Ijoovu 17 - IWE ỌNỊNỊ

Ijoovu aa yịị kà ịrẹyị anị naa

¹ Ijoovu ka ụhwẹ anị ọ ta, ẹkụhị anị ọ sị gụ, eteesu vene e zi ọnị.

² Avaba aza ana kara ọnị vene du ayị hi ọnị, di e yee nyi ọnị unyi.

³ Ẹyị vị Ẹnẹyịmavara ọ gụ ọnị ụvọ, ẹ yị nyị ọza ana zụ dọ ụyụvọ anị.

⁴ Ijoovu ka Ohomorihi o re gu ọta anị eyi asị ẹ yẹ ịzẹyịza. Agụvị avọọ asị ọ zẹ ka ẹnịnị ẹ nyị ẹbẹẹba anị.

⁵ Ẹnịnị ẹ̀ jị ịvị yị ọnị agụvị ụrị ẹngụ ẹnịnị. Ohomorihi o gu ozi ẹnịnị eyi.

⁶ Ohomorihi ọ mẹ ka aza ẹ kụkụ si eyi ịyẹẹyẹ re ọnị, dị ẹ́ẹ jị ọnị atẹ bẹ.

⁷ Ọnị ẹ̀ yị kụkụ re ẹtẹ ẹtẹẹrẹ ịsị orere sị ọnị mẹ, dị ụvọ ọnịrị ahụ anị ta vara ọchị nị.

⁸ Ọnịzẹyịza enee re ọnị dị ahị za wa jẹẹ, dị ẹ yaa kụ ayị hi aza edivi ana vị ọta anị.

⁹ Ịsa tụra ịsa enee tu ọnizẹyịza, vị́ ọnị aa jẹẹ gere-gere.

¹⁰ Ijoovu ka ẹ yị nyị ịrẹyọyẹ ọnị ọta anị nịnị nẹngụ sị zụ ọnị.

¹¹ Ọ kà ụmẹ usu aa gụrị ẹtẹ, ẹ yị nyị ịsa ọnị kụkụ aa tụra eyi.

¹² Ama ọta ẹnẹnị ee re oji dị ẹ vara ọvụ, ẹtẹ ee hozi dị ẹ ka eyi aa nị vẹ nị.

¹³ Isu kẹnẹ ọnị kụkụ ee zi eyi dị ọnị ọ na sụ ize hozi nị.

¹⁴ Ọnị vaa hị́ ukuta ada anị, dị ọnị rẹ hị́ ukukurumi ana vaa rị ọnị ọnyị anị ọnịrị ẹyịnyara anị anẹẹ.

¹⁵ Sị ọnị kụkụ aa tụra eyi? Ọza enee re e ọ ka yị ọnị dee.

¹⁶ Ọnịrị ọ wáá nọ ịnị eku na ya nị?