ᐃᓐᖏᕈᑎᑦ 87 - ᐊᒡᓔᑦ ᐃᑦᔪᕐᖕᓁᑦᑐᑦ

ᔨᕉᓴᓕᒥᒃ ᓂᕐᑐᕐᓇᕐᑎᑦᓯᓂᖅ

ᑰᕋᐅᑉ ᐃᕐᓂᖏᑕ ᐃᓐᖏᕈᑎᖓ

¹ ᖃᖅᑲᒥ ᐃᑦᔪᕐᓁᑦᑐᒥ ᐃᒡᓗᒐᓴᒡᔪᐊᑦ ᑐᓐᖓᕕᓕᐅᕐᑕᐅᓯᒪᕗᑦ;

² ᓮᐅᓂᐅᑉ ᐃᑎᕐᑕᕐᕕᖏᑦ ᐊᑕᓂᐅᑉ ᓇᒡᓕᒋᓂᕐᓴᕆᕔᑦ ᑕᒤᓐᓂᑦ ᔧᑰᑉ ᓄᓇᒋᔭᓕᒫᖏᓐᓂᑦ.

³ ᑐᓴᕈᒥᓇᕐᑐᓂᒃ ᐅᖃᐅᓯᐅᖃᑦᑕᕐᐳᑎᑦ, ᒎᑎᒧᑦ ᐃᒡᓗᒐᓴᒡᔪᐊᖑᔪᑎᑦ! ᓰᓚ

⁴ ᐃᓕᖕᓂᒃ ᖃᐅᔨᒪᔪᑦ ᐃᓅᖃᑎᒌᒡᔪᐊᑦ ᐃᓚᖏᑦ ᑍᓂᐊᕐᐸᒃᑲ ᕅᕼᐊᐱ ᐹᐱᓘᓂᓗ, ᐱᓕᓯᑎᐊᓗ ᑍᕆᓗ, ᐃᑎᐅᐱᐊᓗ ᑖᒃᑯᐊ ᐅᖃᕐᐳᑦ, “ᑖᓐᓇ ᑕᕝᕙᓂ ᐃᓅᓕᕐᓯᒪᕗᖅ.”

⁵ ᓮᐅᓂᒥ ᐅᖃᕐᑐᖃᕈᒫᕐᐳᖅ, “ᐅᓇ ᐃᖕᓇᓗ ᑕᕝᕙᓂ ᐃᓅᓕᕐᓯᒪᕘᒃ”; ᖁᑦᓯᖕᓂᕐᐹᖑᔫᓪᓕ ᓇᖕᒥᓂᖅ ᑖᓐᓇ ᐃᒡᓗᒐᓴᓕᐊᕆᓯᒪᕚ.

⁶ ᐊᑕᓂᕐᓕ ᓇᓗᓁᕐᓯᒪᔭᒥᓂ ᐃᓄᖕᓂᒃ ᐊᑎᓕᐅᕆᓂᐊᕐᐳᖅ, ᐅᖃᕐᓗᓂ, “ᐅᓇ ᑕᕝᕙᓂ ᐃᓅᓕᕐᓯᒪᕗᖅ.” ᓰᓚ

⁷ ᐃᓐᖏᕐᑏᑦ ᑖᓂᓯᕐᑏᓪᓗ ᐅᖃᕈᒫᕐᐳᑦ, “ᓮᒻᒪᕐᑎᑕᐅᓂᓕᒫᒃᑲ ᐃᓕᖕᓂᑦ ᐱᕗᑦ.”