1 Ịtọpa 25 - IWE ỌNỊNỊ

Ẹnị ọjahẹ ini Irehi Ohomorihi

¹ Ohinọyị Idevidi ọnịrị ẹnị ọdọvịdị Anireevi nịnị ẹ nyị ịrẹsụ Anireevi ẹnẹnị ka ẹẹ dọ ọvịdị ahẹkẹ ini irehi Ohomorihi: Ịrẹsụ ẹnẹẹ ẹ vị ịrẹsụ Asahwi, Ihemani, ọnịrị Ijedutuni. Ẹnịnị vị ana vaa kà ịrẹyị Ohomorihi, di ee hú ẹnya aahẹ ana sị mẹ igita avọọ ọnịrị ịchacha ana aa kụ́ụ nya ẹngụụ tụ ọ. Aza ẹnẹnị a nyị ka ẹẹ dọ ọvịdị aza ịnị ahẹkẹ nị. Ụkọrọ oni ogu ọzọza vaa mẹ rẹẹ yị.

² Ezi ọnọrụ Asahwi ẹẹna ana aā hị́: Izaku, Ijosẹẹhụ, Ịnẹtanịya, ọnịrị Asarera ne beri Asahwi ọnịrị ezi anị ọnị ọ vị ohirẹsụ ẹnịnị. Ọnị ọọ̄ kà ịrẹyị Ohomorihi ụmẹ tụra ụmẹ oni ohinọyị ọ̀ọ ka à yọ nị.

³ Ezi ọnọrụ Ijedutuni ịhịnọnyị ana aā hị́: Igidarịya, Izeri, Ijesaya, Isimeyi, Ihasabiya, ọnịrị Imatitiya. Ada ẹnịnị ọ vị ohirẹsụ ẹnịnị nị; dị ẹnịnị aa kà ịrẹyị Ohomorihi, di ee hú ịsaa tụ ọ. Dị ẹ rẹ yaa jị ahẹ gono Ẹnẹyịmavara, dị ẹyaa kụ ọ avọ.

⁴ Â rẹ nyị ezi ọnọrụ Ihemani ẹwụrẹna ana aā hị́: Ibukiya, Imataniya, Uziyẹrị, Isebuweri, Ijerimoti, Ịhanaanịya, Imaroti, Ihotiri, ọnịrị Imahaziyoti.

⁵ Ohomorihi ộ sị ezi ọnọrụ ẹwụrẹna ọnịrị ezi anẹẹ ẹẹta yị Ihemani, ọnịsẹ ohinọyị.

⁶ Avaba ezi ọnọrụ anị ẹnẹnị vị eneē hụ́ ịchacha anaā sụ ịrẹyị ọnịrị isohu ana vọ ọ saasa ahẹ ana aā jị ini irehi Ohomorihi, dị ahịka ada ẹnịnị ọ vị ọdọvịdị ẹnịnị nị. Asahwi, Ijedutuni, ọnịrị Ihemani vị anaā mẹ̀ ịsa ohinọyị ọ̀ọ kà a ka ẹ̀ mẹ.

⁷ Avaba azọkụ ohurẹẹna ẹnẹnị vị ọkọọka ịnị aahẹ ọyịmẹ̀. Anda ẹnịnị Anireevi ana vọ vị ana á kọọ yị a mẹmẹẹ mẹ aahẹ. Avaba ẹnịnị vabẹ vị ẹnị ịrẹka rị ọchị tụra ịhịnta (228).

⁸ Dị à va kà a ụkọrọ ẹnẹ ẹ vaa mẹ, vị aā zama ẹtẹẹ tụ ọ nị; ọ̀ọ vị ozweyi, ọ̀ọ vị ọzọkụ; ọ̀ọ vị ọka nịnị ọ̀ọ va vị ẹnị anaa kọsẹ.

⁹ Ọnị ịpaapa ana a nyị ọ vị Ijosẹẹhụ hụụnị ịrẹsụ Asahwi nị. Igidarịya ọ vị ọgwọhụva nị. Ọnịrị ezi anị beri ẹyịnyara anị vị ẹwụrẹva.

¹⁰ Izaku ọ vị ọgwọhụta nị. Ọnịrị ezi anị beri ẹyịnyara anị vị ẹwụrẹva.

¹¹ Iziri ọ vị ọgwọhụna nị. Ọnịrị ezi anị beri ẹyịnyara anị vị ẹwụrẹva.

¹² Ịnẹtanịya ọ vị ọgwọhụna nị. Ọnịrị ezi anị beri ẹyịnyara anị vị ẹwụrẹva.

¹³ Ibukiya o vị ọgwọhụhịnọnyị nị. Ọnịrị ezi anị beri ẹyịnyara anị vị ẹwụrẹva

¹⁴ Ijesareya ọ vị ọgwọhụhịmba nị. Ọnịrị ezi anị beri ẹyịnyara anị vị ẹwụrẹva.

¹⁵ Ọgwọhụhịnta ọ vị Ijesaya nị. Ọnịrị ezi anị beri ẹyịnyara anị vị ẹwụrẹva.

¹⁶ Imataniya ọ vị ọgwọhụhịịna nị. Ọnịrị ezi anị beri ẹyịnyara anị vị ẹwụrẹva.

¹⁷ Isimeyi a vana nyị vatụra a nị. Ọnịrị ezi anị beri ẹyịnyara anị vị ẹwụrẹva.

¹⁸ Azarẹrị a nyị tụ ọ ẹwụrọnya nị. Ọnịrị ezi anị beri ẹyịnyara anị vị ẹwụrẹva.

¹⁹ Isubayẹrị a nyị ka ọ̀ tụ ọ ẹwụrẹva nị. Ọnịrị ezi anị beri ẹyịnyara anị vị ẹwụrẹva.

²⁰ Imatitiya ọ tụ ọ ẹwụrẹta nị. Ọnịrị ezi anị beri ẹyịnyara anị vị ẹwụrẹva.

²¹ Imatitiya ọ tụ ọ ẹwụrẹna nị. Ọnịrị ezi anị beri ẹyịnyara anị vị ẹwụrẹva.

²² Ijeremoti a nyị tụ ọ ẹwụrẹhị nị. Ọnịrị ezi anị beri ẹyịnyara anị vị ẹwụrẹva.

²³ Ịhananịya ọ tụ ọ ẹwụrịhịnọnyị nị. Ọnịrị ezi anị beri ẹyịnyara anị rẹ vị ẹwụrẹva.

²⁴ Ijosibekasa ọ tụ ọ ẹwụrịhịmba ana a nyị nị. Ọnịrị ezi anị beri ẹyịnyara anị vị ẹwụrẹva.

²⁵ Ihanani ọ tụ ọ ẹwụrịhịnta nị. Ọnịrị ezi anị beri ẹyịnyara anị vị ẹnị ẹwụrẹva.

²⁶ Imaroti ọ tụ ọ ẹwụrịhịịna nị. Ọnịrị ezi anị beri ẹyịnyara anị rẹ vị ẹwụrẹva.

²⁷ Eriyata ọ gụ ọ oohu nị. Ọnịrị ezi anị beri ẹyịnyara anị vị ẹwụrẹva.

²⁸ Ihotiri ọ tụ ọ ohurọnya nị. Ọnịrị ezi anị beri ẹyịnyara anị vị ẹnị ẹwụrẹva.

²⁹ Aha ana tụ ọ ohurẹẹva vị ana a sị yị Igidariti. Ọnịrị ezi anị beri ẹyịnyara anị vị ẹnị ẹwụrẹva.

³⁰ Aha ana tụ ọ ohurẹẹta vị ana a sị yị Igidariti. Ọnịrị ezi anị beri ẹyịnyara anị vị ẹnị ẹwụrẹva.

³¹ Aha ana tụ ọ ohurẹẹna vị ana a sị yị Iromamiti-Ẹzẹrị nịnị. Ọnịrị ezi anị beri ẹyịnyara anị vị ẹnị ẹwụrẹva.