ᐃᓐᖏᕈᑎᑦ 75 - ᐊᒡᓔᑦ ᐃᑦᔪᕐᖕᓁᑦᑐᑦ

ᖁᔭᓕᓂᖅ ᒎᑎᐅᑉ ᐃᓱᐊᕐᑐᒥᒃ ᐱᓇᓱᐊᕐᓂᖓ ᐱᓪᓗᒍ

ᐊᓴᐸᐅᑉ ᐃᓐᖏᕈᑖ

¹ ᖁᔭᓕᕝᕕᒋᕙᑦᑎᒋᑦ, ᒎᑏ; ᖁᔭᓕᕗᒍᑦ! ᐊᑏᑦ ᑐᒃᓯᐊᕐᕕᒋᕙᕗᑦ ᐱᓂᐊᕐᓂᑎᓪᓗ ᑲᒪᓇᕐᑐᑦ ᐅᖃᐅᓯᕆᓪᓗᒋᑦ.

² ᐱᕕᒃᓴᒥᒃ ᓈᒻᒪᑦᓯᐊᕐᑐᒥᒃ ᓂᕈᐊᕈᒪ, ᐊᑦᔨᒌᒃᑎᑦᓯᔪᒥᒃ ᐱᓇᓱᐊᕈᒪᒐᔭᕐᐳᖓ.

³ ᓄᓇᕐᔪᐊᖅ ᓴᔪᒃᐱᓗᒃᐸᑦ, ᑕᕝᕙᓂᓗ ᐃᓅᔪᓕᒫᑦ, ᑕᕝᕙ ᐅᕙᖓ ᓱᑲᖏᓐᓂᒃ ᐋᖅᑭᒃᓯᓯᒪᕗᖓ ᐊᐅᓚᖏᑦᑐᒥᒃ. ᓰᓚ

⁴ ᐱᐅᔪᕆᔪᓄᑦ ᐅᖃᓚᐅᕐᐳᖓ, “ᐱᐅᔪᕆᓂᐊᕋᓯ,” ᐱᐅᖏᑦᑐᓄᓪᓗ ᐅᖃᕐᐳᖓ, “ᓇᒡᔪᖁᑎᑎᑦ ᐃᓴᐅᑎᓂᐊᕐᓇᒋᑦ.

⁵ ᓇᒡᔪᓯ ᖁᒻᒧᑦ ᐃᓴᐅᑎᓐᓂᐊᕋᓯᐅᒃ; ᑕᑎᑐᓗᓯᓗ ᓂᓪᓕᐊᓂᐊᕋᓯ.”

⁶ ᓂᕐᑐᕐᑕᐅᓂᖅ ᑎᑭᓐᓂᐊᓐᖏᓚᖅ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᓯᕿᓂᐅᑉ ᓂᐱᕕᐊᑕ ᓇᓛᓃᑦ, ᐅᓪᓗᓪᓗᐊᑉ ᓇᓛᓂᓪᓘᓐᓃᑦ.

⁷ ᒎᑎᓕ ᐋᖅᑭᒃᓱᐃᔨᐅᕗᖅ, ᐂᑉᐸᖓ ᐅᕐᕈᑎᑉᐹ, ᐂᑉᐸᖓᓗ ᐊᖏᔪᕈᕐᑎᓪᓗᒍ.

⁸ ᐊᑕᓂᖅ ᐃᒥᐅᑎᒥᒃ ᑎᒍᒥᐊᕐᐳᖅ, ᕔᓂᒥᒃ ᐃᓚᓯᒪᓪᓗᓂ ᐃᖑᓚᕐᓯᒪᑦᓯᐊᕐᓗᓂ; ᑯᕕᔪᒫᕐᐹ ᐃᒤᕐᓗᒍ, ᑕᕝᕙ ᐱᐅᖏᑦᑐᓕᔪᓕᒫᑦ ᓄᓇᒥ ᐃᒥᕈᒫᕐᐳᑦ; ᐃᒥᕐᓗᒍ ᐃᒤᑦᓯᐊᕈᒫᕐᐹᑦ.

⁹ ᐅᕙᖓᓕ ᓇᓗᓁᕐᓯᔪᒫᕐᐳᖓ ᐃᓱᖃᖏᑦᑐᒧᑦ, ᔧᑰᓪᓗ ᒎᑎᖓ ᐃᓐᖏᕐᕕᒋᔪᒪᕙᕋ ᓂᕐᑐᕐᓗᒍ.

¹⁰ ᐱᐅᖏᑦᑐᓕᔪᑦ ᓇᒡᔪᓕᒫᖏᑦ ᓇᑲᑎᕈᒫᕐᐰᑦ, ᐃᓱᐊᕐᑐᓕᔪᓪᓕ ᓇᒡᔪᖏᑦ ᐊᖏᔪᕈᕐᑎᑕᐅᔪᒫᕐᐳᑦ.