عبرأنیأن 1 - کتاب مقدس به زبان گیلکی - گویش شرقی

خدا پسر، فریشته ئان جی سرتره

¹ قدیمؤن، چندین و چند دفا خدا بواسطه پیغمبرؤن، امه پئرؤن أمره جورواجور راهون جی گب بزه،

² اما ایی آخری روزؤن بواسطه خو ریکه أمه اَمره گب بزه، ریکاکی که اونه یکته وارثِ مورسون همه چی مئن وارث بوده و بواسطه او جهانه خلق بُوده،

³ پس او، خدا جلال نوره و کاملا اون ذاته نشؤن دئنه، و او همه چیِ خو کلام قوت أمره استوار دَئنه. او بعد پکا گودنِ گناهؤن، اونه راست دست ور که پیله ایسه و کبریا عرش میئن دره، بنیشته.

⁴ هو قد که فرشته أن جی سرتره، او نؤمی هم که ایرث ببرده اوشون نوم جی جؤرتر هننأ.

⁵ چونکه خدا تا الؤن خو کویکته فرشته أن بوته: «تومی ریکاکی؛ اِمروز مو تَه مولود بودم»؟ و یا: «مو اون ئبه پئر بنم، و او مئبه پسر»؟

⁶ و هندئه او زمت که او، اولته زأکه ای جهان مئن ابئنه، گونه: «همته خدا فرشته أن اونه پرستش بکونن.»

⁷ فرشته أن باره گونه: «خوفرشته «او خو فرشته ئانه بادؤن مورسؤن، و خوشِ خدمتکارؤنِ آتشِ بل موسون چاکونه.»

⁸ اما ریکه باره گونه: «اَی خدا، تی سلطنت تخت ابدی ایسّه؛ تی پادشاهی عصا، عدالت عصا ایسّه،

⁹ تو صالح بؤنه دوست دئنی و شرارت جی نیفرت؛ هینه وسه خدا، تی خدا، ته تی همراهون جی بیشتر، شادی روغن امره مسح بوده.»

¹⁰ و: «تو، ای خداوند، آغاز مئن زمین پیِ بنأی، و آسمؤنون تی دستؤن کارن!

¹¹ اوشون از بین شنن، اما تو پا بر جا مؤنی! اوشؤن همه لیواس موسؤن، کهنه بنن!

¹² اوشؤنه یکته قبا مورسؤن فیبیچنی، و یکته رخت مورسؤن عوضَ بنن، اما تو هو ایسّی، و تی سالؤن تمنه نبنه!»

¹³ تا الؤن خدا کویکته خوشِ فرشته انِ بوته: «می راستِ دستِ ور بنیش تا او وقت کی تی دُوشمنؤنِ تی پا جیر تؤدم»؟

¹⁴ مگر اوشون همته روحؤنی نیَن که خدمت کونن و او کسون خدمت ئبه سرأدأ بنن که نجاته به ارث بئنن؟