Psalm 67 - Edo Bible (E Baibol Ẹdo) Version 1996Ihuan Ekpọnmwẹ 1 Osanobua, tohan mwa, ne u vbe fiangbe ima ye aro itohan ghe mwa. 2 Ne agbọn hia miẹn ehe na rẹn iho ruẹ ne agbọn na hia miẹn ehe na rẹn imiẹnfan ruẹn. 3 Gie emwa hia gha rho ruẹ Osanobua gie emwa hia gha rho ruẹ! 4 Gie agbọn ẹvbo hia gha ghọghọ, ne iran vbe gha so ihuan ọyẹnmwẹ rhunmwuda, wẹ ya ẹmwata bu ohiẹn emwa hia, u keghi vbe dia uhunmwu ẹvbo hia, ni rre agbọn na ye odẹ. 5 Gie emwa hia gha rho ruẹ Osanobua gie emwa hia gha rho ruẹ. 6 Otọe mọ umọmwẹ ọnrẹn ladian nẹ Osanobua, Osanobua mwa fiangbe ima nẹ. 7 Osanobua fiangbe ima nẹ te emwa hia ni rre ehe hia gha ya ọghọ ne ẹẹn. |
@ The Bible Society of Nigeria, 1996
United Bible Societies