ᐃᓐᖏᕈᑎᑦ 93 - ᐊᒡᓔᑦ ᐃᑦᔪᕐᖕᓁᑦᑐᑦᐊᑕᓂᖅ ᐊᖓᔪᖅᑳᕐᔪᐊᖑᕗᖅ ᐃᓱᖃᖏᑦᑐᒧᑦ 1 ᐊᑕᓂᖅ ᐊᖓᔪᖅᑳᕐᔪᐊᖑᕗᖅ, ᐊᓐᓄᕌᕐᓯᒪᓪᓗᓂᓗ ᐱᓐᓇᕐᓇᕐᑐᓂᒃ ᐊᖓᔪᖅᑳᕐᔪᐊᕐᓯᐅᑎᓂᒃ; ᐊᑕᓂᖅ ᐊᓐᓄᕌᕐᓯᒪᕗᖅ, ᕿᑎᕈᓯᕐᓯᒪᓪᓗᓂᓗ ᐱᔪᓐᓇᕐᓂᕐᒥᒃ. ᑍᒤᒻᒪᑦ, ᓄᓇᕐᔪᐊᖅ ᐋᖅᑭᒃᓯᒪᕗᖅ; ᐊᐅᓚᑦᔭᒃᑕᐅᔪᓐᓇᕋᓂᓗ. 2 ᐃᒃᓯᕙᐅᑕᕐᔪᐊᑦ ᐋᖅᑭᒃᓯᒪᕗᖅ ᐃᑦᓴᕐᔪᐊᒥᑦ; ᐃᕝᕕᑦ ᐃᓱᖃᖏᑦᑐᒥᑦ ᐱᓯᒪᕗᑎᑦ. 3 ᐃᒪᕕᐅᑉ ᐃᖏᐅᓕᒡᔪᐊᖏᑦ ᖁᒻᒧᐊᓕᕐᐳᑦ, ᐊᑕᓃᖅ, ᐃᒪᕕᐅᑉ ᐃᖏᐅᓕᐊᓗᓂ ᓂᐱᖃᕐᑎᓕᕐᐰᑦ, ᐃᒪᕕᐅᑉ ᐃᖏᐅᓕᐊᓗᖏᑦ ᐃᒃᑑᓕᔮᓕᕐᐳᑦ. 4 ᐊᑕᓂᖅ ᖁᑦᓯᒃᑐᒦᑦᑐᖅ ᐊᔪᖏᓐᓂᕐᓴᕐᔪᐊᖑᕗᖅ ᐃᒪᕕᖕᓂᑦ, ᐊᔪᒐᖃᖏᓐᓂᕐᓴᐅᕗᖅ ᐃᒪᕕᐅᑉ ᐃᖏᐅᓕᕐᔪᐊᖏᑕ ᓂᐱᖏᓐᓂᑦ, ᐃᖏᐅᓕᒡᔪᐊᓪᓗ ᐃᒃᑑᓕᔮᕐᓂᖏᓐᓂᑦ ᐊᔪᖏᓐᓂᕐᓴᐅᕗᖅ. 5 ᓇᓗᓁᕐᓯᓂᑎᑦ ᑎᑎᕋᕐᓯᒪᔪᑦ ᓱᓕᑦᓯᐊᕐᐳᑦ; ᐃᑦᔪᕐᓁᓐᓂᕕᑦ ᐃᒡᓗᖁᑏᑦ ᐱᓐᓇᕐᓇᕈᑎᒋᕚ, ᐊᑕᓃᖅ, ᐃᓱᖃᖏᑦᑐᒧᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society