deibikura, ulamik nang ati, sekeibik yupu

²⁸ Abraham birye, sal mapu bitinye nang deiamuk. Sik si ara, ani. Isak ap, Ismael ap, deiamukak ulamdik.

²⁹ Anang arye deipdikba, dadeipdanin yangalamik nang si ara, ani. Ismael elce deiamuk nang, sik si ara ani. Min ara, dunye birye deiamuknye bira, Neboyat ulamuk. Aminyan talak deiamuk nang ara, Kedar ap, Adbeel ap, Mibsam ap,

^30-31 Tonda, Misma ap, Duma ap, Masa ap, Hadad ap, Tema ap, tonda Yetur ap, Nafis ap, Ketma ap, deiamuk. Ara, Ismael birye, sik winibuka nang deiamukba ulamik.

Abraham birye, tonok kil el si ara, Ketura dobukce, deiamuk mapu ati, sekeibik yupu

³² Abraham bira, kil bitinye domuk. Aminyan dobuk kil el si ara, Ketura ulamuk. Atalakuk, akil arye deibuk mapu sik si ara, ani. Zimram ap, Yoksan ap, Medan ap, Midian ap, Isybak ap, tonda Suah ap, deiamukak ulamik. Tonda, Yoksan bira, mapu bitinye deiamuk. Sik si ara, ani. Syeba ap, Dedan ap, deiamukak ulamdik.

³³ Tonda, Abraham elce deiamuknye, Midian birye deiamuk nang, sik si ara, ani. Ara, Efa ap, Efer ap, Hanok ap, Abida ap, tonda Elada ap, sik winibuka nang deiamukak ulamik. Anang nirya ara, sik nin si ara, Ketura ulamuk.

Abraham birye deiamuknye bira, Isak ulamuk. Tonda, Isak birye deibuknye bira, Esau ulamuk. Sik bitinye arye deipdikba, dadeipdanin ban nang ati, si sekeibik yupu

³⁴ Abraham el mi Isak deibuk. Deibukura, daulamuka ani, Isak birye mapu bitinye deiamuk nang, sik si ara, ani. Esau ap, Yakub ap, deiamukak ulamdik. (Allah arye Yakub ati, yuk si dobukce, elti winiryuk si, ‘Israel’ nyamuk.)

³⁵ Esau birye deiamuk mapu, sik si ara, ani. Elifas ap, Rehuel ap, Yeus ap, Yaelam ap, tonda Korah ap, deiamukak ulamik.

³⁶ Tonda, Esau deiamuknye, el si Elifas bira, anang ton deiamuk. Ara, Teman ap, Omar ap, Zefi ap, Gaetam ap, Kenas ap, Timna ap, tonda Amalek ap, deibuk. Anang ara, sik deipkirikropnye, Esau ulamuk.

³⁷ Tonda, Esau elce deiamuknye, Rehuel birye deiamuk nang, sik si ara, ani. Nahat ap, Zerah ap, Syama ap, Misa ap, deiamuk. Sik deipkirikropnye bira, Rehuel ulamuk.

Edom mutuku noutam, tuku talibuka ulamik nang ati, sekeibik yupu

³⁸ Esau birye deiamuknye ton, el si ara, Seir ulamuk. Seir birye deiamukba, dadeipdanin yangalamik nang ara, Edom mutuku noutam tuku talibuka ulamik. Seir birye deiamuk nang arye, amutuku tuku taleamik. Sik si ara, ani. Lotan ap, Syobal ap, Zibeon ap, Ana ap, Disyon ap, Ezer ap, tonda Disyan ap, sik winibuka nang ulamik.

³⁹ Tonda, Seir birye deiamuknye, Lotan birye deiamuk mapu ara, ani. Hori ap, Honam ap, deiamuk. Tonda, Lotan el makal kil tonok ton, akil el si ara, Timna nyalamik.

⁴⁰ Tonda, Seir birye deiamuknye, Syobal birye deiamuk mapu sik si ara ani. Alyan ap, Manahat ap, Ebal ap, Syefi ap, tonda Onam ap, deiamukak ulamik. Tonda, Seir birye deiamuknye, Zibeon birye deiamuk mapu ara, ani. Aya ap, Ana ap, ulamdik.

⁴¹ Zibeon elce deiamuknye, Ana ulamuk. Ana birye Disyon deiamuk. Tonda, anye Disyon birye deiamuk mapu sik si ara, ani. Hamran ap, Esyban ap, Yitran ap, tonda Keran ap, sik winibuka nang deiamuk.

⁴² Seir birye deiamuknye, Ezer el birye deiamuk nang ara, ani. Bilhan ap, tonda Yaakan ap, deiamukak ulamik. Tonda, Seir birye deiamuknye, Disyon birye deiamuk mapu sik si ara, ani. Us ap, Aran ap, deiamukak ulamdik.

Edom mutuku talibuka ulamik nang deiyok nang ati, nyabuk yupu

⁴³ Israel mutuku atam bukni, Yordan mek koubuka, otam mutuku noutamak ara, Edom mutuku nyalamik. Weik ninye deiyok nang, Raja kibuka, Israel nang taleamik nang, min kum bulubuka talilamik talak ara, Edom mutuku ninye deiyok nang, Raja kibuka, taleamik nang, sik si ani. Edom mutuku ninye deiyok kibuka, adiparyuk Raja kibuka talilamik nang, sik si ani. Dinhaba mutukunye, el si Beor, elce deibuk mi Bela birye, ninye deiyok kibuka, Edom mutuku taleamuk.

⁴⁴ Bela taleamuka ani, dibukopura, Bosra mutukunye, el si ara Zerah, el mi Yobab birye, ninye deiyoknye kibuka, amutuku taleamuk.

⁴⁵ Aning ara, Yobab dibukura, Teman mutukunye, el si Husyandi, deiyok kibuka, amutuku taleamuk.

⁴⁶ Tonda, Husyam dibukura, weik asik Awit mutukunye, el si Bedad, el mi Hadad birye deiyok kibuka, amutuku taleamuk. (Ura, Hadad elce Edom mutuku taleamuk talak ara, Midian mutuku ulamik nang ara, Moab mutuku tam biyikce, Hadad birye, anang dam binuka oplobuk.)

⁴⁷ Tonda, Hadad dibukura, Masyreka mutukunye, Samla birye, deiyok kibuka taleamuk.

⁴⁸ Aning ara, Samla dibukura, Rehobat mutuku noutam bukni, Erata mek kup-kupak ulamuknye, Shaul birye Raja kiamuk.

⁴⁹ Aulamuk talak ara, Shaul dibukura, ninye si Akbor, elce deiamuknye, el si Bahal-Hanan birye, deiyok kibuka, amutuku taleamuk.

⁵⁰ Winyamuka ani, el babye dibukopura, Pahi mutukunye, el si ara Hadad, elce deiyok kibuka, amutuku taleamuk. Anye Hadad el kil si ara, Mehetabeel nyalamik. Akil el li koproba ara, Matrid birye deiamuk. Matri bira, el apu koproba ara, Mezahab ulamuk. Aminyan talak ara, Hadad babye dibuk.

⁵¹ Ura, Edom mutuku ulamik nang, sik yala ara, ani. Timna yala nang ap, Alya yala nang ap, Yetet yala nang ap,

⁵² Oholibama yala nang ap, Ela yala nang ap, Pinon yala nang ap,

⁵³ Tonda, Kenas yala nang ap, Teman yala nang ap, Mibzar yala nang ap,

⁵⁴ Tonda, Magdiel yala nang ap, Iram yala nang ap, ulamik. Sik Edom mutuku noutam ulamik nang ara, sik yala yuk-yuk aulamik touk kibuka, ulamikce, ayala-ayala nang ati, ninye deiyok kibuka, yupu tana deiyok nang kibuka, yupu nyalamikce, amutuku talilamik.