ᐃᓐᖏᕈᑎᑦ 67 - ᐊᒡᓔᑦ ᐃᑦᔪᕐᖕᓁᑦᑐᑦᐃᓐᖏᕈᑦ ᖁᔭᓕᓂᖅ ᐃᓐᖏᕐᑎᓕᕆᔨᓄᑦ: ᓄᖃᕐᑎᓕᖕᓄᑦ ᓂᑦᔭᐅᓯᔭᕐᑎᓄᑦ 1 ᒎᑎᐅᑉ ᓂᑲᒋᓕᑎᒍᑦ ᓮᒻᒪᕐᑎᓪᓗᑕᓗ, ᑮᓇᓂᓗ ᖃᐅᒻᒪᒃᑎᓪᓕᐅᒃ ᐅᕙᑦᑎᓐᓄᑦ. ᓰᓚ 2 ᐱᓂᐊᕐᓂᑎᑦ ᖃᐅᔨᔭᐅᖁᓪᓗᒋᑦ ᓄᓇᒥ, ᐱᐅᓕᒃᓯᓃᓪᓗ ᐃᓅᖃᑎᒌᒡᔪᐊᓄᑦ ᖃᐅᔨᔭᐅᓗᓂ. 3 ᒎᑏ, ᐃᓅᖃᑎᒌᒡᔪᐃᑦ ᓂᕐᑐᕐᓕᑎᑦ; ᐃᓄᓕᒫᓪᓗ ᓂᕐᑐᕐᓕᑎᑦ. 4 ᐃᓅᖃᑎᒌᒡᔪᐃᑦ ᐊᓕᐊᓁᒍᓱᒡᓕᑦ ᐃᓐᖏᕐᓗᑎᒡᓗ ᖁᕕᐊᓱᒃᓗᑎᒃ! ᐃᓄᐃᑦ ᓇᓛᒎᕐᑐᒥᒃ ᐃᖅᑲᕐᑐᕈᒫᕋᕕᒋᑦ, ᐃᓅᖃᑎᒌᒡᔪᐊᓪᓗ ᓄᓇᒥ ᑕᓯᐅᕈᒫᕋᕕᒋᑦ. ᓰᓚ 5 ᒎᑏ, ᐃᓄᐃᑦ ᓂᕐᑐᕐᓕᑎᑦ; ᐃᓄᓕᒫᑦ ᓂᕐᑐᕐᓕᑎᑦ. 6 ᓄᓇᐅᑉ ᑕᕝᕙ ᐱᕈᕐᑎᑕᓂ ᓴᖅᑭᑎᑦᓱᒫᕐᐰᑦ; ᒎᑎᐅᓪᓗ, ᒎᑎᑦᑕ, ᓮᒻᒪᕐᑎᑦᓱᒫᕐᐹᑎᒍᑦ. 7 ᒎᑎᐅᑉ ᓮᒻᒪᕐᑎᓚᐅᕐᐹᑎᒍᑦ, ᓄᓇᕐᔪᐊᓕᒫᓪᓗ ᐃᓱᐊ ᑎᑭᓪᓗᒍ ᓯᕘᕋᒋᔭᒃᓴᕆᕚᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society