I Krọnikol 10 - Edo Bible (E Baibol Ẹdo) Version 1996

Uwu E Sọl Ne Ọba

¹ Ivbi e Filistin keghi gu ivbi Izrẹl khọn okuo vbe Uhunmwu Oke Giboa, Iran keghi gbele ivbi Izrẹl nibun vbe evba, iran ni dekẹe, ke iran kevbe e Sọl kevbe ivbi ẹre eveva, keghi lẹkua.

² Sokpan, ivbi e Filistin keghi khulo iran, obọ iran keghi vba iran, iran gbele eha vbe ivbi e Sọl. Ena kegha re Jonatan, Abinadab kevbe Malkisua

³ Igbinna keghi wa wegbe vbe ehe ne Sọl ye. Ifẹnmwẹ avbe eghian keghi vba ẹre, obọ keghi wa daa ẹe ẹsẹse.

⁴ Rẹn keghi tama igbama ne ọ viọ emwi igbinna mwẹ ọnrẹn “Yuo umozo ruẹ ladian ne u gbe mwẹ uan, ne avbe ivbe e Filistin ni ma rẹn Osa na ghẹ do ya mwẹ gha gbe ogiẹ.” Sokpan, ohan ma gie igbama nii ru ẹe. Ẹre sọl ghi na mu umozo irẹn, ọ na tobọ ẹre de yọ.

⁵ Igbama nii ghi miẹn ighẹ e Sọl wu, rẹn keghi vbe tobọ ẹre dee ye umozo ọghọe, ọ na wu.

⁶ Erriọ ọ re a na miẹn wẹ e Sọl kevbe ivbi ẹre nikpia eheha ọ re ọ koko wulo, a ma ghi miẹn ne ọ rriọba vbe uniẹn ọnrẹn ọvbehe.

⁷ Ugbẹn vbe ivbi Izrẹl ni rre Iya e Jezrẹl ghi họn wẹ ivbi iyokuo lẹkua, kevbe wẹ e Sọl kevbe ivbi ẹre wulo, iran kpao vbe ẹvbo iran rre, iran keghi lẹkua. Ivbi e Filistin keghi gha dee do mu evba.

⁸ Vbe ẹdẹ ne ọ lele ẹdẹ ne a khọn okuo na, ivbi e Filistin keghi ya gha fu emwi iran ne wulo viọ, iran keghi miẹn ikun e Sọl kevbe ọghe ivbi ẹre vbe uhunmwu Oke Gilboa.

⁹ Iran keghi fian e Sọl uhunmwu, iran kie ẹre ẹwu okuo, iran na giee emwa ne iran viọ ehia la otọ e Filistia hia, ne iran ya iran na iyẹn oghọghọ ma avbe emwa iran kevbe ẹbọ iran.

¹⁰ Iran keghi viọ emwi igbinna rẹn ye ọkpa vbe uwu avbe ọgua ẹbọ iran. Iran keghi si uhunmwu ẹnrẹn rrọọ ye ọgua ọkpa vbe uwu avbe ẹbọ iran ne a tie eni ẹnrẹn Dragọn.

¹¹ Ugbẹn vbe ivbi e Gebẹs ne Giliad ghi họn vbene ivbi e Filistin ru e Sọl hẹ,

¹² iran ni din sẹ vbe uwu iran keghi ya viọ ikun e Sọl kevbe ọghe ivbi ẹre. iran keghi viọ gha rrie Gebẹs. Iran keghi re iran ye ẹzi okan, iran na khiẹ la ikpẹdẹ ihinrọn.

¹³ E Sọl wu rhunmwuda, ọ ma ya ekhọe rhie egbe mu Osanobua. Ọ he iyi Osanobua ye otọ ọ kegha gualọ igiodẹ odẹ ne ọ gha ru emwi la vbe obọ emwa ni wulo nẹ kevbe vbe obọ orhiọn emwa ni

¹⁴ ne ọ gha na te ya gha nọ e Nọyaẹnmwa. Rhunmwuda ọnii, e e Nọyaẹnmwa keghi gbe ẹe rua, ọ na mu arriọba ne e Devid ne ovbi e Jese ne ọ gha khaemwisẹ yan.