Psalm 13 - Edo Bible (E Baibol Ẹdo) Version 1996

Erhunmwu Iyobọ

¹ Inu ẹghẹ u ghi ra ye mianmian mwẹ la yi Nọyaẹnmwa? Ẹdẹdẹmwẹdẹ nọ ra? Inu ẹghẹ u ghi ra ye rhie aro lẹ mẹ la?

² Inu ẹghẹ, akhiẹ gha ye vuọn ekhọe mwẹ la, vbe avan kevbe asọn? Inu ẹghẹ ọre avbe eghian mwẹ, ra rhie obọ yan mwẹ uhunmwu la?

³ Tọn aro mu ghe mwẹ Nọyaẹnmwa. Ne u zẹ ẹmwẹ wanniẹn mwẹ. Rhie orhiọn mwẹ werriegbe ye ihe; ghẹ gun mwẹ wu.

⁴ Ghẹ gie avbe eghian mwẹ kha wẹẹ, “Ma gbẹe fua nẹ.” Ghẹ gie iran gbe ọvẹ yan udemwẹ mwẹ.

⁵ Ahoẹmwọmwa ruẹn ne ẹi fiwerriẹ ọre I mu ẹtin yan. I gha ghọghọ rhunmwuda, u gha miẹn mwẹ fan

⁶ I gha so ihuan rho ruẹ Nọyaẹnmwa, rhunmwuda, u ma mẹ gbe.