Psalm 93 - Edo Bible (E Baibol Ẹdo) Version 1996

Osanobua Ne Ọba

¹ E Nọyaẹnmwa ọrọre ọba, a ya uyi ne ọ rre egbe ọba kevbe ẹtin yọ re ẹwu. A mu agbọn uhe sẹ otọ nẹ gbangbaangban ai ghi vbe sẹtin fi ẹe werriẹ.

² Ke omuhẹn gha dee, te ẹkete ruẹ wa de ziẹn gbain, Nọyaẹnmwa, wẹ rrọ nẹ ẹghẹ te do suẹn.

³ Avbe orinmwi amẹ okun tọn urhu mu Nọyaẹnmwa iran tọn urhu mu ya davan.

⁴ E Nọyaẹnmwa ọ re ọ rri ọba yan emwi hia vbe ẹrinmwi, ọ kpọlọ sẹ uvannọmwẹ okun, ọ mwẹ ẹtin sẹ ubimwẹ amẹ okun.

⁵ Etẹbitẹ ọ re avbe uhi ruẹ khin Nọyaẹnmwa, Ọgua Osa ruẹ, nọhuanrẹn nọ vbe ẹmwata, ẹdẹ kevbe ẹdẹdẹmwẹdẹ.