Gẹnẹsis 36 - Edo Bible (E Baibol Ẹdo) Version 1996

Ivbi Uniẹn Isọ

¹ Ivbi uniẹn Isọ ena khin (ra Idọm).

² Isọ keghi viọ ikhuo vbe ivbi e Kenan. Ada ne ovbi Elọn ne ọmwa Hiti, Oholibama ne ọmọ okhuo Anam ne ovbi e Zebeọn ne ọmwa Hivi,

³ Ke Basimat, ovbi Ismẹl ọtiẹn Neboiọt nokhuo.

⁴ Ada keghi biẹ Ẹlifaz ne Isọ; Basimat keghi biẹ Reuẹl,

⁵ Oholibama keghi biẹ e Jeus, Jalam kevbe Kora. Emọ ne Isọ biẹlẹe vbe otọ Kenan re enii khin.

⁶ Ẹre Isọ na viọ amwẹ ọnrẹn, ivbi ẹre nikpia, ivbi ẹre nikhuo, kevbe emwa owa ẹre hia, deba avbe ẹmila kevbe emwi hia ne ọ mwẹ vbe otọ Kenan, ọ keghi kpao sẹ Jekọb ne ọtiọnrẹn rae gha rrie otọe ọvbehe.

⁷ Emwi ne ọ yae kpao ọrọre wẹ, otọ ne irẹn vbe Jekọb ye, ma ghi sẹ iran lo, ẹmila ne iran mwẹ keghi bun gbe, ihe ọkpa ma ghi gua iran.

⁸ Ẹre Isọ ghi na ya yin ẹvbo oke ọghe Idọm.

⁹ Ena ọrọre ivbi uniẹn Isọ ne erha emwa Idọm.

¹⁰ Eni ivbi Isọ nikpia ọre ena khin. Ẹlifaz ọmokpia ne Ada ne amwẹ Isọ biẹ nẹẹn kevbe Reuẹl ne Basimat ne amwẹ Isọ biẹ nẹẹn.

¹¹ Ivbi Ẹlifaz kegha re Tẹman, Ọma, Zefo, Gatam kevbe Kanaz.

¹² Timna kegha re ọkpa vbe uwu amwẹ Ẹlifaz ne ovbi Isọ, ọ na biẹ Amalẹk nẹẹn. Enena ọrọre ivbi Ada ne amwẹ Isọ.

¹³ Ivbi e Reuẹl ena khin; Nahat, Zẹra, Siama kevbe Miza. Eni ọrọre ivbie Basimat ne amwẹ Isọ.

¹⁴ Ivbie Oholibama ne ovbi Ana ne ovbi Zibiọn, amwẹ Isọ. Rẹn ọre ọ biẹlẹ Jeus, Jalam kevbe Kora ne Isọ.

¹⁵ Enena ọrọre okpemwa vbe avbe ivbi uniẹn Isọ. Emọ ikpia ọghe ovbi Isọ nokpia nọdiọn ighẹ Ẹlifaz. Okpemwa teman, Ọma, Zefo, Kenaz.

¹⁶ Kora, Gatam, Amalẹk. Ena kegha re ivbi uniẹn ọghe Ẹlifaz vbe otọe Idọm, ivbi Ada iran khin.

¹⁷ Ena ọre emọ ikpia ọghe Reuẹl ne ovbi e Isọ nokpia; avbe ivbi uniẹn ni rrọọ: Nahat, Zẹra, Siama kevbe Miza. Enena ọ re ivbi ọghe Reuẹl vbe otọ Idọm. Ivbi Basimat ne amwẹ Isọ ọre iran khin.

¹⁸ Ena ọrọre ivbi Oholibama ne amwẹ Isọ: ivbi uniẹn ni rrọọ: Jeus, Jalam kevbe Kora. Enena ọrọre ivbi uniẹn ne Oholibama ne ovbi Ana ne amwẹ Isọ biẹlẹ nẹẹn.

¹⁹ Avbe ẹwae na hia ọrọre ivbi uniẹn Isọ.

Ivbi Uniẹn Sẹa

²⁰ Ena ọrọre emọ ikpia Sẹa ne ọmwa Hori, ivbi ẹvbo nii ena khin; Lotan, Siobal, Zibiọn, Ana,

²¹ Disian Ezẹ kevbe Disian. Ena ọrọre emwa ivbi uniẹn ọghe Hori, ivbie Sẹa vbe otọe Idọm.

²² Ivbi e Lotan kegha re Hori ke Heman e Timna kegha re ọtiẹn Lotan nokhuo

²³ Ena ọrọre ivbi Siobal; Alva, Manahat, Ebal, Siefo kevbe Onam.

²⁴ Ena ọrọre ivbi e Zibiọn: Aia kevbe Ana (Ana na ọrọre ọmwa ne ọ miẹn ẹzẹ amẹ erhẹn vbe uwu oha vbe ẹghẹ ne ọ na gha gbe aro gbe ekẹtẹkẹtẹ Zibiọn ne erha ẹe).

^25-26 Ena ọrọre ivbi Ana: Disian kevbe Oholibama ovbi Ana nokhuo. Ena ọrọre ivbie Disian, Hemdan, Esban, Itam kevbe Kieram.

²⁷ Ena ọrọre ivbi Ezẹ, Bilham, Zeavan kevbe Akan.

²⁸ Disian ọ re ọ gha re erha odede avbe Uz kevbe Aran.

^29-30 Ena ọ re ivbi uniẹn Horit ni rre otọ Idọm: Lotan, Siobal, e Zibiọn, Ana, e Disian, Ezẹ kevbe Disian.

Avbe Ọba Idọm

^31-39 Ena ọrọre avbe ọba ni gha khaemwisẹ yan Idọm vbe avbe ọba te suẹn gha la ukpo vbe Izrẹl: E Bẹla ne ovbi Beọ ne ovbi ẹvbo ne a tie ẹre Dinhaba E Jobab ne ovbi e Zẹra ne ọ ke Bozra rre E Husiam ne ọ keotọ Tẹman E Hadad ne ovbie Bedad, (ne ọ khọn Midian miotọ vbe ẹvbo Moab) A kegha tie eni ẹvbo ẹre Avit E Samla ne ọ ke Masreka rre E Siọl ne ọ ke Rehobọt ne ọkpẹn ẹzẹ rre ke. E Baal Hanan ne ovbi e Akbọ E Hadad ne ovbi ẹvbo Pau (a kegha tie amwẹ ọnrẹn Mehetabẹl, ovbi e Matrẹd kevbe eyẹ Mesahab nokhuo.)

^40-43 Ena ọrọre eni ivbi uniẹn ọghe Isọ, Alva, Jetẹt, Oholibama, Ela, Pinọn, Kenaz, Tẹman, Mibza Magdiẹl, kevbe Iram. Eni ne a tie ẹwae ughughan na, ọ re a vbe tie otọe ne iran yinrin.