Psalm 113 - Edo Bible (E Baibol Ẹdo) Version 1996

Ne Urhomwẹ Umamwẹ E Nọyaẹnmwa

¹ Wa rho e Nọyaẹnmwa! Wa ne eguọmwadia e Nọyaẹnmwa, wa rho eni ẹnrẹn!

² A gha rho eni ẹnrẹn nian kevbe ẹdẹdẹmwẹdẹ.

³ Ke ahọ ya sẹ orrie wa rho eni e Nọyaẹnmwa!

⁴ E Nọyaẹnmwa ọre ọ kha yan uhunmwu ẹvbo hia; uyi ẹre yo gberra avbe ẹrinmwi.

⁵ ọmwa ọkpa ne ọ yevbe Nọyaẹnmwa Osanobua mwa i rrọ. Ehe ne ọ yo vbe odukhunmwu ọ re ọ ye,

⁶ sokpan, ọ ghi vbẹrre ne ọ ghe ẹrinmwi kevbe agbọn ghe.

⁷ Ọ tọn ovbiogue mu ke ebubẹ ladian, ọ tọn iran ne ẹ i mwẹ mu hin usẹ iran rre,

⁸ ọ keghi ye iran gha gu ivbi ọba mu obọ ivbi ọba ọghe avbe emwa rẹn.

⁹ Ọ rhie ọghọ ne amwẹ ne ẹ i mwẹ ọmọ vbe owa ẹre ọ gie ẹe sẹ ọyẹnmwẹ vbekpa ne ọ na viọ emọ ne ẹẹn. Wa rho e Nọyaẹnmwa