Ahẹ Ụgama 130 - IWE ỌNỊNỊ

Ọza ọnị ịrẹyị tù ộ mẹ̀ aduwa (Ahẹ anaā jị àa nọ ini eehi Ohomorihi)

¹ Ịrẹyị ene tù mi o si chi mị ẹngụ, di mi nowu na za Ẹnẹyịmavara nị.

² Ẹnẹyịmavara navọ wa ba mi owu. Navọ wa wụ́ owu ọnị maa na ka wa vayị amị.

³ Ẹnẹyịmavara, wàa ka waa chẹrẹ avaba ebira odivi ọnị yaa mẹẹ tịtẹ, ẹnị ẹ ka ọnị ọ zụ há?

⁴ Ama ẹwụ vị ana aa vagu ọza ana àa mẹ̀ ebira odivi, avọọ aza sịị̄ nyị angwahi awụ nị.

⁵ Ẹnẹyịmavara mi jẹẹ ezi nị. Maa tụra a eyi, ma sị eyi tụra ịrẹyị anị.

⁶ Maa tụra Ẹnẹyịmavara eyi, anka oserẹtẹ mèe zi ka eyi ò wụsẹ nị̄ avọọ. Mị nyayịnẹ ee zi ọ nị.

⁷ Ẹwụ nịnị Anisirẹrị, sị ayị tụra Ẹnẹyịmavara nịnị. Ẹnẹyịmavara vi ene ee sì ịrẹyị ọza pooro ọ mā tụ́ ọ, vi o sii sì ka ọnị ọ̀ọ dọ ọzaa tụ nị.

⁸ Ọnị ụvọta ọ vaa dọ Anisirẹrị tụ́ụ hụụnị ebira odivi ẹnị ẹ yaa mẹ nị.