اوّل قرنتیان 12 - کتاب مقدس به زبان گیلکی - گویش شرقیروحانی عطایان 1 ایسه ای برارون، نخوانم کی روحانی عطایان باره بیخبر ببین. 2 دوئنین که وقتی بت پرست بین، گومراها بوین و لالِ بتؤن سو هکشئه بوین. به هر حال هرجور که بو شمره هکشونین. 3 پس شمره گونم که هرکس بواسطه خدا روح گب بزنی، هرگی نگونه لعنت بر عیسی ، و هیچکس بی اون که روح القدس واسیطه ببی منئه بوگوی « عیسی خداوند ایسّه.» 4 رقم به رقم عطیه هننا، ولی روح هونه؛ 5 رقم به رقم خدمت هننا، ولی خداوند هو ایسّه؛ 6 رقم به رقم کار هننا، ولی هو خدا ایسّه که همه کسه همه چی میئن قوت دئنه. 7 خدا روح آشکارَ بوئن هرکس ئبه، همه کس منفعت وسه هَده بنه. 8 چونکی ینفرِ بواسیطه خدا روح، حکمتِ کلام هَده بنه، و یکتای دیگه به بواسطه هو روح، کلام دونسن، 9 و یکنفرِ به واسطه هو روح، ایمؤن و یکتای دیگرِ بواسیطه هو روح، شفا دانِ عطایا. 10 ینفره معجزه أنِ انجوم دَئنِ قدرت و یکتای دیگره نبوت، و یک نفره روحون تشخیص دَئنِ قدرت هدا بنه. ینفره جورواجور زبونون، گب زئن ئبه، و یگ نفر دیگره جورواجور زبونون ترجمه گودن هَدَه بنه. 11 تموم ایشون به واسطه هو یکته روح کی خدا روحه قوت گینن و اوجور کی خودوش خوانه اونه سهم کوئنه و هرکسِ هَدِئنه. یکته تن، اعضای زیاد همرا 12 چون هیطو که تن یکته ایسّه و خیلی عضو دانه؛ و تموم تن اعضا با اینکه زیاد ایسّن، یکته تنن. مسیح هم هیطو ایسّه. 13 چونکه أمه همته، یکته روحِ میئن غسل تعمید بیتیم تا یکته تن ببیم؛ و أمه همته یکته روح جی وؤدوشؤنئه بوبویم، چی یهود و چی یونونی، چی غولوم و چی آزاد. 14 چونکه تن نه یکته عضو جی، بلکه خیلی عضوؤنَ جی چاگوده بوبؤ. 15 اگه پِا بوگوی، « چونکه دست نییَم، تنِ شی نییم،» ایی دلیل نبنه که تن عضو نبی. 16 و اگه گوش بوگوی، «چونکه چیشم نییَم، تن شی نییَم،» ایی دلیل نبنه که تن عضو نبی. 17 اگه همه تن چشم بو، ایشتؤسن چوطو بونابو؟ و اگه همه تن گوش بو، بی گودن چوطو ایمکون داشت؟ 18 ولی ایتویی خدا تن عضوونه هوطو کی خودش خواست، یکته یکته تن میئن بنه، 19 اگه همته عضوون یکجور بوئن، تن کورا وجود داشت؟ 20 اما هیتو که ایسه عضون زیادن، با ای حال تن یکته ایسّه. 21 چشم منئه دست بوگوی، «ته نیاز ندانم!» و هیطو کله هم منئه لنگونه بوگوی، «شمره نیاز ندانم!» 22 بر عکس، او عضوؤنِ بدن که ضعیف تر نشون دئنن، ضروری ترن. 23 و ای تن عضوؤنِ که فکر کونیم کمتر حرمت دانن، ویشتر اوشونه حرمت نئنیم، و عضوؤنی که قشنگ نیَین ویشتر برس فارس کونیم؛ 24 حال ایکه أمه قشنگ عضوؤن ایجور برس فارس احتیاج ندئنن. ولی خدا تنِ هَندی منظم چاگوده که او اعضا که حرمت کمتری دانن ویشته حرمت بدارن، 25 تا سیوایی تن میئن ننابی، بلکه اونه عضوؤن یه قد، به فکر همدیگه بوبوئن. 26 و اگه یکته عضو عذاب بکشی، همته عضوؤن اونه أمره عذاب بکشن؛ و اگه یکته عضو حرمت بداری، همته همدیگر همره ذوق بکونن. 27 ایطوری، شمه مسیح تن ایسین و تک به تک اون اعضاین. 28 خدا کلیسا میئن، اول رسولؤن، دوم پیغمبرؤن، سوم معلمؤن؛ بعد معجزه أنِ قدرت، بازین شفا دأن عطایا و کمک و مدیریت و زبونؤن مختلف گب زئن تعیین بوده. 29 مگه همه رسول ایسّن؟مگه همته پیغمبر ایسّن؟مگه همته معلم ایسّن؟مگه همته معجزه قدرته دئنن؟ 30 مگر همته شفا دأن عطایا دانن؟ مگه همته جورواجور زبؤنؤنه گب زئنن؟مگه همته ترجمه کوئنن؟ 31 ولی شمه ذوق أمره پیله تر عطایای دومبال دبین. و مو بهترین راهِ شمره نشون دِئنم. |
@ 2024 Korpu Company