Psalm 54 - Edo Bible (E Baibol Ẹdo) Version 1996

Erhunmwu A Degue Ọmwa Hin Obọ Eghian

¹ Ya ẹtin ruẹn miẹn mwẹ fan Osanobua ya iwegbe ruẹ rhan mwẹ ye otọ.

² Họn erhunmwu mwẹ Osanobua; rhie ehọ ye ẹmwẹ ne I guan!

³ Iran ni tọn egbe mu dee ra do gunmwẹ gbinna avbe emwa dan ho ne iran gbe mwẹ uan iran ne ẹ i vbe zẹ ye ọghe Osanobua hiehiere.

⁴ Sokpan, Osanobua ọrọre ne ọ yọmwẹ obọ, Nọyaẹnmwa ọrọre ne ọ gbinna mẹ.

⁵ Te Osanobua gha ya emwi dan iran, rri avbe eghian mwẹ oya, ọ gha fuẹn iran an, rhunmwuda, rẹn gia mu ẹtin yan.

⁶ Ẹko ne ọ rhiẹnrhiẹn, ọ re imẹ gha ya zọ ese ghe ruẹ Nọyaẹnmwa, I gha rhie ekpọnmwẹ nuẹn, rhunmwuda wẹ maa.

⁷ U miẹn mwẹ fan hin uwu ibaro mwẹ hia rre aro mwẹ miẹn ọẹn vbe obọ ke ukhunmwu ne avbe eghian mwẹ.