ᐃᓐᖏᕈᑎᑦ 8 - ᐊᒡᓔᑦ ᐃᑦᔪᕐᖕᓁᑦᑐᑦᒎᑎᐅᑉ ᑕᑯᒥᓇᕐᓂᕐᔪᐊᖓ ᐃᓄᐃᓪᓗ ᐅᐱᓐᓇᕐᓂᖓᑦ ᐃᓐᖏᕐᑏᑦ ᑲᒪᔨᖓᓐᓄᑦ ᑍᕕᑎᐅᑉ ᐃᓐᖏᕈᑖ 1 ᐊᑕᓃᖅ ᐊᑕᓂᕗᑦ; ᐊᑏᑦ ᐱᐅᓂᕐᐹᖑᖕᒪᑦ ᓄᓇᕐᔪᐊᓕᒫᒥ, ᑕᑯᒥᓇᕐᓂᕐᔪᐊᑦ ᕿᓔᑦ ᖁᓛᓃᑉᐳᖅ! 2 ᓄᑕᕋᓛᑦ, ᓄᑕᕅᓪᓗ ᐊᒫᒪᒃᑐᑦ ᖃᓂᖏᑎᒍᑦ ᐱᔪᓐᓇᕐᓂᕐᒥᒃ ᐱᒋᐊᕐᑎᑦᓯᔪᑎᑦ, ᐊᑭᕋᕐᑐᕐᑎᑎᑦ ᐱᑦᔪᑎᒋᓪᓗᒋᑦ, ᐊᑭᕋᕐᑐᕐᑐᖅ ᐊᑭᒋᐊᕈᒪᔪᓪᓗ ᓂᐸᖏᖁᓪᓗᒋᑦ. 3 ᕿᓔᑦ ᐃᓱᒪᒋᓕᕌᖓᒃᑭᑦ, ᐊᒡᒐᖕᓄᑦ ᓴᓇᓚᐅᕐᑕᑎᑦ, ᑕᖅᑭᖅ ᐅᓪᓗᕆᐊᓪᓗ ᐃᓂᖏᓐᓄᑦ ᐃᓕᓚᐅᕐᑕᑎᑦ, 4 ᐃᓄᒃ ᓱᓇᐅᖕᒪᑦ ᐃᖅᑲᐅᒪᕕᐅᒃ? ᓱᖕᒪᓪᓗ ᐃᓅᑉ ᐃᕐᓂᖓ ᑕᑯᔭᕐᑐᕐᐱᐅᒃ? 5 ᑖᓐᓇ ᐂᖏᓕᓂᑦ ᐊᑦᑎᖕᓂᕐᓴᐅᓕᕐᑎᑉᐸᑦ, ᐱᓐᓇᕐᓇᕐᓂᕐᔪᐊᒥᒡᓗ ᐅᐱᒋᔭᐅᓂᕐᒥᒡᓗ ᓂᐊᖂᓯᕐᓗᒍ. 6 ᑖᓐᓇ ᐊᐅᓚᑦᓯᔨᐅᑎᑉᐸᑦ ᓱᓇᑐᐃᓐᓇᕐᓄᑦ ᐊᒡᒐᖕᓄᑦ ᓴᓇᓯᒪᔪᓄᑦ; ᓱᓇᑐᐃᓐᓁᑦ ᐃᓕᕙᑎᑦ ᑖᑦᓱᒪ ᐃᑎᒐᖏᑕ ᐊᑖᓄᑦ. 7 ᓰᐱᓕᒫᑦ ᐃᒻᒧᒃᓯᐅᒐᓕᒫᓪᓗ, ᐆᒪᔪᐃᓪᓗ ᐊᒡᓛᑦ ᓄᓇᒦᑦᑐᑦ, 8 ᑎᖕᒥᐊᑦ ᑎᖏᕙᒃᑐᑦ ᐃᖃᓗᐃᓪᓗ ᐃᒪᕐᒥᐅᑍᑦ, ᐃᒫᓂᓗ ᐃᖏᕐᕋᓲᓕᒫᑦ. 9 ᐊᑕᓃᖅ ᐊᑕᓂᕗᑦ, ᐊᑏᑦ ᐱᐅᓂᕐᐹᖑᕗᖅ ᓄᓇᕐᔪᐊᓕᒫᒥ! |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society