Psalm 87 - Edo Bible (E Baibol Ẹdo) Version 1996Ne Urhomwẹ Jerusalẹm 1 E Nọyaẹnmwa bọ owa ẹre yan oke ne ọ huanrẹn nii, 2 sẹ ehe ọvbehe ne ọ rhirhi a gha khin vbe Izrẹl ọ ho ẹmwẹ ore nọkhua e Jerusalẹm. 3 Wẹ ne ẹvbo Osanobua, danmwehọ emwi ọyunnuan nẹ ọ tae vbe ekpa ruẹ. 4 “I gha so eni Igipt kevbe Babilọn, ba ẹvbo ni họn ẹmwẹ mẹ. I gha vbe ka ivbi e Filistia, e Taia kevbe Sudan ba iran, I gha ka iran ba emwa ni yin e Jerusalẹm” 5 A gha tae vbe ekpa Zaiọn wẹ, evba nii ọrọre ọghe uhunmwu ẹvbo hia kevbe wẹ, Oghodua gha ru ẹe ne ọ wegbe. 6 E Nọyaẹnmwa gha gbẹnnẹ eni emwa ni yotọ ọ ghi ka iran hia ba ivbi ore Jerusalẹm. 7 Iran kuru, iran so ihuan wẹẹ, “E Zaiọn ọrọre ehe ne afiangbe mwa hia ke rre.” |
@ The Bible Society of Nigeria, 1996
United Bible Societies