Ijoovu 25 - IWE ỌNỊNỊ

Ịrẹyị Ibiridadi

¹ Ibiridadi ana vị Anisuhi ka,

² Ohomorihi ọ nyị ụkata ene chi ẹhẹ ẹngụ. Avọọ ọzọza o hị́ angwa anị dị ọ sị ụbanyị yọ. Ọnị ọ mẹ ka aa nyị ẹngwọọrọ ini ihinẹba nị.

³ Ẹnẹ ka ọnị ọ zụ yẹ ịrịka ọkụrẹkụ Ohomorihi? Áá nyị ịzị ẹtohweyi anị ẹ yị zẹtẹ ne tu?

⁴ Ọzarẹyịrẹsụ mẹmẹ nyẹngụ ka a ka ọnị ọ nị ọvịdị Ohomorihi? Áá nyị ọza ana hụ́ ọ ka avọọ?

⁵ Ụhwẹ ọnịrị ụzọmị ẹ yị hyakụ zẹtẹ eyi Ohomorihi.

⁶ Ẹnẹ vaa vẹ ọza ana sị mẹ́ẹ anka ụkọọkọ avọọ. Sị ọza roo ka ọnị ọ vị ịnị eyi Ohomorihi kẹ?