اعمالٚ رسولأن 17 - کتاب مقدس به زبان گیلکی - گویش شرقی

پولُس و سیلاس تَسالونیکی میئن

¹ پولُس و سیلاس آمفیپولیس و آپولونیا شهر جی بوگذشتن و بومَئن تِسالونیكی شهر، که اوره یهودی أن عبادتگاه دأشتَن.

² پولُس طبق خوشه عادت عبادتگاه بوشو، او سُه‌ته مقدس شنبه دیرون ایشؤنِ أمره، مقدسَ بنویشته أن جی بحث گود

³ و اوشونه به توضیح دَ، دلیل اَرد که لازم بو مسیح موعود عذاب بكشی و مُرده‌أنِ جی زنده ببی. بوته: «ایی ایسه عیسی که اونه شیمه بِه اعلام کوئنم، هو مسیحِ موعود.»

⁴ بعضی از ایشون قانع بوبوئن، که پولوس و سیلاسِ همراه بوبوئن و هیطورم یکته پیله جماعت ، خدا پرست یونانیون و سرشناس زنأكؤن جی هم ایسابوئن.

⁵ ولی یهودی أن حسودی بودن و یسری بازار شریر آدمون جومَه گودَن و یکته دسته راه تؤدَئن و شهر دیرون بلوا بودَن. یهودیون، پولُس و سیلاس گیتنِ به یاسون خونه سو حمله بودن تا اوشونه مردم میئن بیرون بأرن.

⁶ وقتی ایشؤنِ نیاتّن، یاسون و بعضی از برارونِ هکشِئن شهر حاکمون ورجه و فریاد بزئن «ایی مرداکؤن که تموم دنیا به آشوب بکشِئن، الؤن اِره بومَئن،

⁷ و یاسون ایشؤنه خوشِ خونه ببورده. ایشون همه‌ روم امپراطور دستورؤنَ جی سرپیچی کوئنن و ادعا کوئنن که یکته ده پادشاه ایسا به ایسم عیسی.»

⁸ وختی مردم و شهر حاکمون اینه بشتؤسَن، پریشونَ بوئن.

⁹ بازین یاسون و دیگرؤنای ضمونت هیتَن، اوشونِ آزادَه گودَن.

پولُس و سیلاس بیریه شهر درون

¹⁰ برأرؤن درجا هو شؤ، پولُس و سیلاسِ بیریه شهر سرا دئن. وختی اوشؤن او شهر برسِئن، یهودین عبادتگاه دیرون بوشؤئن.

¹¹ ای یهودین، او یهودین ا جی که تِسالونیكی دیرون زندگی کادبون نجیب‌تر بوئن. اوشون ذوق أمره پیغؤمِ قبول بودن و هر روز مقدس بنویشته أن خواندن تا بینَن پولس و سیلاس گب، خدا کلوم مورسون ایسه یا نه؟

¹² ایطوری، خیلی از یهودی أن ایمون بائردن و تعداد زیادی‌ یونانی زنأكؤن، و خیلی از یونان مَرداكؤن هم که سرشناس بوئن ایمؤن بأردَن.

¹³ ولی وختی تِسالونیكی یهودی أن بفَهمسَن که پولُس بیریه شهر دیرونم خدا كلامِ اعلام كوئنه اوره بوشؤن و مردم تیرا گودن و شهر دیرون آشوب راه تودَئن.

¹⁴ برأرؤن درجا پولُس دریا کنار سو راهی بوئدن، ولی سیلاس و تیموتائوس بیریه شهر دیرون بیسَئن.

¹⁵ اوشونی که پولُس همره ایسا بوئن، اونه تا آتن شهر بئردن و بازین پولس اوشون دستور بده که بیریه شهر وگردن و هرچی زودتر سیلاس و تیموتائوس اون ورجه سرا دئن.

پولُس آتن دیرون

¹⁶ هوموقع که پولُس آتن دیرون او دو نفر ریفا ایسا بو، وقتی که بدِه شهر بُتانه جی پورا گوده ایسّه، روح میئن ناراحتَ بو.

¹⁷ هینه وَسه، عبادتگاه دیرون یهودی أن و یونانی أن امره که خداپرست بوئن، و اوشونی أمره که هر روز بازار میئن شوئن أمن گودن بحث گود.

¹⁸ بعضی از اپیكوری و رواقی فیلسوفؤنم اونه أمره بینا به بحث بوئدن. یسری از اوشؤن گوتن: «ایی مفت گب زن چی دئنه بوگؤی؟» دیگرؤن گوتن: «انگاری غریبه خداأنِ تبلیغ کأدره.» چونکه پولُس، عیسی و مرده أنه زنده بوئن باره ایشونِ به گب زی.

¹⁹ هووخت پولس بیتَن و ’آریوپاگوس‘، او جایی که مردوم اوره جمَ بوئن، ببوردن. اوره اونه بوتَن: «توئنیم بدوئنیم ایی تازه تعلیم که تو دئدری چی‌ایسه؟

²⁰ چونکه تی گبؤن اَمه گوشِ بِه عجیب غریب ایسه. پس خوائنیم اونه معنی‌یه بودوئنیم.»

²¹ تموم آتنی أن و غریبه أنی که اوره زندگی گودن، کاری غیر ایی نداشتن که خودشونه وخت بنِئن تازه عقاید باره گب بزنن و بشتوئن.

²² پس پولُس ’آریوپاگوس‘ جمع میئن ویریسَه و بوته: «ای آتن مَردمون، مو شمره از هر نظر خیلی دیندار بیاتّم.

²³ چون وختی که شهر میئن گردسه دبوم اوچی‌یه که شمه پرستش کوئنین نیگاه گودَم، یکته قربونی جیگا بدئم که اونه سر بنویشته بوبؤبو: ”تقدیم، خدایی‌یه که ناشناس ایسه“. الؤن، اوچی‌یه که شمه نشناخته پرستش کوئنین، مو شمره اعلام كوئنَم.

²⁴ « او خدایی که دونیا و هرچی که اونه دیرون هّنه خلق بوده، اون که آسمؤن و زمین صاحب ایسه و معبدونی دیرون که آدمی دست أمره چأگوده بوبؤ زندگی نوکوئنه.

²⁵ و اون چی که آدمی خوشه دستؤن أمره، بخواه خدا به چائکونه احتیاج ندائنه. چونکه اون خودش تمام آدمیونه، زندگی، نفس و هر چیه دیگره بخشنه.

²⁶ او تمؤم دنیا آدمؤنِ یکته آدمَ جی بوجود بأرده تا سرتاسر زمین بشن و زندگی بکونن؛ و ایشؤن‌ِبه وقتایی تعیین بوده و او جایی که زندگی کوئنن به حد و مرز معین بوئده.

²⁷ تا مردمون خدای دومبال بگردن بلکه اونه دنبال بوشون و اونه بیاجن، هرچند که خدا امه هیچكدوم جی دور نیه.

²⁸ چونکه، ”اونه دیرون أمه زندگی کوئنیم، حركت کوئنیم، و وجود دئنیم؛“ هوتوکه بعضی از شمه شاعرؤن بوتن که: ”راس راسی امه اونه نسل ایسیم. “

²⁹ «الون چون که خدا نسلیم، دُرست نیه ایطوری فكر بكونیم که خدا، نقره و زر و یا یکته سنگ مورسونه که آدم هنر و خیالات أمره یکته مجسمه مورسون ببی که تراش بوخورده ببی.

³⁰ قدیمون، خدا ایجور نادونی جی نیده بو گیت. اما الؤن تموم مردمؤنِ هرجا ایسان دستور بده که توبه بکونن.

³¹ چونکه او یکته روز تعیین بوده که اونه دیرون بواسطه یکته مرداک که معین بودِه، دنیا عدالت أمره داوری کوئنه، و اونه زنده گودنِ أمره مُرده‌أنَ جی، همّته ایی کارَ جی مطمئَن گوده.»

³² وقتی اوشون مُرده‌أنِ زنده بوئن باره بشتؤسَن، بعضی‌أن روخشنیتن، ولی بقیه بوتَن: «خوأنیم ایی قضیه باره هنده تی جی بشتوئیم.»

³³ پس پولُس اوشونه جمع ا جی بوشؤ.

³⁴ ولی چند نفر ایمؤن بأردَن و اونه اضافه بوبوئن. اوشون میئن دیونیسوس، یکته از ’آریوپاگوس‘ آدمون و یکته زنأک که داماریس ایسم داشت و چند نفر دیگه اوشون أمره همراه بوئن.