Psalm 111 - Edo Bible (E Baibol Ẹdo) Version 1996

Ne A Ya Rho E Nọyaẹnmwa

¹ Wa rho e Nọyaẹnmwa! I gha ya ekhọe mwẹ hia kpọnmwẹ e Nọyaẹnmwa; vbe uwu ẹbu avbe emwa rẹn.

² U miẹn vbe emwi ne Nọyaẹnmwa ru hia, yan ọmwa unu an hẹ! Emwa hia ne avbe emwi na yẹ ghi gha ho ne iran rẹn otọe iran.

³ Emwi ne ọ ru hia vuọn ne uyi kevbe orrirri ọba; ọmwata ẹre, etẹbitẹ nọ.

⁴ E Nọyaẹnmwa ma gie ima mianmian avbe iwinna ọyunnuan rẹn, ọ vuọn ne itohan kevbe ẹnina.

⁵ Ọ viọ evbare ne iran ni ya ọghọ ne ẹẹn; ẹ i vbe mianmian ile ẹre ẹdẹ.

⁶ ọ rhie ẹtin ẹnrẹn ma avbe emwa rẹn nẹ, vbekpa ne ọ na mu otọe ọrriọvbe ne iran.

⁷ Ọmwata kevbe ne ọ ta uhunmwu ẹmwẹ rẹn khin vbe emwi ne ọ ru hia; ẹmwẹ ne ọ ta hia gia mu ẹtin yan;

⁸ Te iran wa rrọ rhinrin ẹdẹ ẹmwata kevbe uhunmwu ẹmwẹ ọ re a ya rhie iran rre.

⁹ Ọ fannọ emwa rẹn yotọ ọ keghi gu iran ta ile etẹbitẹ. Ọmwa ne ọ huanrẹn kevbe ne ọ mwẹ ẹtin ọ re irẹn khin.

¹⁰ A rhie ọghọ ne Nọyaẹnmwa ọ re ọ ye ọmwa wan. Ọ rhie irẹnmwi ẹmwata ne iran ni rhie uhi ẹre mwẹ, te a ra gha rho ẹre rhinrin ẹdẹ.